YOSHUA 8:33 - Bibilia Kui Mdedie fo Kimochi

³³ Kyasia Waisraeli wose handu hamu na wanene wawo, wameku, wa wachili, na wahenu wose wawei kiidi kyawo, wakahoṟoka njora tsose oshangunyi lo isanduku lilya lya mkundana lya Mndumii-Ruwa, oshangunyi lo wakohanyi wa Kilewi wawekudikie isanduku lya mkundano lya Mndumii-Ruwa. Kyenga kya wandu wo wakahoṟoka oshangunyi lo fumvu lya Gerizimu na kyenga kingi oshangunyi lo fumvu lya Ebali, kiwekuwia chandu Mose mṟundi o Mndumii-Ruwa awewawasie ili lya mboko lya iwikia Waisraeli mboṟa.

YOSHUA 8:33 ပူးပေါင်းရင်းမြစ်များ

IWUKA 12:49

Iwawaso nyi ilyo limu ko mndu amfeye konu, na ko mhenu ai kiidi kyanu wuhenunyi.”

WALEWI 24:22

Iwawasolyi lyiwaṟi ko mhenu na menyikanyi. Inyi nyio Mndumii-Ruwa, Ruwa onu.”

MAITALA 15:15

Ipfo shisharinyi shanu shose shechicha, wuhendeliwu muiwuta nyi wudo mhenu oose echiwuta ichu ai kiidi kyanu; oshangunyi lo Mndumii-Ruwa mochiwa wamu;

MAITALA 15:16

nyo nao mochichilio nyi iwawaso lilya lilya na wuikimbi iwo iwo.”

MAITALA 15:29

Mochiosha wuhendeli wumu ko orio mndu echideko alakusirie, nawe nyi Mwisraeli ang'u nyi mhenu ekekaa hamu nanyo.

YOHANE 4:20

Alewo waku walya wadu nyi wawekewikya Ruwa wuindi kunu fumvu-hu li nanyo nyi mokehamba, ke nyi kulya Yerusalemu mpfo kundo kusumhanyi iwikya Ruwa wuindi.”

NGUMBUO YA MAWAWASO 11:29

Ili Mndumii-Ruwa echimushitsa ipfo orukenyi kundu muihenda ikaapfo, mochionguo mboṟa kuwuka fumvuhu lya Gerizimu, na oseso kuwuka fumvuhu lya Ebali.

NGUMBUO YA MAWAWASO 31:12

Sanyienyi wandu: womi na waka, wana na wahenu wai mṟinyi yanu, kundu orio umu naicho madedoha hekulosha iindia Mndumii-Ruwa, Ruwa onu, na iwa wahendeli iawutsia madedo ha wuikimbiwu.

NGUMBUO YA MAWAWASO 31:25

kawia Walewi, walya wawadambikie mṟumo fokudika isanduku lilya lya mkundana lya Mndumii-Ruwa;

NGUMBUO YA MAWAWASO 31:9

Kyasia, Mose kaṟehia iwawasolyo, kainengia Wakohani wa kishari kya Lewi wawei wadambikie ikudika isanduku lya mkundano fo Mndumii-Ruwa na wameku wose wa Waisraeli.

YOSHUA 23:2

Kyasia, Yoshua kalaha Waisraeli wose na wanene wawo, wachili wawo, na wasongoru wawo kawawia, “Ambuyenyi inyi ngakuo, mmeku o maka sa ifoi;

YOSHUA 24:1

Kyasia, Yoshua kasanyia handu hamu shishari shose sha Waisraeli kulya Shekemu. Kalaha wameku, wanene, wachili, na wanene walya wengi wa Israeli wose wakacha na oshangunyi lo Mndumii-Ruwa.

YOSHUA 3:14

Nalyo wandu wakawuka shiṟaṟonyi shawo kundu wahende iambada meda fo Yordani, na wakohanyi walya wawekudikie isanduku lilya wakawasongoya.

YOSHUA 3:3

wechiwia wandu, “Ili mandi mochiwona wakohanyi wa Walewi wakudikie isanduku lya mkundana lya Mndumii-Ruwa, ruwa onu, nyi mochikure mulioshe;

YOSHUA 3:6

Kawewawiase wakohanyi, “Irenyi isandukulyo lya mkundana, muhende isongoya nalyo wandu.” Nawo wakaliira wakahenda isongoya nalyo wandu.

YOSHUA 4:10

Wakohanyi walya wawekudikie isanduku lilya lya mkundana nyi walehoṟoka makidi hawi ha meda fulya itane orio kindo Mndumii-Ruwa alewia Yoshua nawie wandu nalyo Yoshua kawewawia chando Mose alembia. Nalyo wandu wakapfuṟukana iambada.

YOSHUA 4:18

Kyasia wakohanyi walya wawekudikie isanduku lilya lya mkundano lya Mndumii-Ruwa wekiwuka alya makidi hawi ha meda fo Yordani wakadoya hambehu ha meda fulya, nalyo mṟinga fo meda fo Yordani fukasokase na iichuo cha kuwoka.

YOSHUA 6:6

Kyasia Yoshua mana o Nuni kalaha wakohanyi kawawia, “Kudikenyi isanduku lya mkundana na wakohanyi mfungade waire maranda mfungade ha masuwa waide kusonguo ko isanduku lilya lya mkundana lya Mndumii-Ruwa.”