YOSHUA 6:19 - Bibilia Kui Mdedie fo Kimochi

¹⁹ Kyaindi fesa yose, na sahabu na shilya shishisungusie ko aṟeṟa na menya isho nyi shii shiele ko Mndumii-Ruwa, koikyo nyi shechisanyio shiwiko kisenyi kya Mndumii-Ruwa.”

YOSHUA 6:19 ပူးပေါင်းရင်းမြစ်များ

2SAMWELI 8:11

Dawidi kashisanza na sahabu na heleri alewada shidenyi.

1WAMANGI 14:26

Kaduo shisa sha mba ya Mndumii, na shisha sha mba ya Mangi; kaduo shose. Kaweduo na ngawo tsose tsa sahabu tsilya Solomoni awesungusie.

1WAMANGI 7:51

Kyasia Solomoni kamarisa iṟunda lyose lya mba ya Mndumii-Ruwa. Kiidima Solomoni kaende shihia shose shilya ndee Dawidi aweshiwikie wuele nasho nyi fesa, sahabu na shihia shose, kashiwika kiidi kya kisa kya mba ya Mndumii-Ruwa.

2WAMANGI 24:13

Na wudo da chandu Mndumii-Ruwa awehambie, Nebukadneza naleduo masaa hose hawei mbenyi ii ya Mndumii-Ruwa na mbenyi ya Mangi. Nalemanyamanya shihia shose sha sahabu shilya shilesungusio na Solomoni mangi o Israeli. Shihia sho shiwei mbenyi ya Mndumii-Ruwa.

1MBONYI TSA MAHERI 18:11

Mangi Dawidi kadambika hekalunyi shindo shilya sha nga, handu hamu na fesa na sahabu aleduo iwuka mkambonyi iya alewinga na iiwada masinga hake: Edomu, Moabu, Ammoni, Wafilisti na Amaleki.

1MBONYI TSA MAHERI 26:20

Walawi wa kishari kya Kora na Merari, waledambikio iṟunda lyehoṟokia masaa ha hekalunyi na shindo shose sha wuhuru shiweshidambikie ko Mndumii-Ruwa.

1MBONYI TSA MAHERI 26:26

Shelemothi na wandu wa mba yake nyiwo walehorokia masaa hose sa hawemandambikie ko Mndumii-Ruwa. Shindo sho nyi shilya shiledambikio ko Mndumii-Ruwa nyi Mangi Dawidi, na wasongoru wa wandu wa kanyi kumu, wanene wa machekeṟo, na Wasongoru wanga'nyi wa walemali.

1MBONYI TSA MAHERI 26:27

Na shindo shose sa walewada shidenyi, wakashidambika shiwe sha maṟunda Hekalunyi lya Mndumii-Ruwa.

1MBONYI TSA MAHERI 26:28

Shelemothi na wandu wa mba yake, wakainengo iṟunda lyehoṟokia shindo shose shiledambikio hekalunyi, handu hamu na shindo sha nga shileendo nyi mwikimbi Samueli, na Mangi Sauli mana o Kishi, na Abneri, na Yoabu mana o Seruya.

1MBONYI TSA MAHERI 28:12

na mṟeho ya shose ya shilya shiwei mahiyonyi hake: Ha mbonyi tsa kusonguo ko mba tsa hekalu lya Mndumii-Ruwa, na ya shiṟiha shose shiṟingichie hekalu, na ya shiṟiha sha masaa ha wuhuru wung'anyi ha Mndumii-Ruwa, na ya shiṟiha sha masaa ha shindo shiele ko Mndumii-Ruwa.

2MBONYI TSA MAHERI 15:18

Nalewihiṟa hekalunyi shindo shilya shose shiletano shiele na ndeye, handu hamu na shilya sa aleshitana shiele o amonyi: fesa na sahabu na shihia shingi shose.

2MBONYI TSA MAHERI 31:12

wakawika-pfo shindo shilya shileendo, na shidaso sha keenga kya ikumi, na shindo shingi shose sa shiletano shiele. Wakawika Konania, Mlewi nawe msongoru mnene mohoṟokia shindosho, na itana manaomayo oke o Shimei nawe mtarami oke.

NEHEMIA 10:38

Mkohanyi o kishari kya Aroni nyi echikaa hamu na Walewi kiherikyo wakeri iambia kyenga kya ikumi. Nalyo Walewi wasuṟume shikumbinyi sha kulya mba ya Ruwa kyenga kya ikumi kya mwano yo ya kyenga kya ikumi ileambiyo.

YEREMIA 38:11

Kyasia, “Ebedmeleki kaduo wandu wo kahenda kimu nawo mṟasa mbenyi ya mangi wakaida na kikumbinyi kya mba ya mangi. Ebedmeleki kaira nguwo tsilemeṟao na masaṟa kasotsia Yeremia kulya ṟungunyi na kiwoho.

WALEWI 19:24

Maaka fo kaana ndunda tsaho tsose tsechiwa njiele, tsechiwuto tsiwe kidaso keana Ruwa Menyipfinya.

MIKA 4:13

Mndumii-Ruwa nahamba, “Nyo wandu wa Sioni, hoṟokenyi muhende ihoṟuo wakituwa wanu! Njechimuinenga pfinya cha ipung'a lyiwode membe tsa menya na mbahachu tsa aṟeṟa. Mochisa wandu wa mkambo ifoi, shilya mowonafo mochinjiinenga inyi shidambiko shako, masaa hawo mochinjiinenga inyi Mndumii-Ruwa o wuyana wu wose.”

MAITALA 31:11

Waleduo masaa hawo hose na wapfungo wa shidenyi wose, ha wandu na shuma,

MAITALA 31:12

wakadaya Mose na Elieseri, na mamwingi fose fo Waisraeli fuwei mfiṟihenyi rendewelenyi ya oruka lo Moabu, mataya ya Yordani kufui na Yeriko.

MAITALA 31:22

Sahabu, pesa, menya ya aṟeṟa menya, ipati na maho ha ilama,

MATAYO 27:6

Kyasia wakohanyi walya wanene wakaira rupia tsilya wakahamba, “Chi kisumuhanyi lutsiwike ipfo kisenyi keṟika shindo sheinenga Ruwapfo kyamba nyi wuhuru wo samu.”

MARIKO 12:41

Yesu Kadamya sumhana na kisoṟo kesanya mapesa. Kaambuya chando wandu wafoi waiwika mapesa ipfo kisoṟonyi. Kya Hekalunyi Wasuṟi wafoi wakawika-pfo pesa tsifoi.

YOSHUA 7:11

Ambuya Waisraeli nyi walewuta wunyamaṟi, kyamba nyi walefunja mkundana foko njilewawia wafuwade; kyamba nyi waleduo shindo maata shiweshishimbuo ke washirumatse, ambuya nyi waleshiiwa wechilemba, wakashisanza hamu na shindo shawo.