YOSHUA 8:2 - Bibilia Kui Mdedie fo Kimochi

² Kyamba nyi mochiwutia mṟi fo Ai hamu na mangi ofo chandu mulewutia mṟi fulya fo Yeriko handu hamu na mangi ofo. Kyaindi masaa na shiuma shake mochishiwada nyi shechiwa shanu. Henda sokienyi mṟinyi fo mochiidia ora lo nduma.”

YOSHUA 8:2 ပူးပေါင်းရင်းမြစ်များ

2MBONYI TSA MAHERI 13:13

Kyaindi kiheri kyo, Yeroboamu awemeduma maata ha machekeṟo hake hahende ipufukia malemali ha Yuda iwuka ora lo nduma, mandi machekeṟo hake hengi haikapana nawo kuwuka ora lo mbele.

2MBONYI TSA MAHERI 20:22

Na kiheri walewoka iimba na iichika, Mndumii-Ruwa, kaweṟuwetsa oṟongo lo walemali wa Amoni, Moabu na wandu wa Fumvu lya Seiri sa walecha ikapana na Yuda. Na walemali wo wawo wakawinzo.

SHIIMBO SHA DAWIDI 39:6

Mndu nyiekehenda ipfo na ipfo cha kiriinje; nyiekefohika tupu kipfa nyi mai na mai; nyiekewika kisa manya alaichi msa aikiduo.

MFANANO 13:22

Mndu mcha nechideea wachuku wake kyooṟa, Na masaa ha mdeko nyi kisa kya mndu o wusumhanyi.

MFANANO 28:20

Mndu msumhanyi nechiwada mboṟa pacha; Indi motambahana iwa msuṟi owinyi nyi echikapo.

YEREMIA 17:11

Chando ndehe yekesanyia maalea ilalehahalutsa, na wudo ai mndu ekewona masaa, halai ha wusumuhanyi, kiidi kya mfiri yake hechilekana nao, ifurumiaho nechiwa tondo.

YEREMIA 51:12

Irenyi bendeṟa ya shida saṟikienyi njomombo tsa Babeli. Wanzenyi wuringi; wikenyi waringi; reheṟenyi isaṟikia. Mndumii-Ruwa nadumbuye na iawutsia, mbonyi adedie kya wenyi wa Babeli.

NGUMBUO YA MAWAWASO 2:35

Shindo shadu luleduo nyi shuma tupu na masaa hose lulekoya mṟinyi.

NGUMBUO YA MAWAWASO 20:14

kyaindi waka na wana, mmbe, na shose sha ipfo mṟinyi, nzohoṟa tsafo tsose mochiidima itsiduo tsiwe tsanu. Mochiidima ikudaya nzohoṟa tsa wakituwa wanu itso Mndumii-Ruwa, Ruwa onu, amuinenga.

NGUMBUO YA MAWAWASO 3:2

Kyaindi Mndumii-Ruwa nalenjiwia, ‘Manya kulaowuo, cha kipfa njikeri imdambikia mawokonyi hapfo handu hamu na wandu wake na oruka loke. Nochimmbutia kilya kulewutia Sihoni mangi ya Waamori ulya awekeri kulya Heshboni.’

YOSHUA 10:1

Kyasia Mangi Adonia-sedeki o Yerusalemu kaicho chandu Yoshua alewada mṟi fo Ai na ifunyamaṟa piu, kawewutia mṟi fo chandu alewutia mṟi fo Yeriko na mangi yafo. Kaweichose ke wandu wa Gibeoni nyi walewikiana mkundana fo ofoṟo na Waisraeli na wulalu nyi wakeri kiidi kyawo.

YOSHUA 10:28

Mkonu fo Yoshua alewada mṟi fo Makeda, nyi alewaha mangi ofo na wandu wose wawei kulya mṟinyi kulakideo ho manya umu. Nyi alewutia mangi o Makeda chandu alewutia mangi ulya o Yeriko.

YOSHUA 11:14

Kyasia Waisraeli wakaduo masaa hose hamu na shuma sha mṟiyo - kyaindi wakawaha wandu wose wa mṟi yo, aledeopfo manya umu.

YOSHUA 6:21

Kyasia wakarumatsa orio kindo kiwei kulya mṟinyi wakawaha ko oshu wasoṟo na waka, rika na wameku, mbe, machondi na nzoi.

YOSHUA 8:12

Kawewutase wandu shiku shitanu (5,000) kawawika kiidi kya mṟi fo Behteli na Ai ora lo kyukanyi lo mṟi fo Ai.

YOSHUA 8:14

Kyasia mangi o mṟi fulya fo Ai kekiwona adi, kakure faṟa na wandu wake wakasoka kulya mpiṟimkonyi fo Araba kundu nahende ikoyana na Waisraeli shidenyi. Kyaindi alamanye ke mṟi foke nyi fuweimṟingichie ko ora lo nduma.

YOSHUA 8:19

Kiheri Yoshua alehoṟoya pfumu lyake mṟi fulya fo Ai, mbahanyi iya iwekeri maowionyi ikapufukia mṟi fulya ikaida na kulya mṟinyi ikafuwada na ifurumatsa ko modo.

YOSHUA 8:24

Kyasia Waisraeli wekimarisa iwaha wandu wose wa mṟi fulya fo Ai kulya nuka, wakawuya na kulya mṟinyi wakawaha wose wawetsuhee pfo.

YOSHUA 8:3

Kyasia Yoshua handu hamu na mbahanyi tsake wakakure kundu wahendie mṟi fo Ai nalyo kasambuṟa wandu warahari shiku makumi haṟaṟu (30,000) kawaduma wasonguo kiheri kya kio.

YOSHUA 8:7

Nalyong'u mukure ipfo kiowionyi muhende iwada mṟi fo, kyamba Mndumii-Ruwa, Ruwa onu nyi echifuwika mawokonyi hanu.

YOSHUA 8:8

Kyasia mukamemarisa iwada mṟi fo nyi mochifukoṟa ko modo chandu Mndumii-Ruwa alemuwawasa. Iho nyiho mawawaso mochihaosha.”

YOSHUA 8:9

Kyasia Yoshua kawaduma wahende handu halya hekapanyia, nawo wakahenda ora lo kyukanyi lo mṟi fo Ai kiidi kya Ai na Betheli. Nao Yoshua kakaa kio kilya kiṟaṟonyi kya wana wa Israeli.

YOSHUA 9:3

Kyaindi kiheri wandu wa mṟi fulya fo Gibeoni waleicho chandu Yoshua alewutia mṟi iya ya Yeriko na Ai,