ZEKARIA 12:10 - Bibilia Kui Mdedie fo Kimochi

¹⁰ Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

ZEKARIA 12:10 ပူးပေါင်းရင်းမြစ်များ

MAWOOKIONYI 45:1

O Yosefu alaidime itirisia oshangunyi lo iwo wose wawehoṟoki hafui nao. Kakoṟoṟoma, kechihamba, Orio mndu nakure iya oshangunyi loko. Manya kulehoṟoka mndu hamu nao, kiherikyo Yosefu alekuloṟa na wana wa maepfo.

MAWOOKIONYI 45:2

Kalesha ṟu lyake kafihiṟa, nawo Wamisri wakaicho. Wandu wa mba ya Farao wakaicho.

SHIIMBO SHA DAWIDI 51:12

Unjiwihiṟie sia ya okiṟo loko; unjiwanze na wuhoo na mrima.

MFANANO 1:23

Halukenyi kipfa kya wuwawaso woko; ambuya njechimuletsia mumuyo foko; Na imumanyishya madedo hako.

MFANANO 4:3

Kipfa mbei mana ko wande oko, mhoo, mkunde kimumu ko wama oko

YESAYA 32:15

Mṟasa mumuyo fuche huye yadu fuwuka huye; mṟasa kundu ko nuka kuhoye olele kochiwa mdemi fuiṟaa mnu; na mdemifo fokeṟaa mnu fusendo nyi ngeṟa.

YESAYA 45:22

Njiambuyenyi inyi mukiṟo, nyo njora tsose tsa wuyana; kipfa inyi nyi Ruwa kulawode ungi.

YEREMIA 31:19

Kipfa ngamekudekio, njiledumbuya, na ngamemaa ilosho, njilehamba samanya, ngaṟeenze na isonu, kipfa tewe tsa uwanake woko tsilenjiosha.’

YEREMIA 31:9

Wewuya wechitonyitsa mchenyeṟe, njechiwawihiṟa njewalembalemba, njechiwaitsa mbai ya shimeda sha mṟinga, kiidi kya njia njihoṟotsu kulawode ikapa tulia, kipfa inyi ngawa ndee o Israeli, Efraimu nyi mana oko mmbee.

YEREMIA 50:4

“Mafiriho na maheriho, ngahamba inyi Mndumii-Ruwa, wandu wa Israeli na wandu wa Yuda wechisanza handu hanu na iwuya wechifihiṟa na injishiha inyi Mndumii-Ruwa, Ruwa owo.

YEREMIA 6:26

Nyo wandu wako, ṟaenyi nguwo tsa makunyia na idamia kiidi kya mafu na ikapa kilio, cha kilio kya mana kimumu kilio kiwicho mnu, kipfa ichu aleduo wapfungo wa shida naicha huye yadu faṟa.

EZEKIELI 20:43

Kipfa kya ikyo, nyi mochihenda ikumbuo mawuto hanu mawicho muwewutie halya halemufanyiṟa, naho hechimwendie wusutsu,

EZEKIELI 37:14

Ambuya njikeri ihenda iwika mumuyo foko kiidi kyanu nanyo nyi mochihenda iwada moo, njiwemuwikase kulya orukenyi lonu muwenyi. Kipfa kya ikyo mochiwutaho imanya ke nyi Inyi Mndumii-Ruwa ngahamba, na nyi wudo njihenda iwuta. Nyi Inyi Mndumii-Ruwa ngahamba.”

EZEKIELI 39:29

Kyamba ili mandi njihenda ipusuya Wasraeli mumuyo foko, njechiwaowiasepfo. Nyi Inyi Mndumii-Ruwa ngahamba.”

AMOSI 8:10

Na inyi Njechihaluo mfiri yanu nnene ya sia iwe ya shilio na shiimbo shanu naawo shiwe kilio; mochiṟaa masaṟa shitsinyi shose, mbewika njohaa huye ya orio mdo; njechiende ishi shose shiwe kilio kipfa mana kimumu na ifurumia cha kiheri kya mawawio.

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

MAITALA 21:9

Kyasia, Mose kasungusia njoka ya aṟeṟa, kaimasa ngohu. Orio mndu aleimado nyi njoka ili aleambuya njoka iya ya aṟeṟa, nalechia.

MATAYO 24:30

Mandi nalyo kiṟingishyo kya Mana o mndu kikuloṟe alya ruwehu. Na mbaṟi tsa wandu wa kunu orukenyi tsiwefihiṟa tsose. Nawo wawone Mana o mndu kecha akeri huya mapuchi ha ruwehu ai na pfinya ing'anyi na wusuṟi.

MATAYO 26:75

Na Petro kakumbuo kidedo kilya Yesu ambie ke olong'onyi lulamkapa nyi ochinjikana kaṟaṟu. Naho kawuka-ho kahenda kulya nja kafihiṟa kaingelea.

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

MAWUTO HA WASU 10:45

Na waidiki wadine walya werianyi na Petro wakasaangya kipfa ili kimasyo kya Mumuyo Mwele kyechipusuyo na wandu wa mbaṟi njihenu.

MAWUTO HA WASU 11:15

Nahong'u ilindi njiweasa ideda njidi Mumuyo Mwele kawasokya cha lilyandi alusokya so lya kuwoka.

MAWUTO HA WASU 2:17

‘Ruwa ahambye, nyi kechiwa ili mafiri hefurumya njechipusya wandu wose Mumuyo oko. Na wana wanu wa womi na wa waka wechideda shisuku. Na wanake wanu wechiwona shiwonesyo. Na wameku wanu wechilodya ndodo.

MAWUTO HA WASU 2:33

Kyasia amemaa idoso itane kuwokonyi ko kulyo ko Ruwa na yambya kiwantasyo kilya kya Mumuyo Mwele ko Wande kadika iki mukiwonyi na ikiicho wulalu.

MAWUTO HA WASU 2:37

Wekiicho wadi iki kikawakoṟa ngoo tsawo wakawia Petro na wasu walya wengi, “A luwikewo luda, lanye wanawawama wadu?”

WAROMA 8:15

Kyamba nyi mulaleambya Mumuyo fo wusinga foamtsa-se lingi wuowu chi wudopfo, kya indi nyi muleambya Mumuyo o wuwana moluenenga ilaha; hoi Aba, hoi Wande.

WAROMA 8:26

Na wudo na Mumuyo akeri iludaṟa keluwikya ngaya hando lufafaa; kyamba so lulaichi chandu kiluwaṟi iterewa chando kiwuṟie isumhantso, kya indi Mumuyo amonyi ailuikayaho na masumukyo halechiwa ihamba.

WAEFESO 6:18

Terewenyi orio kiheri mutaramo nyi Ruwa na shifuhyo sha orio mbaṟi yose, mochiterewa kiheri kyose muwodo nyi Mumuyo, Laenyi chowe mochiterewya wandu wa Ruwa wose kui matumatu na yomba.

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

YUDA 1:20

Indi nyo mui-wakunde mukuilikishe necha muwenyi ipfo wuidiki-hu wonyu wuele. Terewenyi muwodo nyi pfinya ya Mumuyo Mwele.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.

1SAMWELI 7:2

Wokia mandi isanduku lya Mndumii-Ruwa liledao mṟinyi fo Kiriath-yearimu kuleidaho kiheri kileshe, cha maaka makumi hawi kudi. Kiherikyo Waisraeli walelilia Mndumii-Ruwa.