YOSHUA 6:27 - Bibilia Kui Mdedie fo Kimochi

²⁷ Kyasia Mndumii-Ruwa nawei hamu na Yoshua na kiṟumi kya Yoshua kikadungana kulya orukenyi kose.

YOSHUA 6:27 ပူးပေါင်းရင်းမြစ်များ

MAWOOKIONYI 39:21

Kyaindi Mndumii-Ruwa kakaa hamu na Yosefu, kamtarama, kamnenga iidikio kyamunyi kya mnene owapfungo.

2SAMWELI 7:9

Njiwei ichumia na iyo handu hose na mkonu yose njechikuringa na irumatsa wakituwa wapfo wose. Njeching'anyisha rina lyapfo cha halya ha wasongoru wang'anyi kunu wuyanenyi.

1MBONYI TSA MAHERI 14:17

Kiṟumi kya Dawidi kikang'ana orukenyi kose, na Mndumii-Ruwa kawika wuowu mrimenyi ya wandu walya wa mkambo wose, wakaowuo Dawidi.

ESTA 9:4

Kipfa Mordekai nalewa ang'anyi kanyi ko mangi, kiṟumi kyake kikaichio isanganyi kose, kipfa Mordekai cho kaengeṟa ing'anyisho.

MATAYO 14:1

Kyasia mandi halya kuwepfo mangi tsa oruka tsiina, ulya umu-ho nyi Herode. Eleicho mbonyi tsa Yesu tseehambo wandunyi.

MATAYO 18:20

Cha kipfa kundu komsanza wawi ang'u waṟaṟu kuirina lyako inyi napfondo mbei ipfo kiidi kyawo.’”

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MATAYO 4:24

Na kiṟumi kyake kikahenda dung'ana kulya Siria kose. Wakamwendie wandu waluo wose, walya wai warohie nyi ndaaṟe tsa orio mbaṟi kawachiṟa wose.

2 WAKORINTO 13:14

Wutonga wo Mndumii Yesu Kristo na ikunda lya Ruwa na kyando kya Mumuyo Mwele shikae nanyo mose.

NGUMBUO YA MAWAWASO 31:6

Wenyi watumuhari muwe ngohoda, manya mulaowuo ang'u ikangaṟitso nyiwo cha kipfa Mndumii-Ruwa Ruwa onu, nyio aihenda hamu nanyo. O echida alamutaramapfo; echimukumbapfo.”

2TIMOTEO 4:17

Indi Mndumii alenjikaya-ho kanjikapya owanzo. Iki kileenenga ngaidima ionguo mwongoye fuhende imariso necha wamkambo wakafuicho wose, na inyi ngaashuka ianduyo lya opfu.

2TIMOTEO 4:22

Mndumii nakae mrimenyi fopfo. Wutonga wukae nanyo.

YOSHUA 1:5

Ambuya Yoshua, kuwode mndu ose echiidima iwinzana na iyo kiheri kyose ui na moopfo nyi njechikaa na iyo chando njiwei na mṟundi oko Mose, nyi njechikaa handu hamu na iyo manya njechikulekiapfo.

YOSHUA 1:9

Ambuya, nyi inyi Mndumii-Ruwa opfo njikeri ikuwawasa uwade ngoo njikari uwewa ngohoda, manya ulaowuo ma ipfiiyo nyi mdo kyamba njikeri handu hamu na iyo handu hose ochiida.”

YOSHUA 9:1

Kyasia wamangi wose wawei molyolya ya meda fo Yordani na oruka lose lo ipfo mafumvunyi na lo ipfo mapuchinyi na wambaṟa ya ipalyipalyi lya Mediterania liwei sumuhana na Lebanoni, Wahiti, Waamori, Wakaananyi, Waperizi, Wahivi na Wayebusi kiheri waleicho mbonyi tsa Waisraeli,

YOSHUA 9:3

Kyaindi kiheri wandu wa mṟi fulya fo Gibeoni waleicho chandu Yoshua alewutia mṟi iya ya Yeriko na Ai,

YOSHUA 9:9

Nalyo wakahaluo, “So masinga hapfo nyi luwukie orukenyi lo kuleshe, naso nyi locha kipfa nyi luleicho kiṟumi kya rina lya Mndumi Ruwa, Ruwa onu, nyi luleicho shindo sha mng'ano foke, na isho shose alewuta orukenyi lo Misri.

WACHILI 1:19

Mndumii-Ruwa nawei na wandu wa kishari kya Yuda, nawo wakawada mṟi ya mafumvu. Kyaindi walaidime iwinga wandu wa oruka lo rendewele kipfa magari hawo ha shida hawei ha menya.

1SAMWELI 18:14

Dawidi kahuyo ko orio kindo alekiwuta, kyamba Mndumii-Ruwa nawei kimu nao.

1SAMWELI 2:30

Ko ikyo, Mndumii-Ruwa, Ruwa o Waisraeli nahamba adi, ‘Njileteṟia ke wa mba yapfo na ya wameku wapfo mochicha oshangunyi loko munjiṟundie mlungana;’ kya indi wulalu Mndumii-Ruwa nahamba adi, ‘Mbonyitso tsikae kuleshe na inyi. Njechiindia walya wekenjiindia, na walya wanjiminie njechiwamina.