ZEKARIA 10:12 - Bibilia Kui Mdedie fo Kimochi

¹² Njechiwainenga pfinya kiidi kya Mndumii, wechichumia ipfo na ipfo kiidi kya rina lyake, Mndumii ahamba.

ZEKARIA 10:12 ပူးပေါင်းရင်းမြစ်များ

MAWOOKIONYI 24:40

Kanjiwia, ‘Mndumii ichu njii mhendeli oshangunyi loke, nechidika malaika oke hamu na iyo, nechiawutsia necha kyaṟo kyapfo; na iyo nodaaye manachu oko mka kuwuka ko wana wa wama wako, na wa kanyi ko wande oko.

MAWOOKIONYI 5:24

Enoki kahendelia Ruwa kiheri kyake kyose, nalawonose, kyamba nyi Ruwa alemduo.

YESAYA 2:5

Iyo mba ya Israeli, nchonyi, luhende kiidi kya saa ya Mndumii.

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YESAYA 45:24

Umu nechinjiwia ko Mndumii amonyi, kuwode wulohi na pfinya; ee wandu wechihenda koke, na wose walemsuuya wachiṟeenze.

EZEKIELI 30:24

Ambuya njihenda iwikia mawoko ha Nebukadneza mangi o Babuloni pfinya, njiwewika oshu loko mawokonyi hake. Kyaindi njechifunja mawoko ho ha Farao, nao nyi echiṟohoṟa oshangunyi lo mangi o Babuloni cha mndu amfaṟe owicho.

MIKA 4:5

Wandu wa mkambo ingi yekeosha njia tsawo, wechikusiria maruwa hawo, indi so luiosha njia tsadu lochikusiria Mndumii-Ruwa, Ruwa odu, mlungana na mlungana.

ZEKARIA 10:6

Inyi njechikarisha mba ya Yuda, njechikiṟa mba ya Yosefu, inyi njechiwawihiṟa kipfa ngawaichio makulili; wechiwa ke njiwakumbie pfo kipfa inyi nyi Mndumii-Ruwa owo njechiwaicho.

ZEKARIA 12:5

Wandu wanene wa Yuda wechihamba mrimenyi yawo wandu wa Yerusalemu nyi pfinya tsako, Mndumii menyi Matorito nyi Ruwa owo.

WAEFESO 6:10

Kya shingi shose mukuwanzye Mndumii-hu na wunene-hu wo pfinya tsake.

WAFILIPI 4:13

Ngakuidimya njido shose njii na ichu monjikapya owanzo.

WAKOLOSE 2:6

Na wulalu chando muleambya Kristo Yesu Mndumii muhendeke mukuwode nao.

WAKOLOSE 3:17

Na orio kindo muiwuta kui ideda ma kui iṟunda mukiwute mochisenda-ho rina lya Yesu Mndumii mowikya Ruwa Wande mwaano na mweke foke.

1WATESALONYIKYE 2:12

Na imkarisha nyo na imtutuma cha mndu wande ekewutya mana, kundu muchumie mchumie isumhanye Ruwa ichu alemulahya nyo wumangi wulya woke na wuitoṟi.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

2TIMOTEO 2:1

Na wudo iyo, manoko, ukuwangie wutongenyi iwu wui Kristo-hu Yesu.