ZEKARIA 10:5 - Bibilia Kui Mdedie fo Kimochi

⁵ Wandu wa Yuda wechiwa cha wandu wa mbahanyi, wekechumachuma wakituwa wawo cha odoko lo njia; wo nyi wechikapana shida kipfa Mndumii nai nawo. Iwo wedo frasi wechilehela.

ZEKARIA 10:5 ပူးပေါင်းရင်းမြစ်များ

2SAMWELI 22:43

Ngawahuo mṟasa wakawa cha kiluli, ngawapeṟehetsa na iwachumachuma cha odoko lo njienyi.

2SAMWELI 22:8

“Wuyana wose wukadedema na ikisokiso; otende lo Ruwehu lukapaṟika, kipfa kya nyashi ya Ruwa.

2WAMANGI 9:33

Nao Yehu kawawia, “Mkumbenyi wanda.” Wakamkumba wanda samu yake ikatalachikia huya mawanda na frasi. Yehu kaitsa frasi na igari lyake huya mnying'a fulya.

SHIIMBO SHA DAWIDI 18:42

Njilewapaṟapaṟa wakawa cha kiluli kiwiwito nyi otanu, Ngawakumba nja cha madoko ha njienyi.

SHIIMBO SHA DAWIDI 20:7

Iwa wahamba magari, na iwa frasi, Indi so losenda Rina lya Mndumii, Ruwa odu.

SHIIMBO SHA DAWIDI 33:16

Kuwode mangi ekekia kipfa kya mfoeṟa fo wuidimi woke pfo, Manya mbahanyi ekyekia kipfa kya mfoeṟa fo pfinya pfo.

SHIIMBO SHA DAWIDI 44:5

Kui pfinya tsapfo lochiolotsa watuuri wadu, kui rina lyapfo lochichumachuma iwo wekyelukaṟuo, iwo weluwonyia.

SHIIMBO SHA DAWIDI 45:3

Kupfunge oshu lopfo kitsinyi. Iyo ui ngohoda, Kiṟumi nyi kyapfo na mng'ano na fopfo.

YESAYA 10:6

Njechimduma kiidi kya wandu wenyi wuminyi, na inyi njechimnenga mawawaso huya wandu wa nyashi yako, naduo wapfungo nawachumechume cha odoko lo njienyi.

YESAYA 25:10

Kipfa owoko lo Mndumii lochitirima huya fumvu li, na Moabu nechichumo ipfo kundu ai, cha maṟa maumu hakeri ichumo kiidi kya mṟinga na sakenyi.

YESAYA 31:1

Ochia lo walya waisoka wechihenda Misri wawone ngaya, wechikusiria frasi; wechikusiria magari kipfa nyi hafoi, na wehenda na frasi kipfa nyi wai ngohoda; kyaindi wakeri iambuya ichu ai Mwele o Israeli-pfo, ma wakeri ishiha Mndumii pfo!

YESAYA 41:12

Nochiwashiha ma ochiwona walya waikapana na iyopfo, wechiwa kindopfo; wechiwa cha kindo kilechiwa; walya waleira shida huyapfo.

YESAYA 41:25

Ngahoṟotsa mndu wuka mtsudu, nao nacha; woka ora lo ngamenyi nacha mosenda rina lyako; nechichea wachili cha mndu aipochapocha odoko, na cha mndu aiumba shihia sha teri.

YESAYA 8:9

Wikenyi ngaluko, nyo oshari lo wandu, Nyo nyi mochipaṟopaṟo shipeṟengu, Dehenyi madu, nyo njoruka tsii kuleshe, Wanzenyi shitsi, nanyo mochipaṟopaṟo shipeṟengu, Wanzenyi shitsi, muwode wuowu.

EZEKIELI 38:15

uwuka ipfo kuleshe mnu ora lo huye urianyi na wandu wafoi wadoye frasi, mbahanyi ing'anyi iwode pfinya ing'anyi.

AMOSI 2:15

Ichu alemye wuda echihoṟokapfo; Manya ichu awode madende maangu ekiapfo; modoya frasi echikiṟa mrima fokepfo;

MIKA 5:8

Waisraeli wechiwinza wakituwa wawo na iwarumatsa piu.

MIKA 7:10

Mkituwa oko nlyondi echiwona isho na iṟeenze; kipfa nalenjiwia, “Okung'u Mndumii-Ruwa, Ruwa opfo?” Inyi njimonyi njechiwona mkituwa kechiomboka; nechichumochumo cha odoko lo njienyi.

