YOSHUA 6:24 - Bibilia Kui Mdedie fo Kimochi

²⁴ Kii kidi wakakoṟa mṟi fulya fo Yeriko na modo na orio kindo kiweipfo. Kyaindi fesa, sahabu, shindo shi shisungusie ko aṟeṟa na menya isho nyi shilesanyio shikawiko kisenyi kya mba ya Mndumii-Ruwa.

YOSHUA 6:24 ပူးပေါင်းရင်းမြစ်များ

2SAMWELI 10:5

Dawidi kahenda iwio mbonyi tsilya, kawadumia watirime kulya Yeriko mṟasa njui na ngerero tsawo tsiwenjiode tsing'ane, wawuyeng'u na kanyi.

2WAMANGI 25:9

Nalekoṟa mba ya Mndumii-Ruwa, mba ya mangi na mba tsose tsa Yerusalemu, orio mba ing'anyi naleikoṟa modo.

1MBONYI TSA MAHERI 18:11

Mangi Dawidi kadambika hekalunyi shindo shilya sha nga, handu hamu na fesa na sahabu aleduo iwuka mkambonyi iya alewinga na iiwada masinga hake: Edomu, Moabu, Ammoni, Wafilisti na Amaleki.

MAITALA 31:10

Mṟi yawo yose, wakakoṟa na modo mfiṟiha yawo na orio handu wekekaa.

NGUMBUO YA MAWAWASO 13:16

Mochisanyia nzohoṟa tsa mṟifo tsose osehu mengenyi ya mṟi mutsikoṟe na modo tsose cha kidaso kekoṟa kya Mndumii-Ruwa onu; mṟifo fochiwa cha fumsame mlungana, fochikaa fuwikosepfo.

NGUMBUO YA MAWAWASO 13:17

Orio kindo kyameendo kikoṟo na modo mulakiduose, kundu Mndumii-Ruwa nahooṟe nyashi iya yake njiwawo, nawaloṟe osaṟio na wucha, namupfumbutse, mufo mnu nakamu chando aweteṟie waku wanu,

NGUMBUO YA MAWAWASO 20:16

Kyaindi kiidi kya mṟi ya orukalu Mndumii-Ruwa, Ruwa onu, aimuinenga, mulatsuhaṟe kindo kyose.

YOSHUA 11:11

Lyefurumia karumatsa mṟi fulya fo Hazori ko modo, kawewaaha wandu wose wakeri kulya mṟinyi, manya alatsuhaṟe pfo manya mndu umu.

YOSHUA 6:19

Kyaindi fesa yose, na sahabu na shilya shishisungusie ko aṟeṟa na menya isho nyi shii shiele ko Mndumii-Ruwa, koikyo nyi shechisanyio shiwiko kisenyi kya Mndumii-Ruwa.”

YOSHUA 6:25

Kyaindi Yoshua kakiṟa mka ulya mmeluki Rahabu handu hamu na wandu wa mba yake wose. Nalyo Rahabu kakaa kiidi kya wa Israeli mṟasa inu, kyamba nyi aleṟika wadume walya Yoshua alewaduma isoṟa mbonyi tsa mṟi fulya fo Yeriko.

YOSHUA 8:28

Nalyo Yoshua karumatsa mṟi fulya fo Ai ko modo kafuhaluo ngafu mṟasa inu.

OTAMBAHALUO LO YOHANE 17:16

Na membe tsilya ikumi ometsiwona na indo lyo, wo wechisuo mka chu mṟuhui wamsaṟikye na imda-ho kitaṟe. Na nyama tsake tso wechilya na imkoṟa na modo.

OTAMBAHALUO LO YOHANE 18:8

Nkyo kimaduma ngapo tsilya tsi nteṟye tsake tsechifuhoya mkonu fumu tichi ndaṟe, opfu na mbadiko na njaa. Fochikoṟo modonyi. Kyamba mofudumbuya mondu nyio Mndumii ai Ruwa menyi-pfinya.”