YOSHUA 8:29 - Bibilia Kui Mdedie fo Kimochi

²⁹ Kyasia kamasa mangi ulya o mṟi fulya fo Ai, mdihu mṟasa kyukanyi. Kyasia kiheri mnengeṟi fuweolokia Yoshua kawawasa ke mnying'a fulya fo mangi fusotso kulya mdihu fuhende ikumbo alya mongonyi fung'anyi foida na kulya mṟinyi na huya ya mnying'a fo wasanyie ho maho sa hafoi, na sohuyo ya maho ikeriho mṟasa inu.

YOSHUA 8:29 ပူးပေါင်းရင်းမြစ်များ

2SAMWELI 18:17

Wakaira Absalomu wakaolotsa mbihu foke rinenyi ling'anyi kulya ngeṟenyi, wakaumbia maho hafoi huye yake. Waaskari walya wa Israeli wakadichilia kanyi kowo.

ESTA 7:10

Kyasia wakaduo Hamani wakamasa alya ikidihu handu ha Mordekai. Nyashi ya mangi ikahuo.

SHIIMBO SHA DAWIDI 107:40

Kapusuya wanene wuilo, na iwatengesha kiidi kya nuka ilawode njia.

SHIIMBO SHA DAWIDI 110:5

Mndumii nakeri owoko lopfo lo kulyo; nechipoṟipotsa wamangi, mfiri fo tuke yake.

YOHANE 19:31

Fuwei mkonu fo katanu nyifo fo kuṟeheṟa fusongoe mkonu fo Sabato, Wayuda wakakoya chi kicha mnying'a iya itsinde kulya msalabehu ili mkonu fo Sabatopfo. Na Sabato iya iwei nyi mkonu sa mnene fo ngoseṟa. Wayuda Wakacha iterewa Pilato mafuo halya ha walya wawambie msalabenyi hahende ifunjofunjo na mbihu yawo isotso-ho.

MAWUTO HA WASU 12:23

Oweṟe cha ili malaika o Mndumii kamkapa nyi ili indi alalewikya Ruwa kiṟumi. Kalio nyi mashinu ai na moo kapfa.

YOSHUA 10:30

Ambuya Mndumii-Ruwa nyi alefudambikia mṟi fo handu hamu na mangi owo mawokonyi ha Waisraeli. Nawo wakawaha wandu wose wa mṟifo walatsuhaṟepfo manya mndu umu. Wakawewutia mangi o Libna chandu walewutia mangi o Yeriko.

YOSHUA 10:33

Nao mangi o Gerezi kacha natarame wandu wa Lakohi. Kyaindi Yosua kambaha handu hamu na wandu wake wose, manya alatsuhaṟeho manya mndu umu.

YOSHUA 12:9

Wamangi walewawinga umu umu nyi mangi o Yeriko, mangi o Ai, mṟi fuwei kufui na Betheli,

YOSHUA 7:26

Kyasia wakawumbia maho sa hafoi huye yake, na maho ho nyi hakeri ho mṟasa inu. Nalyo nyashi ya Mndumii-Ruwa ikahuo, na handu halya hakalaho, rina nyi Ipichi lya Akori mṟasa inu.

YOSHUA 8:23

Kyaindi Mangi ulya o mṟi fulya wakambada ai na moo, wakamduo ko Yoshua.