YOSHUA 8:14 - Bibilia Kui Mdedie fo Kimochi

¹⁴ Kyasia mangi o mṟi fulya fo Ai kekiwona adi, kakure faṟa na wandu wake wakasoka kulya mpiṟimkonyi fo Araba kundu nahende ikoyana na Waisraeli shidenyi. Kyaindi alamanye ke mṟi foke nyi fuweimṟingichie ko ora lo nduma.

YOSHUA 8:14 ပူးပေါင်းရင်းမြစ်များ

KOHELETI 9:12

Kipfa mndu o wandu aichi kiheri kyake pfo; chando makunga hawado kiidi kya mdeho njiwicho, cha kilehe kyawado mdehonyi, kyasia na wandu nawo wekewado kiheri kiwicho ili kyawahoya wose.

YESAYA 19:11

Wanene wa Soani wawa matondo piu; wenyi wuchili waṟango wa Farao, chila yawo yawatondosha; nyi wuda mochiidima iwia Farao, “Inyi nyi mana o mndu mṟango na mana o mangi o kacha?”

YESAYA 19:13

Wanene wa Soani wai matondo, wanene wa Nofu wakulemba; na iwo wai maho ha ndumba wa njoshari tsake wadekesha.

DANIELI 4:31

Kudi kechideda ṟu likamchea liwuka ruwehu lyechihamba, “Iyo Mangi Nebukadneza madedoha nyi iyo ukeri iwio; wumangi wu wowuto kopfo.

MATAYO 24:39

Ma walamanye kindo mfu fulya fung'anyi fo mṟinga fukatana focha fukawakombetsa wose, na ili mandi kochishika iya macheyenyi ha Mana o mndu na wudo kechihenda iwa kido.

MATAYO 24:50

Na Mndumii o isinga lilya nyi echicha na mfiri ilindi alakumbuo na saa ilindi alaichi.

NGUMBUO YA MAWAWASO 1:1

Kitapuki kiwode madedo Mose alewia wandu wose wa Israeli kiheri wawei kulya nuka ora lo ngamenyi lo meda fo Yordani. Wawei kulya pichinyi lya Yordani kufui na Sufu kiidi kya mṟifo Parani ora lumu na mṟifo Tofeli, Labani, Hazerothi na Dizahabu ora lungi,

YOSHUA 8:13

Mbahanyi iya inene ilewiko ora lo huye lo mṟi na walya waletsuhaa wakakaa ora lo kyukanyi lo mṟi. Kio kilya Yoshua kalaa kulya pichinyi.

YOSHUA 8:15

Kyasia Yoshua na wandu wake walelembetseṟa ke nyi wawingo wakadichia kulya ora lo nuka.

YOSHUA 8:16

Kyasia wandu walya wose wawei kulya mṟinyi wakalaho kundu walatie Waisraeli walya, mandiho wawelatia Yoshua wakakure wose wahende haleshe na mṟi fulya fowo.

YOSHUA 8:5

Inyi na wandu wa njirianyi nawo nyi lochisembelia mṟi, ili mandi wechicha kundu walimbane naso so lochiwadicha.

2PETRO 2:3

Ili wawodo nyi wuehi wechikapa nanyo mbucha kui sumu tsawo tsa wongo. Indi kui kiheri kileshe Moanduya owo nakuṟeheṟie, na Morumatsa owo nawonyi.

WACHILI 20:37

Walya wawewaowishe wakacha owinyi wakasaṟikia mṟi fo Gibea na wakawaha wandu ko oshu.