YOSHUA 8:31 - Bibilia Kui Mdedie fo Kimochi

³¹ kikawekuwia kido chandu Mose mṟundi o Mndumii-Ruwa awewawasie Waisraeli, chando kiwei kiṟehie ipfo kitapunyi kya mawawaso ha Mose ke handuho hedasia nyi hechiwiko ko maho halamapaṟepaṟe manya kulakae pfo menya yose. Huye ya rasio lyo nyi hondo walewuta shidaso shemaya modonyi na shidaso sha ofoṟo.

YOSHUA 8:31 ပူးပေါင်းရင်းမြစ်များ

2WAMANGI 14:6

Kyaindi manya kudo alewaha wana wa wawahi walya pfo chandu kikiṟehie kiidi kya kitapu kya wuwawaso wo Mose, Mndumii-Ruwa kawawasa kechihamba, “Wafee wechiwoho kipfa kya wana wawo pfo, ma wana wechiwoho kipfa kya wafee wawo pfo, kyaindi orio mndu nechiwoho kipfa kya njonyamaṟo tsake amonyi.”

2WAMANGI 22:8

Nahong'u mkohanyi mnene Hilkia kawia mṟehi Shafani, “Ngawona kitapu kya mawawaso kiidi kya mba ya Mndumii-Ruwa.” Kiidima Hilkia kainengia Shafani kitapu nao kakisoma.

2MBONYI TSA MAHERI 25:4

Kyaindi alewaha wanawawo-pfo, kipfa kiwekiṟehie mdumbuye kitapunyi kya Mose, ke Mndumii-Ruwa nahamba adi, “Wafee wechiwoho kipfa kya wunyamaṟi wo wana wawo-pfo, ma wana wechiwoho kipfa kya wunyamaṟi wo wafee wawo-pfo; kyaindi orio mndu nechiwoho kipfa kya wunyamaṟi woke amonyi.”

2MBONYI TSA MAHERI 35:12

Kyasia, wakahawa shuma shilya sha shidaso shemaya modonyi ko wandu walya kuṟinganyi na shiumbu sha wandu wa kanyi kumu, kundu waidime iwuta shidaso kihianyi na Mdumbuye fo Mose.

EZRA 6:18

Na wudo walewewika wakohanyi na Walewi ko iṟunda lyawo kulya hekalunyi chandu Mose aweṟehiye ifo kitapunyi kyake.

NEHEMIA 13:1

Kiheri kitapu kya Mose kilesomo kikamanyika ke Waamoni na Wamoabu wawode momu fo kulunga na wana wa Mndumii-Ruwa-pfo.

IWUKA 18:12

Yetro ndee o mka o Mose kawikia Mndumii-Ruwa kidaso kemaya madonyi. Aroni kacha, na wameku wose wa Waisraeli, walye kelya handu hamu na ndee o mka o Mose oshangunyi lo Ruwa.

IWUKA 24:5

kadika wanake wa wana wa Waisraeli, walya walewika kidaso kemaya modonyi, wakashinjia Mndumii-Ruwa shidaso sha ofoṟo sha mmbe.

MATAYO 12:26

Na kokoya Satan kefuna Satan chi awa nyi alekanyi nao amonyi.

NGUMBUO YA MAWAWASO 27:2

Mkonufo mochiambada meda fo Yordani mkaida na kulya orukenyi Mndumii-Ruwa, Ruwa onu, amuinenga, mochihoṟotsa maho hang'anyi na ihachopa ripu.

NGUMBUO YA MAWAWASO 27:8

Mochiṟehiaho na pata oo huya mahoho madedoho hose ha iwawasolyi.”

YOSHUA 1:8

Ambuya manya ulahadime kitapu ki kya wuwawaso, kyaindi ukuloshe ishi shishiṟehiepfo kio na mfiri, kundu uhende iwuta chando shishiṟehiyepfo shose, kowuta kudo nyi ochiwona mboṟa na ipfumbuka handu hose ochihenda.