YOSHUA 6:5 - Bibilia Kui Mdedie fo Kimochi

⁵ Kyasia kiherikyo wechikapa marandaho ko ṟu ling'anyi, mukomeicho ṟu lyo wandu wose wafahiye ko ṟu ling'anyi, nalyo njomombo tsose tsa mṟi fo nyi tsechioloka wanda. Koikyo orio mndu nyi echiolokia mṟi fo iwuka njora tsose handu muwehoṟoki.”

YOSHUA 6:5 ပူးပေါင်းရင်းမြစ်များ

IWUKA 19:19

Naho ṟu lya iranda lyekiengeṟa ideda mnu Mose kadeda, nao Ruwa kamwidikia ko ṟu.

YESAYA 25:12

Na oṟiho lui mikare naluhongomtsa, na ilulaṟa wanda, kalukumba wanda itane terinyi.

YESAYA 30:25

Na huye ya orio fumvu lileshe, na orio kitoṟomoso, kochiwada meda na shimeda sha mṟinga, kiidi kya mkonu iya yeshinja ing'anyi yechiolotsa shitaanyo.

YEREMIA 50:15

Kapenyi kifahio kya shida njora tsose, wulalu Babeli nokuloṟa uwado. Njotiṟiwa tsake tsaoloka, mawanda hake hawunduyo. Njitaa kiṟache huya Babeli, uwawutie chandu ulewutia wengi.

WAEBRANIA 11:30

Nyi wuidiki wukaenenga njomombo tsa Yeriko tsilewunduka tsiwei mtengetie mfiri mfungade.

YOSHUA 6:16

Kiheri waletengetia ka mfungade na wakohanyi wamemaa ikapa maranda halya, nalyo Yoshua kawia Waisraeli, “Fahiyenyi kyamba Mndumii-Ruwa amemudambikia mṟi fu.

YOSHUA 6:20

Kyasia wandu wakafahia na kunu maranda haweikapo. Kiheri wandu waleicho maṟu ha maṟanda wakakapa kitohio king'anyi, nalyo njomombo tsilya tsa mṟi tsikaoloka wanda piu, nalyo wandu wakapufukia mṟi fulya, orio umu awuka handu awei wakafuwada.

YOSHUA 6:4

Na wudo wakohanyi mfungade warie maranda hawo ha membe tsa masuwa nyi wechisongoya isanduku lilya lya mkundana. Ili mkonu fo mfungade nyi mochitengetia mṟi fo ka mfungade, kunu wakohanyiwo wechikapa membe tsawo.

YOSHUA 6:6

Kyasia Yoshua mana o Nuni kalaha wakohanyi kawawia, “Kudikenyi isanduku lya mkundana na wakohanyi mfungade waire maranda mfungade ha masuwa waide kusonguo ko isanduku lilya lya mkundana lya Mndumii-Ruwa.”

WACHILI 20:37

Walya wawewaowishe wakacha owinyi wakasaṟikia mṟi fo Gibea na wakawaha wandu ko oshu.

1SAMWELI 17:20

Ilyi lya ngama, Dawidi kakure ngamenyi otuko, machondi kahadeya molisa. Kaira kelya kahenda chandu ndeye Yese alemduma. Kiheri aleafukia kulya kiṟaṟonyi kya Waisraeli, nalewakoya wechikuṟeheṟa ihenda otasenyi lowo lo shidenyi wechiwika kitohio kya shida.

1SAMWELI 17:52

Naho Waisraeli na wandu wa Yuda wakawooka ikapa kisangalale kya iwinga, wakaituma Wafilisti mṟasa Gathi pichinyi, shichuminyi sha Ekroni; Wafilisti walewiko shifaṟe waleho njienyi wokia Shaarimu itane Gathi na Ekron.

1SAMWELI 4:5

Isanduku lya mma lya Mndumii-Ruwa lyekishitso kiṟaṟonyi Waisraeli wosewalefahia na sia, tane oruka loose lodihina.