ZEKARIA 11:7 - Bibilia Kui Mdedie fo Kimochi

⁷ Kyasia ngalisa po lilya na machondi halya hawei mapotse mnu nakamu. Ngakuwonya ndichi tsiwi, iya ya kuwoka ngailaha “Osaṟio” na ya kawi “Shipfungo” ngalisa poo lilya.

ZEKARIA 11:7 ပူးပေါင်းရင်းမြစ်များ

SHIIMBO SHA DAWIDI 23:4

Ee, mangaida kiidi kya pichi lya kirinje kya opfu, Njechiowuo mawichopfo, Kyamba Iyo noi na inyi. Iṟiinga lyapfo na ndichi yapfo shanjiwihiṟya moo.

SHIIMBO SHA DAWIDI 27:4

Idedo limu njiwelikundi ko Mndumii, Nlyo njiliwalya mkonu yose. Njikae ipfo mbenyi ko Mndumii mfiri yose ya moo foko. Njiambuye wucha wo Mndumii, Na ikusaṟa mbonyi tsake ipfo hekalunyi lyake.

SHIIMBO SHA DAWIDI 90:17

Na wucha wo Mndumii, Ruwa odu, wuwe huyadu, na iṟunda lya mawoko hadu noliikare, ee da, iṟunda lya mawoko hadu noliṟihike.

YESAYA 11:4

indi kui wukiilohi nechianduya wakiwa, nechiwawasa wekunyiiṟa wa wuyana kui wuele; nechikapa wuyana kui ndichi ya dumbu lyake, na kui mṟufu fo dumbu lyake nechiwaha wawicho.

YESAYA 40:11

Nechilisa po lyake cha mlisi, Nawesanyia machondi hake mawokonyi hake; Nawaduo kipetehu kyake. Na iwo waionza nechiwaduo kyomboho.”

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YEREMIA 39:10

Kyaindi Neburadani mnene o waaskari waringi, naleda wandu maata wakiwa walawewode kindo kyose orukenyi lo Yuda, kawahawia madema ha mzabibu wakaweinengo handu hedema kiheri nakyo.

WALEWI 27:32

Kya shuma, shikameitalo, orio kya ikumi kii kiele ko Mndumii-Ruwa.

MIKA 7:14

Ruwa, ringa wandu wapfo na olio lopfo, ringa iwo wa po lyapfo kumonyi iwo wai wawenyi, kundu ko ngeṟa wai waṟingichie nyi teri iwode sari. Uwalise na iwaringa chandu ulewuta ili mboko, kiidi kya Bashani na Gileadi.

SEFANIA 3:12

Indi njechitsuhaṟa wandu waangu walya waiwawonyie na wakiwa, nawo wechiidikia na ikusiria rina lyako inyi Mndumii.

ZEKARIA 11:14

Naalyo ngadumbuo ndichi iya ya kawi yelaho shipfungo, kundu njiwuteho kilunga kilya kya mndu na odoe, kilunga kya Yuda na Israeli.

ZEKARIA 11:4

Mndumii, Ruwa oko, nalehamba adi, “Lisa poo lya kishinjionyi,

MATAYO 11:5

Wapfu meso a-iwang'u waiwona, na shiricheche aiwa waihenda. Na waluo saka waiheremka, wapfu madu a iwa waicho, na wapfu nyi waṟuka, na wakiwa a iwa waiongoyo mbonyi tsa sia.

MARIKO 12:37

Dawidi amonyi nyi amlahye, ‘Kristo nyi Mndumii,’ nyi wuda Kristo ai mana oke?” Na kituṟu kilya kya wandu kinganyi kikamadanya na sia.

YOHANE 10:16

Njiwode na machondi hengi-se halakeri ha mfiṟihafu. Kyaho nangaki na njihaende naho. Naho na hecheicho ṟu lyako. Naho kochikaa-ho ipo limu tupu na mlisi na umu mfi.”

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

1SAMWELI 17:40

Dawidi kaduo ndichi iya yake owokonyi, kakusambuṟia songoṟo tsa maho tsitanu njicha atsiwuta medenyi katsiwika kikuchunyi kyake kehenda patenyi. Kaṟeheṟa na kombeo lyake owokonyi loke, kawooka isembelia Goliathi Mfilisti.

1SAMWELI 17:43

Goliathi kawesa Dawidi, “Ndichiyo yaki wulalu? Nokusaṟie kulako inyi nyi kite itane onjichea na ndichi?” Mfilisti ulya kasesa Dawidi kui maruwa hake.