ZEKARIA 10:6 - Bibilia Kui Mdedie fo Kimochi

⁶ Inyi njechikarisha mba ya Yuda, njechikiṟa mba ya Yosefu, inyi njechiwawihiṟa kipfa ngawaichio makulili; wechiwa ke njiwakumbie pfo kipfa inyi nyi Mndumii-Ruwa owo njechiwaicho.

ZEKARIA 10:6 ပူးပေါင်းရင်းမြစ်များ

SHIIMBO SHA DAWIDI 89:21

Ichu owoko loko lochiwanga koke, na owoko loko lochimbikia pfinya.

YESAYA 11:12

Nao nechiira bendeṟa ya wandu wa mkambo huye, nechisanza wandu wa Israeli wai wakumbe, nechisanyia wandu wa Yuda wawerahanyikie, kuwuka njora tsiina tsa wuyana.

YESAYA 14:1

Kipfa Mndumii nechiwuyase isaṟia Yakobo, nechisambuṟa Israeli-se, nao nechiwawikase orukenyi lowo wawenyi; mhenu nechikulunga nawo, nawo wechiwadana na mba ya Yakobo.

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YESAYA 54:4

Kulaowuo; kulatisiki; kulaowuo na isokio nyi fowa; kipfa ulechitaluka; kipfa nochihadima sonu tsa uwanake wopfo, ma shirumo sha wukusu wopfo ochishikumbuo-sepfo.

YESAYA 54:8

Kipfa kya nyashi ya msanjika njechiṟika kyamu kyako kioweṟe sa kitutu; kyaindi kui isaṟia lyako lilasia njechikueka, Mndumii mkiṟi opfo ahamba.

YEREMIA 23:6

Kiidi kya mkonu yake, Yuda nechikiṟo na Israeli nechikaa kipuo, na rina lyake echilaho nyi ili, ‘Mndumii nyi wulohi wodu.’”

YEREMIA 3:18

Mafiri halya mba ya Yuda wechicha kimu, wuka oruka lo mtsudu mṟasa oruka lulya njileinenga wandeanyu luwe kyoṟa kyawo.

YEREMIA 30:18

“Mndumii-Ruwa nahamba adi: Njechiwihiṟa se sia tsa kanyi ko Yakobo, na isaṟia kanyi koke; mṟi fochiwiko wuhya huye ya handu hawunduo, na mṟi fo mangi fochihoṟoka alya handu fuwei.

YEREMIA 30:20

Wana wawo wechiwa chandu wawei ilyi mboko, na kisanzio kyawo kechiwanga oshangunyi loko, njechiwahoṟuo wose wewatuura.

YEREMIA 31:1

Mndumii-Ruwa nahamba, “Kushika kiheri inyi njechiwa Ruwa o shishari shose sha Israeli nawo wechiwa wandu wako.

YEREMIA 31:20

Efraimu nyi manoko mkunde; o nyi manoko mkunde mnu. Nkyo kitewe orio mandi ngamwowesha, ngaweengeṟa imkumbuo. Mrima foko fumwindukie ko mecha; na lohi njechimsaṟia. Nyi inyi Mndumii-Ruwa ngahamba.

YEREMIA 31:31

Mndumii-Ruwa nahamba, “Mkonu ikeri icha njiwike mkundano mhya na wandu wa Israeli na Yuda.

EZEKIELI 36:11

Njiwehenda ipfumbutsa wandu hamu na shiuma shehende ifo. Nyo mafumvu njemuhaluo muwe handu hecha hekaa cha kuwoka. Njiwehenda iwawutia sha wucha kota kuwoka. Nlyondi nanyo mochiwutaho imanya ke inyi nyi Mndumii-Ruwa.

EZEKIELI 36:37

“Inyi Mndumii-Ruwa ngahamba njidi: Waisraeli wakeri ihenda injiterewa wapfumbuke cha ipo lya machondi, kipfa kya ikyo nyi njechiwafoeṟa kudo.

EZEKIELI 37:16

“Iyo mndu! Ira kidi kimu uṟehie madedoha huye yake, ‘Ko Yuda na Waisraeli wa pfunganyi nao; Uweiriase kidi kingi uṟehieho madedo ha; Ko Yosefu (kiidi kya Efraimu) na Waisraeli wapfunganyi nao.’

