YOSHUA 9:27 - Bibilia Kui Mdedie fo Kimochi

²⁷ Kuwokia mkonu fo Yoshua kawahaluo wandu wawe wesana ngu na idahiya mṟinga kipfa kya mkambo fose fo Waisraeli na kipfa kya rasio lya Mndumii-Ruwa handu hose Mndumii-Ruwa alesambuṟa mṟasa inu.

YOSHUA 9:27 ပူးပေါင်းရင်းမြစ်များ

2MBONYI TSA MAHERI 2:16

Njechiwawia wawoke idumbuo mashidi hose okundi kulya Lebanoni. Wechihapfunga kui mhanda cha ngalawa, na ihakuruo hadamie huye ya mṟinga mṟasa hashike Joppa. Waṟundi wapfo wechihaduo Yerusalemu.”

MAITALA 31:28

Ohawi lulya lo wandu walehenda shidenyi, hawaho mwano foinenga Mndumii-Ruwa: kindo kimu kuwuka orio shindo mahana hatanu, kiwe nyi wandu, mmbe, nzoi, machondi ang'u mburu,

MAITALA 31:30

Kuwuka ohawi lulya lo mamiingi fose, ira kienga kimu kya orio shindo makumi hatanu, kiwenyi wandu, mmbe, nzoi, machondi, ang'u mburu. Ishi nochiinengya Walewi walya wekeṟunda kulya ihemenyi lya Mndumii-Ruwa.”

MAITALA 31:47

Kiidi kya kienga kilya kileinengo Waisraeli, Mose naleira mndu umu kiidi kya orio wapfungo wa shidenyi makumi hatanu (50) na shuma, chandu aleikimbo nyi Mndumii-Ruwa, kainengia Walewi walya wekeṟundia kulya ihemenyi lya Mndumii-Ruwa.

NGUMBUO YA MAWAWASO 12:11

kyasiang'u handu Mndumii-Ruwa, Ruwa onu echisambuṟa helahia rina lyake, nyi hondu mochiduo isho shose njilemuwawasa: shidaso shanu shekoṟa, na mwano yanu, mwano yanu na shiinengo shanu mochishiende, mwano yanu, na shiasa shanu mochiwika sheinenga Mndumii-Ruwa.

NGUMBUO YA MAWAWASO 12:14

sile nyi handu Mndumii-Ruwa echisambuṟa kiidi kya kishari kimuho kya shishari shanu, oo nyi hondo mochiwutia shidaso shanu shekoṟa na nahondu mochiwutia mbonyi tsingi tsose njilemuwawasa mushiwute.”

NGUMBUO YA MAWAWASO 12:5

Indi mochihenda handu Mndumii-Ruwa, Ruwa onu echisambuṟa ipfo shisharinyi shose iiṟicha rina lyake na hawe handu hake hekaa; ipfo mpfo kundu mochihenda;

YOSHUA 9:21

Ke wadenyi wakae na moo. Kyasia wandu wa Gibeoni wakawamo iṟundia Waisraeli wechiwasanyia ngu na iwaendie mṟinga, kikawa kido chandu wanene o Waisraeli walehamba.”

YOSHUA 9:26

Kyasia kindo alewawutia nyi iwakiṟa mawokonyi ha Waisraeli kundu walarumatso koikyo walewawahapfo.