ZEKARIA 11:12 - Bibilia Kui Mdedie fo Kimochi

¹² Ngawawia, kikamuchihia, njineengenyi woṟunda woko, ang'u mulanjiinenge. Kyasia wakanjiitalya rupia makumi haṟaṟu nkyo woṟunda woko.

ZEKARIA 11:12 ပူးပေါင်းရင်းမြစ်များ

MAWOOKIONYI 23:16

Abrahamu kaidikia madedo ha Efroni. Abrahamu kainengia Efroni pesa tsilya alemsendia madunyi ha Wahiti, shekeli tsa pesa mahana haana tsa mbaṟi iya wekapa mbucha wekekapa natso mbucha.

MAWOOKIONYI 37:28

Wekapa mbucha wa Wamidiani wekishikaho; kyasia wakadosapfo Yosefu kuwuka kulya ṟungunyi, wakakumba Yosefu ko Waishmaeli ko shipeṟengu makumi hawi sha pesa; nawo wakaduo Yosefu tane Misri.

1WAMANGI 21:2

Ahabu kadeda na Nabothi kambia, “Njiinenga dema lyo lyapfo lya msabibu njilyihaluo lya mboha, kipfa lii kufui na mba yako, na inyi njechikuinenga dema lingi lya msabibu licha ngoseṟa, ang'u kokunda njikunenge fesa tsihianyi na wuhuru wo dema lyo.”

1WAMANGI 5:6

Wulalu wawasa wandu wapfo wamanye mashidi ha ipfo Lebanoni. Wandu wako wechikusanza na wandu wapfo kiidi kya iṟunda li, na inyi njechiwataa chando iyo ochinjiwia, kipfa noichi ke kuwode wandu kunu koko wawode wuaria wo manya mashidi chanyo Wasidoni-pfo.’”

2MBONYI TSA MAHERI 30:4

Chila ii ilechihiṟa mangi handu hamu na wandu wose sa wawekusanzie kulya Yerusalemu.

IWUKA 21:32

Kokoya mmbeyo yawaaha isinga lya kiumi ang'u lya kika; menyi mmbe nechitaa njooko ya fesa 30, na mmbe yo yechiwoho ko ikapo na maho.

YEREMIA 32:9

“Kyasia ngahuṟa dema lyo liwei Anathothi, liwuka ko mho oko Hanameli, ngamaa itaa wuhuru woke kiheo kya Shekeli ikumi na mfungade tsa fesa.

WALEWI 27:4

Kokoya nyi mndumka, nechitalao na pesa shekeli makumi haṟaṟu.

MALAKI 3:5

“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.

MATAYO 26:15

Kahamba, “Nyi kiki mokunda injiinenga na inyi njimueke imdambika konu?” Wakamteṟya-ho kiheo kya rupia makumi haṟaṟu.

MATAYO 27:10

Wakatsiwika tsehuṟa dema lya mndu mowumba nungu na chando Mndumii awenjiwawasye.”

MATAYO 27:9

Nalyo kilya kii kidede nyi mwikimbi Yeremia kikahoya-ho kido kehamba, “Nyi waleduo rupia tsilya makumi haṟaṟu tsii wuhuru wohuṟa ichu amambie wuhuru woke chando wushikye ichu wana wa Israeli waleambuya wuhuru chando ashikye.

YOHANE 13:2

Nahong'u Kilayo kilya kii-kyaale Yesu na wa kiloshionyi na ichu mkumbi amemmaa yamtsa wuṟingi ipfo mrimenyi fo Yuda Iskariote ai mana o Simon wohenda iṟingya Yesu.