ZEKARIA 11:11 - Bibilia Kui Mdedie fo Kimochi

¹¹ Nayo ikafunjo mkonu fulya; ko ikyo machondi halya hawei mapootse halenjiadanyia hakamanya ke idedo lyi nyi lya Mndumii.

ZEKARIA 11:11 ပူးပေါင်းရင်းမြစ်များ

2MBONYI TSA MAHERI 9:14

itsi nyi ngoseṟa ya tsilya awekeendio na wasuṟi na wandu walya wawekekapa mbucha. Wamangi wose wa Arabia, na wasongoru wa Israeli nawo waweke mendie sahabu na fesa.

SHIIMBO SHA DAWIDI 69:33

Kipfa Ruwa nekeicho iwo wahuṟi, manya echimina walya wekuotoya-pfo.

YESAYA 14:32

Wandu wa oshari lu waendio kiki? Ke Mndumii nawikie otende lo Sioni, na kiidi kyake walya walewonyio kiidi kya wandu wake wechiwona hedichia.

YESAYA 40:31

Kyaindi iwa wewedia Mudumii wechiinengo pfinya njihya; wechido huye na makungo cha mbeṟo; wechiwika mteṟa, ma walechilehela; wechichumia na madende, walechiuma.

YESAYA 8:17

Na inyi njechiwedia Mndumii, moṟika kyaamu kyake ko wandu wa mba ya Yakobo na inyi njechimwambuya.

YEREMIA 32:8

Kiidima mho oko Hanameli nalenjichea mbenyi ya waringi chandu Mndumii-Ruwa alenjiwia, ‘Huṟa dema lyako likeri Anathothi oruka lo Benyamini kipfa iyo kikuwaṟi nolitalae. Huṟa ko kiira kyapfo.’ Nalyo ng'u njilemanya ke na lohi liwei idedo lya Mndumii-Ruwa.

MIKA 7:7

Kyaindi inyi njikusiria Mndumii-Ruwa, njiwedia Ruwa ai monjikiṟa; Ruwa oko nechinjiadanyia.

SEFANIA 3:12

Indi njechitsuhaṟa wandu waangu walya waiwawonyie na wakiwa, nawo wechiidikia na ikusiria rina lyako inyi Mndumii.

LUKA 19:48

Walawone kembutia; kipfa wandu wafoi wawewatiṟanyi nao wechimwadanyia.

LUKA 2:25

Maheri halya kuwekeri mndu kulya Yerusalemu, rina lyake nyi Simeon, na mndu-chu nyi awei mndu mcha, asumuhanyi, aweowoye mnu Ruwa, kechiwedia ulya mowihiṟa Israeli moo, na Mumuyo Mwele nyiawekeri nao.

LUKA 2:38

Nao kawecha naho, saa na iya, kaidapfuma Ruwa; kahenda kyechionguo kyake ko walya waweiwedia maletsionyi ha Israeli wose.

LUKA 23:51

Ichu awekuwode na chila yawo ma mawuto hawopfo; nao nyi aweiwedia wumangi wo Ruwa.

LUKA 7:22

Kahaluo kawawia “Kuhendyenyi muongoye Yohane ishi moicho na iwona mkawewona Wapfu meso aiwa wai iwona, wai iriteka na iwa wai ichumia, wawodo nyi saka wai iheṟemka, wapfu madu nyi wai iicho, wapfiie nyi wai iṟutso, na wakiwa wakaongoyo mbonyi tsiwode sia.

NGUMBUO YA MAWAWASO 31:21

Kiheri wechihoyo nyi ndenga tsifoi na mawina; kiimboki kechiimbo kiwawiiye wuṟingishi kipfa kechihadimo nyi luwa lyawopfo. Ma wulalu ndamewaduo kulya orukenyi njilelya nyamu ke njechiwainenga, njiichi shindo waikusaṟa.”

NGUMBUO YA MAWAWASO 31:29

Kipfa njiichi ke ngamepfa kya lohi mochiwa wanyamaṟi na ilekana na njia iya njilemuwawasa muioshe. Na mafiri hechicha mochicheyo mandenga kipfa mochiwuta mawicho oshangunyi lo Mndumii, na imsukiṟa kui mawuto hanu mawicho.”