ZEKARIA 10:2 - Bibilia Kui Mdedie fo Kimochi

² Shitumo shawo shelasha nyi maai, wahanga wawo wahangia wongo, waikimbi wawona wongo wakawikia wandu msiha fo wongo. Nkyo kitewe wandu wa Yuda waṟahaṟaha cha machondi halawode mlisi.

ZEKARIA 10:2 ပူးပေါင်းရင်းမြစ်များ

MAWOOKIONYI 31:19

Naho Labani nawehendie ioda mberi tsa machondi hake, na Raheli kaiwa shiruwa sha wongo sha ndee.

1WAMANGI 22:17

Kahamba, “Njilewona Waisraeli wose waṟahanyikie mafumvuhu cha machondi halawode mlisi.” Mndumii kahamba, “Iwa wawode menyipfo, na wawuye orio umu kanyi koke ko ofoṟo.”

YOBU 13:4

Kyaindi nyo muitambahana ihaluo wongo iwe lohi; nyo nyi wahanga wa wulya.

YOBU 21:34

Nyi wuda mochiidima injiwihiṟia moo na madedo ha wulya? Madedo hanu hawode kindo kyose-pfo nyi wongo tupu.”

YESAYA 41:29

Ambuya, wose nyi mai na mai; maṟunda hawo chi kindopfo; sanamu tsawo nyi otanu na kifahio.

YESAYA 44:25

Njekenyamaṟa shichano sha wewuta wongo, na ihaluo wahanga wawade oṟuṟe; njekewihiṟa walaanyi na numa, ngahaluo wuṟango wowo wutondo;

YESAYA 44:9

Wepacha sanamu wose nyi wulya; ma mbonyi tsawo tsiwachihiṟie tsechitarama kindopfo; ma wangochi wake wawonyipfo ma waichi-pfo; kundu waṟeenze.

YESAYA 46:5

Mochinjifananyitsa nau, na injiṟinganyitsa nao, na injihoṟotsa nao, kundu luṟingane?

YEREMIA 10:8

Wose nyi masembo na matondo, mloshie ya maruwa ha wongo nyi ngafu.

YEREMIA 14:13

Kyasia ngahamba, “Ambuya Mndumii-Ruwa waikimbi waiwia wandu ke, kochiwada oshu manya njaa-pfo; kochiwada oforo, luwanzi handu-ha.”

YEREMIA 14:22

Ngesa maruwa ha wongo ha mkambo heidima iende mvuo? Ang'u ngina itonyitse meṟa? Chi iyo Mndumii-Ruwa odu, kui kipfa kya ikyo luikuweda, kipfa iyo nyi uwikie shindo shose.

YEREMIA 23:17

O mkonu wekewia iwo wanjiminyie, Mndumii nahamba mochiwada ofoṟo wakawewia orio mndu akuiwitie mrima foke. Kuwode kindo kemupaayapfo, kuwode kiwicho kyosepfo.”

YEREMIA 23:32

Ambuya inyi njii huye ya iwo wekehamba shisuku sha wongo. Mndumii ahamba, “Na idetsa wandu wako kui ndodo tsawo na ikushela lyawo lya wutondo, indi inyi njiwadumiepfo, ma njilewawasapfo, manya wechitarama wandu manya kitutupfo. Nyi inyi Mndumii ngahamba.”

YEREMIA 27:10

Kipfa wekewadambuya wongo kundu wawawute ipfo mṟinyi konu njimufune muhende iarisika.

YEREMIA 27:14

Ma mulaadanyie madedo ha waikimbi wakemuwia nyo ke mochiṟundia mangi ya Babeli pfo, kipfa wekemuwia wongo.

YEREMIA 27:9

Indi kipfa kyanu mulaadanyie, waikimbi wanu, na wahanga wekelodia ma ndodo tsanu, ma walya wekewona, ma wahanga wanu wekemuwia mochiṟundia mangi ya Babeli pfo.

YEREMIA 28:15

Nlyo mwikimbi Yeremia kawia mwikimbi Hanania, “Adanyia wulalu o iyo Hanania Mndumii alekudumapfo kyaindi nuwia wandu madedo ha wongo.”

YEREMIA 29:8

Kipfa Mndumii menyi matorito Ruwa o Israeli nyi ahamba adi, waikimbi wai kiidi kyanu na walodia ndodo walamulembe nyo ma mulaadanyie ndodo tso.

YEREMIA 37:19

Weku waikimbi walehamba, “Mangi ya Babeli echikusaṟikia iyo ma orukalu pfo?

