YOSHUA 7:24 - Bibilia Kui Mdedie fo Kimochi

²⁴ Kyasia Yoshua handu hamu na Waisraeli wose wakaduo Akani, mana o Zera, handu hamu na fesa iya, nguo iya, sahabu, wana wake wa kika na wa kisoṟo, mbe tsake, nzoi na machondi hake, hema lyake na orio kindo awewode numa wakawaduo pichinyi lya Akori.

YOSHUA 7:24 ပူးပေါင်းရင်းမြစ်များ

MAWOOKIONYI 18:25

Manyale, kulawute kudo uwahe mndu mcha handu, hamu na mmbicho, mndu mcha nawe cha mndu mmbicho. Manyale; Moanduya wuyana wose nade alawuta sha wusumhanyi?”

YOBU 20:15

Mbicho nekemeṟa masaa ha mbari na ihadaika; Ruwa nekehawuta ndewunyi yake.

IWUKA 20:5

kulashiindie manya ishiṟundia; kyamba inyi Mndumii-Ruwa, Ruwa opfo nyi Ruwa njiwode wunyenyi, njekewuwuya njonyamaṟo tsa wandee wa wandu ipfo ko wana wawo, mṟasa kishari kya kaṟaṟu na kya kaana kya iwo wanjisuo,

MFANANO 15:27

Molanga fesa nyiekelisa mba yake amonyi wukiwa; Indi mosuo iinengo nyi echikaa na moo.

KOHELETI 5:13

Kuwode na ṟiho lyiwicho ndeliwona iya orukenyi, nyi mndu alekuotoya kasanyia masaa hafoi mnu,

YESAYA 65:10

Na Sharoni yechiwa mfiṟiha fo ipo lya machondi, na pichi lya Akori pichi lya wukiwa handu helaṟa mapo ha mbe, kipfa kya wandu wako wainjishiha.

HOSEA 2:15

Ipfo njechimbihiṟia madema hake ha msabibu, na mfo fo Akori, njechifutana fuwe kichumi kya ngaya. Nechinjiosha ko ikunda lyake chandu awekewuta kiheri awei manake, cha kiheri awewuka kiidi kya oruka lo Misri.

YOSHUA 15:7

Fukawuka oo fukaidia Debri pichinyi lya Akori ora lo huye itane Gilgali, kufui na oruka lukuirie lo Adamimu lukeri kufui na kimeda ko ora lo seri, numa fukaembeṟukia sokenyi tsa En-shemeshi fukatsitsia Engrogeli.

YOSHUA 22:20

Ngesa Akani akeri mana o Zera, aledeko ko iwuṟa wuhendeli ko shindo shii shiele na ngapo ikakoya siṟi yose ya wana wa Israeli? Nyi wudo Akani alepfa amonyi pfo, ko kipfa kya wunyamaṟi wokepfo.”

YOSHUA 6:18

Kyaindi mukuṟise mladuo kindo kyose kikishimbuo kyamba mukaduo kindo kyose kikishimbuo mochiendie kiṟaṟo ki kya Waisraeli irumatso, nakyo kimwendie tewe.

YOSHUA 6:21

Kyasia wakarumatsa orio kindo kiwei kulya mṟinyi wakawaha ko oshu wasoṟo na waka, rika na wameku, mbe, machondi na nzoi.

YOSHUA 7:1

Kyaindi Waisraeli walewa wahendeli ko shindo shilya walewio washirumatse pfo, kyamba Akani mana o Karmi, mana o Zabdi, mana o Zera, o kishari kya Yuda, nyi aleduo shindo maata kiidi kya shilya walewio washirumatse. Kipfa kya ikyo nyashi ya Mndumii-Ruwa ikahoya Waisraeli.

YOSHUA 7:23

Nalyo wakaduo shindo sho ko Yoshua na Waisraeli wose nalyo wakashileṟia wanda oshangunyi lo Mndumii-Ruwa.

YOSHUA 7:26

Kyasia wakawumbia maho sa hafoi huye yake, na maho ho nyi hakeri ho mṟasa inu. Nalyo nyashi ya Mndumii-Ruwa ikahuo, na handu halya hakalaho, rina nyi Ipichi lya Akori mṟasa inu.