YOSHUA 6:23 - Bibilia Kui Mdedie fo Kimochi

²³ Kyasia wanake walya wesoṟa mbonyi wakahenda wakaende Rahabu, ndee oke na mae oke, wana wa mae na wandu wose wa kishari kyake, wakawahoṟotsa oshangunyi lo kiṟaṟo kya Waisraeli.

YOSHUA 6:23 ပူးပေါင်းရင်းမြစ်များ

MAWOOKIONYI 12:2

na inyi njechikutana iyo uwe mkambo fung'anyi na ikuwikia mboṟa na ing'anyisha rina lyapfo, na iyo nowe mboṟa:

MAWOOKIONYI 18:24

Kofia na kuipfo wasumhanyi makumi hatanu ipfo mṟinyi, nochinyamaṟa, ma ulechida mṟifo kipfa wanduwo makumi hatanu wasumhanyi waipfo?

MAWOOKIONYI 19:29

Nalyo kikawa Ruwa kekinyamaṟa mṟi iya ya kulya pichinyi, Ruwa kakumbuo Abrahamu, kawutapfo Loti kulya orumatsonyi lilya mandi awerumatsa mṟi iya Loti awekekaa.

MAITALA 31:19

Walya wose wai kiidi kyanu sa walemewaaha mndu ang'u wakapaaya mnying'a kiwaṟi wakae kulya nja ya mfiṟiha ko mfiri mfungade; kuheṟemtsenyi handu hamu na wapfungo wanu wa shidenyi ko mkonu fo kaṟaṟu na fo mfungade.

MAWUTO HA WASU 10:28

Kawawia, “Nawo muichi ke mndu Myuda awode momu fowadana na mndu o mbaṟi ingi ma ihenda kokepfo. Kya indi Ruwa nyio alenjiloṟa ke njilatane mndu ma kawa wu ke nyi ai o ngafu ang'u nyi alai mharami.

MAWUTO HA WASU 27:24

Nao kanjiwia, ‘Ma kulaowuo Paulo! Nyi kikuwaṟi ihenda hoṟoka oshangunyi lo Kaisari. Kingi-se ambuya Ruwa amemaa ikuenenga wandu wa wai kyaṟonyi kimu na iyo wose.’

1 WAKORINTO 5:12

Kipfa nyi kiki kimbode njidumbuye wa ora lo nya mdumbuye? Chi kyanu kyewonaya wa ora lo kya mba mdumbuye sho?

WAEFESO 2:12

Matika halya nyo muwei na Kristo-pfo, muwei wahenu ipfo mengenyi ya Israeli muwedamye mbai ya mbukaho ya kiteṟyo kilya mulawei na kindo muwei, muwei iya wuyana mulawekuwode na Ruwa.

WAEBRANIA 11:31

Nyi wuidiki wukaenenga Rahabu mka ulya o njia alawesanzo irumatso kimu na walemeshi walya kipfa nyi aleambya wa lokitala walya kui ofoṟo.

WAEBRANIA 11:7

Nyi wuidiki wuleenenga Noe amepeesuyo shindo shilawendewoneka kawa mwikimbe esungusia sanduku lilya ling'anyi liwe kyekiṟa wa mba yake kawewonya na mweke fowo wuyana wu owingo kaweioṟa wusumhanyi wuoshanyi na wuidiki.

YOSHUA 2:13

Wikenyi kyasa ke nyi mochiluashuo lulawoho, wande oko, mae oko, wasacha wako na washiki wako na oshari lowo lose, mochilekia luwohopfo.”

YOSHUA 2:16

Nao kawawia, “Hendenyi muowe ipfo mafumvunyi handu ha mfiri iṟaṟu, na ili walya waimulatia walamuwone wechiwuya na mṟinyi nanyo mukukurie muhende konu.”

YOSHUA 2:18

Ambuya kiheri ki lochicha kunu orukenyi, masa kihowo kya kimande iya itiṟishenyi lyapfo handu oluitsa. Ambuya uwesanyia wandu wapfo iya kopfo, hamu na wasacha wapfo, washiki wapfo na wose wa kishari kyose kya wandu wapfo.

WACHILI 1:25

Kawaloṟa njia yeida na kulya mṟinyi. Kyasia, wakaida napfo na ikombetsa orio mndu aweipfo. Kyaindi mndu ulya alewaloṟa njia wakamda na kipuo, o na wa mba yake.