ZEKARIA 1:17 - Bibilia Kui Mdedie fo Kimochi

¹⁷ Kapa se kitohyo nohambe, Mndumii Menyi Matorito nahamba adi, Mṟi yako ilyi yechionyisho yechimanyika kose kose nao Mndumii nechisaṟia se Sioni nawesambuṟa Yerusalemu lya kawi.”

ZEKARIA 1:17 ပူးပေါင်းရင်းမြစ်များ

2MBONYI TSA MAHERI 6:6

Kyaindi wulalu, ngasambuṟa mṟi fo Yerusalemu fuwe nyi handu njechiindio, na ngasambuṟa Dawidi nawe mangi o wandu wako wa Israeli.’”

NEHEMIA 11:20

Waisraeli wengi hamu na wakohanyi na Walewi nyi walekaa mṟinyi ya Yuda iya ya kioṟa kyawo.

NEHEMIA 11:3

Kyaindi kiidi kya mṟi na shihongo shilya shingi, wandu wa Israeli, wakohanyi, Walewi, waringi wa mongo, na wana wa waṟundi wa Solomoni, wo nyi walekaa shihongonyi shawo na mṟinyi yawo wawenyi.

SHIIMBO SHA DAWIDI 69:35

Kipfa Ruwa nyi echikiṟa Sioni na iwika mṟi ya Yuda, na wandu wechikaapfo waitoṟie.

YESAYA 14:1

Kipfa Mndumii nechiwuyase isaṟia Yakobo, nechisambuṟa Israeli-se, nao nechiwawikase orukenyi lowo wawenyi; mhenu nechikulunga nawo, nawo wechiwadana na mba ya Yakobo.

YESAYA 44:26

Njekewanza idedo lya mṟundi oko; ngaweshitsa chila ya wadume wako; njekewia mṟi fo Yerusalemu ke nochiwada wandu kiidi kyapfo na mṟi ya Yuda, yechiwiko na inyi njisungusie handu halya hawundukie;

YESAYA 49:13

Imbenyi nyo ngina; chihiyo, iyo oruka; Irienyi maṟu heimba, nyo mafumvu; Kipfa Mndumii nalesaṟya wandu wake, Nao nechiwaichio wukiwa walya waletuuro.

YESAYA 51:12

“Inyi, ee, inyi njekewihiṟia moo; iyo nyiu itane oowuo mndu echipfa, na mndu echiwa cha maṟa?

YESAYA 51:3

Kipfa Mndumii nawihiṟia mṟi fo Sioni moo; nahaluo nuka ya msanga ikawa cha mdemi fo Edeni, na pata cha dema licha lya Mndumii; seko na sia shechiwono kiidi kyake, iana na ṟu lyeimba.

YESAYA 52:9

Irienyi maṟu ha sia, imbenyi kimu, Nyo Yerusalemu handu hawei wukiwa; Kipfa Mndumii nawihiṟia moo wandu wake, Naashuo Yerusalemu naladao wusingenyi.

YESAYA 54:8

Kipfa kya nyashi ya msanjika njechiṟika kyamu kyako kioweṟe sa kitutu; kyaindi kui isaṟia lyako lilasia njechikueka, Mndumii mkiṟi opfo ahamba.

YESAYA 66:13

Mfanano fo mndu aiwihiṟio moo nyi mae, nyi wudo nyo mochiwiṟio moo nyi inyi; nanyo nyi mochiwihiṟio moo ipfo Yerusalemu.

YEREMIA 31:13

Nalyo wana wawo wawaka wechichihio na itema, wanake na wameeku wechifuda na sia. Njechihaluo kilio kyawo kiwe sia, njechiwalembalemba na iwainenga sia, handu ha mkuinadie.

YEREMIA 33:13

Kiidi kya mṟi ya oruka luwode mafumvu, kiidi kya mṟi ya Shefela na kiidi kya mṟi ya nuka lya Negebu, kiidi kya oruka lo Benyamini, mbai ya mṟi fo Yerusalemu na kiidi kya mṟi ya Yuda, wandu wechiitala machondi hawo. Inyi Mndumii-Ruwa ngahamba.”

YEREMIA 33:9

Mṟi fu fochiwa kitewe kya sia yako, mṟi fo kiṟumi na ifuda oshangunyi lo wandu wa wuyana iwo wechiicho mecha hose njilewawutia. Mkambo ya wandu wechiowuo na idedema kipfa kya mecha na sia njechiendie mṟi fo Yerusalemu.”

EZEKIELI 36:33

“Inyi Mndumii-Ruwa nyi ngahamba njidi: Mkonu fulya njechiwasanja njonyamaṟo tsanu tsose, nyi njechihaluose mṟi yo yanu iwadese wandu, na mṟi iya iwewundukie iwikose ko wuhya.

AMOSI 9:14

Na inyi njechiwuya iwihiṟa wandu wako Israeli walya walesamiṟo, Walawuo mṟi iya iledeo mrapu na idema-se madema halya ha msabibu na inyo mvinyo, wechisungusia shyahu na iwaaya ndunda tselio.

OBADIA 1:20

Na mamiingi fo wana wa Israeli walewado shidenyi, wai kiidi kya Wakaananyi; wechiitoṟia mṟasa Sarepta; na wandu wa Yerusalemu walewodo shidenyi, wai Sefaradi, wechiitoṟia mṟi ya Negebu.

ZEKARIA 1:14

Malaika ulya alededa na inyi kanjiwia, wulalu kapa kitohyo na ihamba, Mndumii menyi matorito nahamba adi, Ngawado nyi wunenyi kipfa kya Yerusalemu na kipfa kya Sioni, wukang'ana mnu.

ZEKARIA 1:18

Ngawuya iirya meso hako, ngawona membe tsiina.

ZEKARIA 2:12

Na Mndumii nechioṟa Yuda, iwe ohawi loke kiidi kya oruka luele, nechisambuṟa se Yerusalemu.

ZEKARIA 2:4

nao kambia, wikya mteṟa nowie manake ulya ke Yerusalemu kochikao nyi wandu cha shihongo shilawode omombo kipfa kya mfoeṟa fo wandu na shuuma shekaa ipfo kiidi kyake.

ZEKARIA 3:2

Mndumii kawia Satana, Mndumii-Ruwa Nakusese, Iyo Satana, Mndumii chu alesambuṟa Yerusalemu nakusese, iki chi kimui kilewuto modonyi?

WAEFESO 1:4

Nakyo kihianyi na kilya kilemnenga alelusambuṟa kimu nao matika halya wuyana wu wulandewiko kundu lukae waele lulawode mti ipfo oshangunyi loke.