YOSHUA 7:11 - Bibilia Kui Mdedie fo Kimochi

¹¹ Ambuya Waisraeli nyi walewuta wunyamaṟi, kyamba nyi walefunja mkundana foko njilewawia wafuwade; kyamba nyi waleduo shindo maata shiweshishimbuo ke washirumatse, ambuya nyi waleshiiwa wechilemba, wakashisanza hamu na shindo shawo.

YOSHUA 7:11 ပူးပေါင်းရင်းမြစ်များ

2WAMANGI 18:12

Kipfa Waisraeli walekunda iindia ṟu lya Mndumii-Ruwa, Ruwa owo pfo, walefunja mkundana foke, walakunde iicho ma india shilya Mose, mṟundi o Mndumii-Ruwa alewawasa.

2WAMANGI 5:24

Kekishika handu hawode kifumvu, kaambilia awuta mawokonyi hawo, kashiduo kanyi koke, kasama wandu walya wakakure, wakawuya.”

YESAYA 24:5

Kake wuyanawu wui wufanyitse ngafu kui wandu wekekaapfo; kipfa watahachie mawawaso hako, wakailacha wuwawaso, wakeleha kyasa kya mlungana.

YEREMIA 31:32

Mkundano fu chi cha fulya njilewika na waku wawo lilya njilewawuta Misri ko owoko loko pfo, kipfa mkundana fu walefutehiya, ma chandu inyi mbei Mndumii owo. Inyi Mndumii-Ruwa ngahamba.

HOSEA 6:7

Ambuya nyo mulefunja mkundana chandu Adamu alewuta; kyamba walenjiwutia kui wuhoṟotsupfo,

WALEWI 5:15

“Mnducho oose katehia na iwuta wunyamaṟi alakusirie, kiidi kya mbonyitso njiele tsiwaṟi iwuto tsa Mndumii; nlyondi echiendie Mndumii mwano fotehia; isuwa liheṟemtsu lyiwuka mfiṟihenyi foke; kiheo kihianyi na iitala ochimṟehia lya shekeli tsa pesa, kui shekeli tsa handu haele, kipfa kya dekolyo lyake.

HABAKUKI 2:6

Ngesa, iwa wose wechiwuta ofano koke, na iwoka ikumba shisunguṟu wehamba, “Ochia lo ulya moengeṟa masaa halai hake! Mṟasa indii? Na ochia mokudika mhanda fo kilacha.”

ZEKARIA 5:4

Mndumii Menyi Matorito nahamba ke nechidika oseso lu ko orio mba na mṟi fo waiwi na walya welya nyamu tsa wongo wechisenda rina lyake kya maai. Oseso lu lochirumatsa mba tsa maho na mashidi.”

MATAYO 22:21

Wakahamba, “Na sha Kaisari.” Nalyo kawawia, “Kewikyenyi-ng'u Kaisari iki kii kya Kaisari. Mbewikya na Ruwa iki kii kya Ruwa.”

MAWUTO HA WASU 5:9

Petro kambia, “A ikyo nyi kya iki ili mleidikyana mudi muwawi ke muche iseenga Mumuyo o Mndumii? Ambuya wandu walya wahenda iṟika mii opfo aiho oo mongo, nawo wechikuduo na iyo.”

NGUMBUO YA MAWAWASO 17:2

Kokoya moicho mndumka ang'u mndumsoṟo o ipfo mṟinyi fumuho mṟi yanu ekewuta mawicho oshangunyi lo Mndumii-Ruwa, Ruwa onu, ifunja mkundana foke

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.

YOSHUA 23:16

Kokoya mowumbuya mawawaso hake na itehiya mma fulya mulie nao mukawoka iindia maruwa hengi na ihaṟundia, nyi wudo ng'u nyashi ya Mndumii-Ruwa yechimusokia muhende isaramaya ko oweṟe muwuke kunu orukenyi luilucha alemwinenga.”

YOSHUA 7:1

Kyaindi Waisraeli walewa wahendeli ko shindo shilya walewio washirumatse pfo, kyamba Akani mana o Karmi, mana o Zabdi, mana o Zera, o kishari kya Yuda, nyi aleduo shindo maata kiidi kya shilya walewio washirumatse. Kipfa kya ikyo nyashi ya Mndumii-Ruwa ikahoya Waisraeli.

YOSHUA 7:10

Mndumii-Ruwa kawia Yoshua, “Hoṟoka, nki lyi okukumba wanda kudo?

WACHILI 2:20

Ko ikyo nyashi ya Mndumii-Ruwa ikado kipfa kya Waisraeli nao kahamba, “Kipfa kya wandu wa wametehia mkundano foko njilewika na waku wawo, wakaleha iindia ṟu lyako,

1SAMWELI 14:38

Sauli kahamba, “Kenjonyi na iya lanye wasongoru wa wandu, lumanye nyi wunyamaṟi wuda lowuta inu.