EZEKIELI 39:25

“Nyi wudo Inyi Mndumii-Ruwa njikeri ihamba, njikeri ihenda isaṟia Waisraeli wai nyi wana wa Yakobo njiwewawihiṟia se mboṟa yawo, kundu rina lyako liele liidime se iindio.

HOSEA 1:11

Wandu wa Yuda na Waisraeli wechilungana na isahuo msongoru owo umu; nawo wechioṟa orukenyi lowo. Mkonufo fochiwa mkonu mnene fo Yezreeli!

HOSEA 1:7

Kyaindi njechihoṟia wandu wa Yuda, na iwakiṟa. Inyi, Mndumii-Ruwa, Ruwa owo, njechiwakiṟa, kyaindi chi ko pfinya tsa olemali-pfo, ma chi ko wuda, ang'u ko oshu, ang'u ko frasi, ang'u ko wedoya frasi-pfo.

HOSEA 14:9

Lanye wandu wa Efraimu, Nyi kyaiki mukuwadase na sanamu? Inyi nyi njechiadanyia shiterewo shanu, inyi njikeri momuembeṟa, inyi nyi njemuwikia mṟinga cha mberoshi. Kunu koko nyipfo kundu mochiwona ndunda tsanu.

HOSEA 2:23

Njechidonga Yezreeli kiidi kya oruka; njechisaṟia sa “Alekesaṟio,” na walya walelaho, “Chi wandu wako-pfo,” njechiwawia, “Nyo nyi wandu wako.” Nawo wechihamba, “Iyo nyi Ruwa odu.”

OBADIA 1:18

Na mba ya Yakobo yechiwa modo, na mba ya Yosefu yechiwa olewo lo modo, na mba ya Esau yechiwa mashaku maumu, wo wechiaka kiidi kyawo, na iwarumatsa; manya kuwode mndu ma umu echitsuhaa kiidi kya mba ya Esau pfo; na isaramaye; nyi Mndumii ahamba isho.

MIKA 4:13

Mndumii-Ruwa nahamba, “Nyo wandu wa Sioni, hoṟokenyi muhende ihoṟuo wakituwa wanu! Njechimuinenga pfinya cha ipung'a lyiwode membe tsa menya na mbahachu tsa aṟeṟa. Mochisa wandu wa mkambo ifoi, shilya mowonafo mochinjiinenga inyi shidambiko shako, masaa hawo mochinjiinenga inyi Mndumii-Ruwa o wuyana wu wose.”

MIKA 4:6

Mndumii-Ruwa nahamba, “Mafiri halya njechisanyia watiliwanyi shiwungo, ee da, njechisanyia walya waledao osamiṟonyi, wandu walya njilewahoṟuo.

MIKA 5:3

Msongoru cho nechilisa wake kwi pfinya ya Mndumii-Ruwa, kwi kiṟumi kya Mndumii-Ruwa, Ruwa oke, wandu wake wekusaya olelenyi, kipfa nechikuwia mnene mṟasa mtsitsionyi fo oruka.

MIKA 5:8

Waisraeli wechiwinza wakituwa wawo na iwarumatsa piu.

MIKA 7:16

Kundu wandu wa mkambo ili wechiwona, isho waichuo sonu ma kokoya wawode pfinya. Wawe mkahai wawuṟe kededa, wawe cha wapfu madu.

ZEKARIA 1:16

Kui kipfa ikyo Mndumii nahamba adi, njiwuyase iambuya Yerusalemu kui Osaṟio na mrewa fochiwiko huye ya Yerusalemu, Mndumii menyi matorito ahamba.

ZEKARIA 10:12

Njechiwainenga pfinya kiidi kya Mndumii, wechichumia ipfo na ipfo kiidi kya rina lyake, Mndumii ahamba.

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

ZEKARIA 8:11

Kyaindi wulalu njechikaa se ko iwa watsuhee sepfo chandu mbei ilyi mbooko, nyi Mndumii menyi Matorito ahamba.

ZEKARIA 9:16

Mndumii-Ruwa owo nechiwakiṟa mkonu fo, cha po lya wandu wake; Kipfa wafananyi na oṟo tsa wuhuru wung'anyi Tsekemakema huya oruka.