YEREMIA 50:17

“Israeli nyi ichondi lyekeowelio na iwingio nyi mwiso. Kuwoka walerumatso nyi mangi o Ashuru na wulalu Nebukadneza mangi o Babeli nafunjafunja mafuo hake.

YEREMIA 51:23

Njikuwode nopaṟepaṟe walisi na mapoo hawo, wademi na mmbe tsawo tsedema, wanene na isanga na wachili.”

YEREMIA 6:14

Wo nyi walechiṟa shifaṟe sha wandu wako huye tupu, wechihamba, “Ofoṟo! Ofoṟo!” Makulawode ofoṟo.

YEREMIA 8:11

Kipfa nyi walechiṟa matiinga ha wandu wako huyehuye, wechihamba kuwode ofoṟo, nalo lulaipfo.

SHILIO 2:14

Waikimbi wapfo nyi walekuendie wuikimbi wo kulemba, Kyamba walekutambaṟuya necha wuwicho wopfo kundu uidime ikualachapfo, kyaindi nyi walekuendie mbonyi tsa wongo na tsekudetsa.

EZEKIELI 21:21

Kyasia Mangi o Babeli kahoṟoka mawookionyi ha njia tsilya tsiwi oo handu tsikoyanyi kawoka ilasha. Kasoṟomuo mfi yake kechiweṟutsa weṟutsa, nalyo kawesa sanamu tsake na iambuya madima ha indo lii na moo.

EZEKIELI 21:29

Kiheri kyo mochikoya molodia ndodo tsanu tsekulemba na ikusiria wuikimbi wonu wo wongo, nyi lyondi oshu lo lochihenda idumbuo nzingo tsa wanyamaṟi, wose. Iyo nyi yo ngapo ya mawicho hanu hose.’

EZEKIELI 34:5

Kipfa kya ili machondiho halewuṟa mlisi nyi halerahanyika hakahenda iwa kelya kya mando ha ngeṟenyi.

EZEKIELI 34:8

Kyamba Inyi Mndumii-Ruwa ai na moo, ngamulia nyamu ke nyi ngalehela ko iwona machondi hako chando halewa shelya sha mando ha ngeṟenyi, kyamba halewuṟa mlisi, kyamba walisi wako walekunda ilisa machondi hakopfo, wakawekulisiṟa wawenyi walalise machondi hako.

HOSEA 3:4

Na nyi wudo, Waisraeli wechiwa: Wechikaa ko kiheri kileshe walawode mangi ang'u msongoru; ma shidaso, ang'u shimnaṟa shiele, ma shisibau sha kipeeta, ma sanamu ang'u mfanano yeindia.

MIKA 2:12

Kyaindi kya lohi ke njechisanyia wandu wako wa Yakobo, ee da! Njechisanyia walya wa Israeli waletsuhaa. Njiwaende na mfiṟihenyi cha machondi cha po limu ling'anyi kilisionyi, nanyo mochiwa po lya wandu wako wafoi.

HABAKUKI 2:18

“Sanamu tsengusia nyi kiki tsaidima, ma ulya aleisungusia? Sanamu yesalaṟa, ii mlosha o wongo kiki yaidima manya ulya alesalaṟa itane awikaho kikusirio kyake na iwikapfo sanamu tsiladeda?

ZEKARIA 11:17

Ochia lo mlisi alawaṟi, kada po! Oshu lochikaa huye yake, owoko loke lochikachuka na riso lyake lyechiwa njeche.

MAITALA 27:17

sa echiwasongoya na iwaloṟa mbonyitso tsawo tsose, walashike iwa cha machondi halawode mlisi.”

MATAYO 9:36

Kya indi ili kewona wandu walya mamwingi nao kawalilia makulili nyi ili wai warohye wai wahutse wanda cha machondi halawode mlisi.

MARIKO 6:34

Nawo wameshika, Yesu, kawona kituṟu kya wandu king'anyi kawaichio wukiwa, cha kipfa wakeri cha machondi halawode mlisi, kawoka iwalosha shifoi.

NGUMBUO YA MAWAWASO 13:2

numa idedo kichano ang'u ṟiho amuwia shikaawukia, nao kahamba, “Luoshe maruwa hengi, (maruwa sa mulalemehamanye) na iiṟundia,”

WACHILI 18:14

Wandu walya watanu walehenda iṟisa oruka lulya lo Laishi wakawia wana wa mayawo, “Ngesa na muichi ke kiidi kya mba tsi imuho iwode ruwa lisalaṟe? Kyasia, kusaṟenyi chandu mochiwika.”