HAGAI 2:22

Njechipfuluo loṟika lo mangi na inyamaṟa pfinya tsa wamangi wa mkambo ya wandu; njechipfuluo makari, na iwo wadamye pfo, iwo wadamye huya frasi wechioloka wanda, orio mndu kwi oshu lo manomae.

ZEKARIA 12:4

Mkonu fo Mndumii nahamba nechiwika kiṟihisho ko frasi tsose, na icho ambawe nawodo nyi oṟuṟe, na meso hako hechiambuya mba ya Yuda, njechiwaaha meso ha orio frasi ya wandu wa mbaṟi tsose.

ZEKARIA 12:8

Mandi ho Mndumii nechiringa wandu wa Yerusalemu na icho ai mnyonge kiidi kyawo, nechifanana na Dawidi mkonu fo; mba ya Dawidi yechiwa cha Ruwa cha Malaika o Mndumii oshangunyi lowo.

ZEKARIA 14:13

Mkonu fo wuowu wung'anyi wochihoya wandu wose na orio umu owo nyi echipfuluko kipfa kya odoye

ZEKARIA 14:3

Numa Mndumii-Ruwa nechicha nakape shida wandu wo chando elewuta mkonu ya shida.

ZEKARIA 9:13

Yuda njechimhaluo nawe wuda na Efraimu nawe mfi foko. Iyo Sioni! Wandu wapfo njechiwahaluo wawe oshu lopufukia wandu wa Ugiriki; njewahaluo cha oshu lo mndu mkari o shida.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MATAYO 4:3

Mheshi kacha naho kambia, “Kokoya na iyo Mana o Ruwa, kewia-ngu maho-ha hawe kando.”

LUKA 24:19

Nawo kawawia, “Antso njiki?” Wakambia, “Nyi tsa Yesu o kulya Nasareti, ulya aweei mdedi o Ruwa awode pfinya yewuta na yededa sumuhana na Ruwa na wandu wose.

MAWUTO HA WASU 18:24

Kyasia mndu Myuda rina lyake ewio nyi Apolo amfeye Aleksandria kashika kulya Efeso ai mlaanyi molaya shindo shose awei na mbahanyi ipfo mṟehonyi.

MAWUTO HA WASU 7:22

Mose kalosho wuṟango wo Misiri wose kawa mbahanyi o madedo na mawuto.”

2 WAKORINTO 10:4

Kyamba shisha sha ngapano yadu shilakeri sha kiwandu, kya indi shii-shiwikye pfinya nyi Ruwa yewunduo mṟi mikare lochiwunduo mloshye ya kiwandu.

NGUMBUO YA MAWAWASO 20:1

“Mukahenda shidenyi ikapana na wakituwa wanu mkawona frasi, makari ha shida na matorito hang'anyi kota hanu mulawaowuo. Kyamba Mndumii-Ruwa, Ruwa onu, alemuwuta Misri nechikaa nanyo.

2TIMOTEO 4:17

Indi Mndumii alenjikaya-ho kanjikapya owanzo. Iki kileenenga ngaidima ionguo mwongoye fuhende imariso necha wamkambo wakafuicho wose, na inyi ngaashuka ianduyo lya opfu.

2TIMOTEO 4:7

Ngammaa ikapana ngapano iya ncha, ngamaa iinutsya ohendo lulya, ngameringa wuidiki wulya.

YOSHUA 10:14

Kyamba mfiri cha ifo fulemewono mantapfo, manya ilemewonose pfo, mkonu Mndumii-Ruwa aleidikia mndu o wandu kudopfo, kyamba nyi Mndumii-Ruwa alekapanyia Waisraeli.

YOSHUA 10:42

Kyasia nyi aleidima iwada oruka lu lose kyamba Mndumii-Ruwa, Ruwa o Israeli nyi alekapanyia Waisraeli.

OTAMBAHALUO LO YOHANE 19:17

Ngamambuo ngawona msu mwele umu ahoṟoki ipfo mnengeṟi-hu. Kalaha na ṟu ling'anyi kawia malehe hose haweirunduka, “Ke-njonyi kusanganyionyi kiliionyi king'anyi kya chonga insungusie nyi Ruwa.

1SAMWELI 16:18

Manake umu kiidi kya waṟundi kahamba, “Njilewona manake umu o Yese, o mṟinyi fo Bethlehemu. Manakecho nai mwaria moimba na uda. Manakecho namkari na ngohoda o shidenyi, nawode osaaṟe kiidi kya ideda na oloho. Nawode mbihu mcha; Mndumii-Ruwa nakeri nao.”