YOSHUA 3:8 - Bibilia Kui Mdedie fo Kimochi

⁸ Ambuya nyi ochiwia wakohanyi wo wakudikie isanduku lya mkundana, wakashika mbai ya meda fulya fo Yordani nyi wechihoṟoka oo mbai ya meda.”

YOSHUA 3:8 ပူးပေါင်းရင်းမြစ်များ

2WAMANGI 2:6

Elia kambia, “Hoi kaa iya, kipfa Mndumii nanjiduma njihende Yordani.” Kahamba, “Chandu Mndumii ai na moo na ngoo yapfo njechikulekiapfo.” Wakahendesana wose wawawi.

2MBONYI TSA MAHERI 29:15

Iwa walesanyia Walewi wodoyawo, wakakuilisha. Numa wakawuta chandu mangi alewawasa, wakawoka isanja mba ya Mndumii-Ruwa chandu Mndumii-Ruwa alewawasa.

2MBONYI TSA MAHERI 29:27

Kyasia, mangi Hezekia kawuta iwawaso ke shidaso shemaya modonyi shiwutio huya rasio. Na oweṟe mandi kidaso kyo kilewoka iwuto, wandu wakawoka iichika Mndumii-Ruwa ko shiimbo sa shiwehendesanyi na ṟu lya membe, na shihia sha wuimbi sha Dawidi mangi o Waisraeli.

2MBONYI TSA MAHERI 29:30

Kyasia, mangi Hezekia na wasongoru wakawia Walewi waichike Mndumii-Ruwa ko shiimbo sa shileṟehiyo nyi mangi Dawidi na mlodi Asafu. Na wandu wose wakaichimbiṟa Mndumii-Ruwa ko sia ing'anyi na imadapfuma.

2MBONYI TSA MAHERI 30:12

Pfinya ya Mndumii-Ruwa iwekeri iṟunda kiidi kya Wayuda, kalunga wandu walya, kawainenga mrima foindia mangi na wasongoru wake kihianyi na mawawaso ha Mndumii-Ruwa.

NEHEMIA 13:22

Nalyo ngawia Walewi wakuilishe wo wawenyi, wahende iringa mongo iya kundu mkonu fo Sabato fuidime itano mwele. “Kyekumbuo wo hoi Mndumii-Ruwa oko kipfa kya iki, uwenjisaṟia kipfa kya ikunda lyapfo ling'anyi.”

NEHEMIA 13:28

Kyasia Yoyada mana o Eliashibu mkohanyi ang'anyi kaalika mana o Sanbalati kuwuka mṟi fo Beti-horoni, na inyi ngamfuna oshangunyi loko.

IWUKA 14:13

Mose kawia wandu, “Mulaowuo, hoṟokenyi tupu muwone okiṟo lo Mndumii-Ruwa echimuwutia inu; cha kipfa Wamisri wa muwawonyi inu mochiwawonase mlunganapfo.

SHILIO 3:26

Nyi kindo kicha mnu ko mndu iwedia okiṟo luwukie ko Mndumii-Ruwa.

YOSHUA 3:17

Mandiho Waisraeli wawekeri iambada, wakohanyi walya wawekudikie isanduku lilya lya mkundana nyi walehoṟoka handu hai hahadutsu makidi hawi ha meda fulya fo Yordani itane Waisraeli wose walemarisa iambada.

YOSHUA 3:3

wechiwia wandu, “Ili mandi mochiwona wakohanyi wa Walewi wakudikie isanduku lya mkundana lya Mndumii-Ruwa, ruwa onu, nyi mochikure mulioshe;

YOSHUA 3:7

Nalyo Mndumii-Ruwa kawia Yoshua, “Inu kudi njihenda ikuṟumisha oshangunyi lo wana wa Israeli kundu wawute ho imanya ke, chandu njiwei hamu na mṟundi oko Mose na wudo njikeri ihenda ikaa handu hamu na iyo.

YOSHUA 3:9

Kii kidi Yoshua kalaha Waisraeli kawawia, “Nchonyi hafui kundu muadanyie madedo ha Mndumii-Ruwa, Ruwa onu!

YOSHUA 4:11

Kyasia wandu walya wekimarisa iambada wakohanyi walya wakaida kusonguo na isanduku lilya lya mkundana lya Mndumii-Ruwa.