YOSHUA 6:13 - Bibilia Kui Mdedie fo Kimochi

¹³ Nalyo wakohanyi walya mfungade wawerie maranda halya mfungade ha membe tsa machondi wakasongoya isanduku lilya lya mkundana lya Mndumii-Ruwa wekapa maranda halya kitsitsi. Wandu walya wawerie shisha wakasongoya isanduku lilya lya Mndumii-Ruwa na waringi wengi nduma yalyo. Maranda halya hakaengeṟa ikapo.

YOSHUA 6:13 ပူးပေါင်းရင်းမြစ်များ

1MBONYI TSA MAHERI 15:26

Wakainenga Ruwa shidaso sha mapung'a ha mbe mfungade na masuwa mfungade kipfa ili Ruwa alewaringa kiheri wawekudikie isanduku lilya lya mkundana lya Mndumii-Ruwa.

MAITALA 10:25

Lyefurumia, walya wawerie bendeṟa ya ichekeṟo kilesongoyo nyi kishari kya Dani, wawei cha waringi wa machekeṟo hose, walechumia ichekeṟo numa ichekeṟo. Iwa walesongoyo nyi Ahiezeri mana o Amishadai.

MATAYO 24:13

Kyaindi ichu mokarishya-ho kaweda nashike ili masiyonyi nyio echikiṟo.

WAGALATIA 6:9

Kyasia luhende iwuta kilya kii kicha lulalemo. Lukaakaa ludo lulawuya numa naso na lochikusambuya kii kyadu ilindi matika halya ha mateṟye heshika iwoneka.

YOSHUA 6:12

Kyasia ili lya ngama Yoshua kakure kilawo, nalyo wakohanyi wakakudika isanduku lilya lya mkundana lya Mndumii-Ruwa.

YOSHUA 6:14

Mkonu fo kawi nyi waletengetia se mṟi fo limu, wakawekuwuya se na kiṟaṟonyi kyawo. Wakaengeṟa iwuta kudi ko mfiri iṟandaṟu.

YOSHUA 6:4

Na wudo wakohanyi mfungade warie maranda hawo ha membe tsa masuwa nyi wechisongoya isanduku lilya lya mkundana. Ili mkonu fo mfungade nyi mochitengetia mṟi fo ka mfungade, kunu wakohanyiwo wechikapa membe tsawo.

YOSHUA 6:9

Kyasia wandu walya wawerie shisha wakaida kusonguo ko wakohanyi walya wawekapa maranda, na waringi wengi wakaosha numa ya isandukulyo, na maranda hekapo kitsitsi.