YOSHUA 4:7 - Bibilia Kui Mdedie fo Kimochi

⁷ Nyi lyo mandi mochiwawia, ‘Kiheri isanduku lya mkundana lya Mndumii-Ruwa lileambatso medenyi fo Yordani, mṟinga fo meda fo nyi fuletirima fulakisoke se.’ Koikyo maho ho nyi hechiwa ngumbuo ya Waisraeli mlungana.”

YOSHUA 4:7 ပူးပေါင်းရင်းမြစ်များ

SHIIMBO SHA DAWIDI 111:4

Nalewika ngumbuo ya mawuto hake ha kiṟiha; Mndumii nyi menyi wucha na osaṟio.

IWUKA 12:14

Na mkonu fu fochiwa ngumbuo konu, nanyo mochifuhaluo fuwe mnene ko Mndumii-Ruwa; mochifuhaluo fuwe mnene ipfo shisharinyi shanu shose, kui iwawaso lya mlungana.”

IWUKA 28:12

Na iyo nochiwika shindo sha wuhuru sho shiwi huya shitambaa shilya sha makosohu sha naiverayo, shiwe shindo sha wuhuru sha ngumbuo kipfa kya wana wa Waisraeli; na Aroni nechiduo marina hawo oshangunyi lo Mndumii-Ruwa, huya makoso hake hawi kundu kiwe ngumbuo.

IWUKA 30:16

Na iyo nochiambia fesatso tsa kisanza mawokonyi ha wana wa Waisraeli na itsisuṟuma tsa wuṟundi wo ihema lyekoyana kundu tsiwe ngumbuo ya wana wa Waisraeli oshangunyi lo Mndumii-Ruwa, kundu wawike kisanza kipfa kya mrima yanu.”

YESAYA 66:3

Ichu moshinja mbe na cha ichu awaha mndu; na ichu awuta kidaso kya ichondi nyi kimu na ichu afunja nzingo ya kite; na ichu awuta mwano foke nyi cha ichu awuta samu ya nguwe; na ichu mopfaamiṟa nyi cha ichu mowikia sanamu ona; ee, wasambuṟa njia tsawo wawenyi, na mbihu yawo ikachihiṟo nyi mawuto mawicho.

MAITALA 16:40

Iki kilewa wuikimbi ko Waisraeli ke mnducho oose alai nyi mkohanyi, alai o kisharinyi kya Aroni nalaide na rasionyi idutsia Mndumii-Ruwa opfaamo. Sile wudo nechirumatso cha Kora na walya walemwosha. Ishi shose shilewutika chandu Mndumii-Ruwa alewia Eliezeri kui dumbu lya Mose.

MAITALA 17:5

Ndichi ya mndu sa njechimsambuṟa yechioṟa. Nyi wudo njechidumbuo tapa teṟe mwichiwie fo Waisraeli fomununuwia.”

1 WAKORINTO 11:24

Kekiidima yaana kafufunja shifunyo kahamba, Aifu mbihu foko fohenda idambikyo kipfa kyanu. Muwe mowuta mudo kenjikumbuo.

NGUMBUO YA MAWAWASO 16:3

Mulalye mwanofo na mkate intarang'ashe. Ko mfiri mfungade mochilya mkate ilantarang'ashe, nyi mkate ya mawukiwa-cha kipfa mulewuka Misri kui wuitiki; ko ikyo, kiheri kyose kya moo yanu mochikumbuo mkonu fulya mulewuka Misri.

YOSHUA 4:6

Kindoki nyi kechiwa kichano kyanu ili nduma, ili wana wanu wechimmbesa, mafiri ho hechicha ngesa maho ha nyi heloṟa ki konu?