YOSHUA 6:6 - Bibilia Kui Mdedie fo Kimochi

⁶ Kyasia Yoshua mana o Nuni kalaha wakohanyi kawawia, “Kudikenyi isanduku lya mkundana na wakohanyi mfungade waire maranda mfungade ha masuwa waide kusonguo ko isanduku lilya lya mkundana lya Mndumii-Ruwa.”

YOSHUA 6:6 ပူးပေါင်းရင်းမြစ်များ

IWUKA 25:14

Na iyo itsa mashidi kiidi kya petetso tsii njora tsiwi tsa isanduku kundu noidime iduo isandukulyo mlembalemba.

MAWUTO HA WASU 9:1

Kyasia na Saulo kakaa keikoro mikoro fokudosa oloyo na iwaha walya wa kiloshyonyi kya Mndumii Kahenda kulya ko mkohanyi ang'anyi.

YOSHUA 24:11

Kyasia mukaambada meda fo Yordani mukacha na Yeriko, nalyo wandu wa Yeriko wakakapana nanyo, handu hamu na Waamori, Waperizi, Wakanani, Wahiti, Wag-irgashi, Wahivi na Wayebusi. Iwo wose ngawawika mawokonyi hanu.

YOSHUA 3:3

wechiwia wandu, “Ili mandi mochiwona wakohanyi wa Walewi wakudikie isanduku lya mkundana lya Mndumii-Ruwa, ruwa onu, nyi mochikure mulioshe;

YOSHUA 3:6

Kawewawiase wakohanyi, “Irenyi isandukulyo lya mkundana, muhende isongoya nalyo wandu.” Nawo wakaliira wakahenda isongoya nalyo wandu.

YOSHUA 6:13

Nalyo wakohanyi walya mfungade wawerie maranda halya mfungade ha membe tsa machondi wakasongoya isanduku lilya lya mkundana lya Mndumii-Ruwa wekapa maranda halya kitsitsi. Wandu walya wawerie shisha wakasongoya isanduku lilya lya Mndumii-Ruwa na waringi wengi nduma yalyo. Maranda halya hakaengeṟa ikapo.

YOSHUA 6:5

Kyasia kiherikyo wechikapa marandaho ko ṟu ling'anyi, mukomeicho ṟu lyo wandu wose wafahiye ko ṟu ling'anyi, nalyo njomombo tsose tsa mṟi fo nyi tsechioloka wanda. Koikyo orio mndu nyi echiolokia mṟi fo iwuka njora tsose handu muwehoṟoki.”

YOSHUA 6:7

Nalyo Yoshua kawawia, “Hendenyi kusonguo tengetienyi mṟi fo, na walya warie shisha wasongoye isanduku lya mkundana lya Mndumii-Ruwa.”

YOSHUA 6:8

Kii kidi kui wuwawaso wo Yoshua wakohanyi walya mfungade wawerie maranda mfungade ha membe tsa masuwa wakaida oshangunyi lo Mndumii-Ruwa wechikapa maranda ho na isanduku lilya lya Mndumii-Ruwa likawaosha.

1SAMWELI 4:3

Olemale wa shidenyi walekia kirenge wekishika kiṟaṟonyi, wameku wa Waisraeli wakahamba, “Nki ili Mndumii-Ruwa aluda lukawingo nyi Wafilisti inu nndenyi luhende iende isanduku lya mma lya Mndumii-Ruwa kuwuka Shilo, kundu naidime ihenda naso shidenyi naluashuo mawokonyi ha wakituwa wadu.”