ZEKARIA 12:2 - Bibilia Kui Mdedie fo Kimochi

² Ambuya njechihaluo Yerusalemu iwe kirahu kekupayapaya kiidi kya wandu wa mbaṟi tsose, nakyo kekaa ipfo Yuda mkonu fo kiwi fo Yerusalemu.

ZEKARIA 12:2 ပူးပေါင်းရင်းမြစ်များ

SHIIMBO SHA DAWIDI 75:8

Kipfa owokonyi ko Mndumii kuwode kirahu, na mvinyo fo nyashi yake fudosa mawia; fuichuo msanzo, nao naifupusuo. Walya wekewuta kilei wa wuyana, wechitsionga na inyo.

YESAYA 51:17

Kure, kure, hoṟoka, iyo Yerusalemu! Iyo ulenyo owokonyi lo Mndumii, Kitela kya kirahu kenango, Kokinyo kokimarisa.

YEREMIA 25:15

Nyi wudi Mndumii-Ruwa o Israeli anjiwia, “Ambia kirahu kya mvinyo fo nyashi ii owokonyi loko, norutse wandu wose wa mkambo iwo njechikuduma kowo.

YEREMIA 25:17

Nalyo ngaambia kirau kilya owokonyi lo Mndumii, ngarutsa wandu wa mkambo yose, walya Mndumii alenjiduma kowo;

YEREMIA 49:12

Mndumii-Ruwa nahamba adi: “Kokoya walya walawewaṟi inyo kikombe kya ngapo na wakinyo, ngesa iyo nochideo ulawode ngapo? Ote! Ochiwuṟa ngapo pfo; na kikaki na unyo kirahu kyo!

YEREMIA 51:57

Njechinanza wanene na walaanyi wawo, waitoṟi wawo, wachili na waskari wake; wechilaa mado ha mlungana walechikuṟe se. Ngadeda inyi mangi na rina lyako nyi Mndumii-Ruwa Menyi Matorito.

YEREMIA 51:7

Babeli nawei kirahu kya sahabu owokonyi lo Mndumii-Ruwa, kikananza wuyana wose. Mkambo walewado nyi nyashi itane wasuko.

YEREMIA 8:14

Wandu wawesa “Nkili lotsia sau? Kusanzenyi luhende kiidi kya mṟi iwode njomombo, luhende ipfia pfo! Kipfa Mndumii-Ruwa nateṟie ilurumatsa, kalurutsa mṟinga fowawa kundu lunyo. Kipfa kya idekio Mndumii.

HABAKUKI 2:16

Noichuo sonu handu ha kiṟumi iyo nofanane na walawadine; kirahu kya owoko lo kulyo lo Mndumii kihalutse nokiambie, na sonu ing'anyi yechicha huyapfo na huye ya kiṟumi kyapfo.

ZEKARIA 14:14

Wandu wa Yuda wechiamtsia Yerusalemu shida, wusuṟi wo wandu wa masanga wochisanyio, wechisanya sahabu, fesa na maṟao hafoi mnu.

ZEKARIA 14:2

Mndumii-Ruwa nyi echisanyia wandu wa masanga kundu wakape mṟi fu fo Yerusalemu. Mṟi fu fochidao wapfungo, mba tsanu tsiwewado, waka wanu wateṟefutso. Kyeenga kya wandu wa mṟi wasamiṟo, indi kenga kingi kechipayopfo ma idao nja ya mṟi pfo.

OTAMBAHALUO LO YOHANE 14:10

Nyio amonyi echinyo mpfinyo irie nyashi ya Ruwa ii-njiheṟie ipfo kirahunyi kya wutuuke woke iilai-nlongye mṟinga. Nao mnduchu echituuro ipfo modonyi fodosa mumuyo fo uṟoi wopfumba oṟoo sumhana na wasu waele na Kidahina kilya.

OTAMBAHALUO LO YOHANE 16:19

Na mṟi fulya fung'anyi fukang'nalawuka fukapaṟakana fukawa shifunyo shiṟaṟu, na mṟi iya ya mkambo ya wandu ikawunduka. Na mṟi fulya fung'anyi fo Babilon Ruwa nalafuhadima. Kafurutsa kirahu kya mnyoe fo mwinyo fuichuo wutuke wo nyashi ya Ruwa.

OTAMBAHALUO LO YOHANE 18:6

Mufutae chandu fuweketaa nayo fumenyi, mtaenyi kawi shilya shisumuhanyi mawuto hafo. Ipfo kirahunyi kilya fuwekelongya-ho munyoye muhende fulongya mbawe kawi.