YUDA 1:15 - Bibilia Kui Mdedie fo Kimochi

¹⁵ Nahende yanduya wandu wose, mwanduye fulya na ihoṟuo walemeshi wose kya mawuto hawo mawicho hose walemlemya naho na kya mawicho halya hose walemdeda naho wai wanyamaṟi walemeshi wado.”

YUDA 1:15 ပူးပေါင်းရင်းမြစ်များ

SHIIMBO SHA DAWIDI 139:20

Kipfa wamekunyamaṟia kya wuwicho, wakituwa wapfo waisenda rina lyapfo kya mai.

SHIIMBO SHA DAWIDI 149:9

Iwawutia mwanduye fulya fumṟehie; iwo nyiwo wuindi wo waheṟemtsu wake wose Haleluya!

SHIIMBO SHA DAWIDI 31:18

Madumbu ha wongo hakae pipi. Halya hededia o wusumhanyi madedo ha orikiki; Ko ikudosa na ikushela.

SHIIMBO SHA DAWIDI 37:6

Nyiechiloṟa wulohi wopfo cha ngeela, Na wucha wopfo wochiwaa cha mbaṟi fo mfiri.

SHIIMBO SHA DAWIDI 73:9

Wawikie dumbu lyawo ruwehu, na olimi lowo luiṟaha ṟaha wuyanenyi.

SHIIMBO SHA DAWIDI 94:4

Ngesa! Wose wewuta mawicho wechideda madedo, na ihamba ikushela na iwika wutimbiri?

SHIIMBO SHA DAWIDI 98:9

Oshangunyi lo Mndumii; kyamba naicha naanduye oruka, nechianduya, wuyana kui sungusihu, ma mkambo ya wandu kya waria.

IWUKA 16:8

Mose kadeda, “Nkyo kechiwa, ili Mndumii-Ruwa echimuinenga nyama kiheri kya kyukanyi mulye, na ngamenyi mkate tane mopeleko; kyamba Mndumii-Ruwa ameicho inunuwa lyanu mulemnunuwia o; a so nyi waki? Inunuwa lyanu chi molununuwia sopfo, kyaindi monunuwia Mndumii-Ruwa.”

KOHELETI 11:9

Iyo manake, chihiyo kipfa nyi ui mkoho, na mrima fopfo fuchihiyo ikeseka kiheri ki, uweosha ohendo lo mrima fopfo, na ipfo kiidi kya isho uwonyi na meso hapfo; kyaindi nowemanya ke kipfa kya isho shose Ruwa nechikuende mengenyi nakuanduye.

KOHELETI 12:14

Kipfa Ruwa nechianduya orio iṟunda, na orio idedo lya kiṟika, liwe licha ang'u liwicho.

EZEKIELI 35:13

Ngawekuichose chandu uikudosa dosa kochideda madedo hafoi henjisalucha.

DANIELI 11:36

“Na mangi nyi echiwuta chandu akundi. Nao nyi echikung'anyisha, na ikuṟumisha huye ya maruwa hose, nao nyi echideda madedo ha mbaṟi heisalucha Ruwa o maruwa. Nao nyi echiengeṟa ihuyo mṟasa nyashi ya Ruwa iawukie; kipfa shilya shishiteṟie shiwaṟi shiwutike.

DANIELI 7:20

na kya membe tsilya ikumi tsiwei mdohu kolyo, na ombe lulya luledo, na tsilya tsiṟaṟu tsileoloka, tsilya tsiwewode meso na dumbu lilededa madedo ha kiṟiha, likawona ho wa pfinya kota wodoyalyo.

YOHANE 5:27

Kawemnenga na wuchili wo idumbwo mondu kipfa akeri Mana chu o Mndu.

MAWUTO HA WASU 17:31

Nyi ili indi akuteṟye na mkonu foke msa arie icha idumbo nafo mondu fo wuyana wose kya wuhoṟotsu nafudumbuo na msoṟo ulya akumbikye-ho kechiitsya wandu wose mweke fomwidikya ili alemṟutsa wapfunyi.”

WAROMA 14:10

A iyo nyi kiili oanduya manomayo? Ang'u iyo, nyi kiili uminye manomayo? Kyamba so lose nyi lochikaa lushike ihoṟoka alya mbai ya loṟika lo ianduyo lo Ruwa.

WAROMA 2:16

Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.

WAROMA 2:5

Na orikiki lu lopfo na wuumu wo ngoo ilakunda imhalukia sho shekuwiia tewe okuruwia kumonyi tuuke ya Mkonu fulya fo tuuke fomanyisha mdumbuyo fusumhanyi fo Ruwa.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

1 WAKORINTO 5:13

Indi iwo wakeri ora lo nja nyi Ruwa echiwawonya mdumbuye. Funenyimbafu ulya ipfo kiidi kyanu.

1TIMOTEO 1:9

Echikusaṟa ke wuwawaso wui wuwike kipfa kya mndu asumhanyipfo, indi nyi kipfa kya walya wawuṟie wuchili walai kambenyi; walehanyi na Ruwa, wai wanyamaṟi, wai wambafu wenyi ngafu, iwo wekewuta wande na wama moo, wewaha wandu.

YUDA 1:16

Wandu wa wekyenunuwa kiheri kyose, na ipiṟa wandu wengi. Wechichumia waidikyanyi na lango tsawo njiwicho. Na dumbu lyawo lyekededa sha mtengelele wechikulopa mnu na wandu wengi kui oshangu kipfa kya mbucha, tsawo.

OTAMBAHALUO LO YOHANE 13:11

Ngawona indo lyingi lyechido ipfo terinyi liwewode membe tsiwi cha tsa suwa likadeda cha molyimo.

OTAMBAHALUO LO YOHANE 22:20

Moṟingishya ishi o ahambye, Ee nyi icha njikeri. Amenyi ke-njoo-wo, hoi Mndumii Yesu.

1SAMWELI 2:3

Lekyenyi ikuichika lekyenyi ideda sha wutimbiri, Kyamba msa aichi nyi Mndumii-Ruwa, o nekyehesha mawuto hose.