YUDA 1:20 - Bibilia Kui Mdedie fo Kimochi

²⁰ Indi nyo mui-wakunde mukuilikishe necha muwenyi ipfo wuidiki-hu wonyu wuele. Terewenyi muwodo nyi pfinya ya Mumuyo Mwele.

YUDA 1:20 ပူးပေါင်းရင်းမြစ်များ

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

MAWUTO HA WASU 15:9

Manya alewika-ho mletsano kiidi kyadu so nawopfo kaweheṟemtsa ngoo tsawo kui mwidikye.

MAWUTO HA WASU 26:18

Nowaambuṟe meso hawo, waindukye sa, wawuke wuitoṟinyi wo Satan wahalukye Ruwa, waambye mhoṟye fo manyamaṟo na iwada kyoṟa, kii kya walya wai wailishe kui mwidikye fonjiidikya inyi.’”

MAWUTO HA WASU 6:7

Nahong'u idedo lya Ruwa likadung'ana, mtalie fo wa kiloshyonyi fukapfumbuka mnu kulya Yerusalemu, na wakohanyi wafoi wakahaluka wechiidikya.

MAWUTO HA WASU 9:31

Nahong'u siṟi tsikakukaya na ofoṟo kulya Yudaya kose na Galilaya na Samaria wakakulunga mbika imu wechichumia weowuo Mndumii wakawonyo mwengeṟya kui wuamtsu wo Mumuyo Mwele.

WAROMA 15:2

Orio mndu odu nawe molisiṟa odoe na kilya kii kicha kiwe kechimira.

WAROMA 8:15

Kyamba nyi mulaleambya Mumuyo fo wusinga foamtsa-se lingi wuowu chi wudopfo, kya indi nyi muleambya Mumuyo o wuwana moluenenga ilaha; hoi Aba, hoi Wande.

1 WAKORINTO 1:8

Nao nyio echiwa momkapya owanzo itane masiiyonyi mulawonyo tewe mkonu fulya fo Mndumii odu Yesu Kristo.

1 WAKORINTO 10:23

Shindo shose njikuwodie kyasho momu, kya indi chi shose shanjiwiia kya wuchapfo. Shindo shose njikuwodie kyasho momu kya indi chi shose shapfunga mbapfo.

1 WAKORINTO 14:15

Akashika nyi kyawa-se kida? Nyi njechiterewa kui mumuyo, njiweterewa na kui mhio; njichiimba kui mumuyo njiweiimba na kui mhio.

1 WAKORINTO 14:26

Alewo wanawawama, nyi kukuwukyeho ki? Orio mandi mosanza handu hamu nyi orio mndu onu awode kiimbo ang'u opfundo ang'u otambahaluyo ang'u shiṟuma ang'u odambuyo; isho shose shitanyike shewembesha kiwimbi.

WAGALATIA 4:6

Indi ili mui wana kawemdikya mumuyo fo Mana oke ipfo ngoonyi tsanu kemfuhia, hoi Aba, hoi Wande!

WAEFESO 4:12

Keteseheṟa wandu wa Ruwa kya oṟundo lo Kristo shyaando shewika mbihu fo Kristo,

WAEFESO 4:16

Ipfo kofo mbihu fu fose fukuwutya-ho ikaa fuu mpfungananyishe fui msanze foende-ho yalukya lya mbihu kui orio mpaye ya mwengeṟia fusumhanye wuitiki wuu wuhawye orio kilungo kimu kyose ya ikuhelwo fumenyi kui kikunda.

WAEFESO 4:29

Dumbunyi lyanu kulawuke-pfo idedo lyiwicho; indi orio idedo lii licha lyetarama wengi, lilele na walya kowuṟyo, kundu waimwadanya.

WAEFESO 6:18

Terewenyi orio kiheri mutaramo nyi Ruwa na shifuhyo sha orio mbaṟi yose, mochiterewa kiheri kyose muwodo nyi Mumuyo, Laenyi chowe mochiterewya wandu wa Ruwa wose kui matumatu na yomba.

WAKOLOSE 2:7

Mukapie-ho mri kiidi kyake mui wailikie-ho na iwanzio wuidikinyi chando mulemlosho mochikusuṟa kiidi kyawo kui mwaano.

1WATESALONYIKYE 5:11

Mukarishane na ikyo muwe mochikuheluana mndu na odoya chando muweiwuta.

1TIMOTEO 1:4

Ma walasumesume shihanu na maitumano ha marika halechidumbuka. Shindo cha isho shekeende mawesano indi shilaende owiko lo Ruwa locha wuidikinyi.

2TIMOTEO 1:5

Ngatamuo na mwidikie fopfo fo lohi, nafo kyekuyo Luise nawefuwode na mayo o Eunike. Indi njikusirie naafo ufuwode.

TITO 1:1

Inyi Paulo njii singa lya Ruwa na msu o Yesu Kristo moṟundya mwidikye fo wasambuṟe wa Ruwa na mmanyishie fo wu-kilohi wusumhanye wuindi.

YAKOBO 2:22

Nyi owona wuidiki wuiṟunda ipfo kundo mawuto hake haiwuto, na wuidiki wuleshika yawukia ipfo mawutonyi halya.

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.

1YOHANE 5:4

Kyamba orio kii-kifee kipaṟikye ko Ruwa kikeri iwinza wuyana-wu. Na kiwinza kilya kyechiwinza nakyo wuyana-wu nyi mwidikye fodu.

YUDA 1:3

Wanawawama ilindi njiwewode m macha hemṟehya kya okiio-lu luwode kimu, nanyo, wuitiki wukanhoya njimṟehye njiechimwikimba ke muwe mochikapanya wuidiki-wu Ruwa alewudambikia wake wose ili lyimu.

OTAMBAHALUO LO YOHANE 13:10

Kokoya kwipfo aidao kipfungonyi nahende itano mpfungo amonyi. Kokoya kwipfo ekewaha wandu na oshu, na kimbaṟi nahende iwoho na oshu o amonyi. Nyihondo kukeri wukutirisi na wuidiki wo wandu wa Ruwa.