YOSHUA 3:4 - Bibilia Kui Mdedie fo Kimochi

⁴ nyi wudo mochimanya njia yeida kunu kyamba mulemeidese kunu pfo. Mulakae hafui mnu na isandukulyo lya mkundano, nyi mochikaa handu haleshe cha kilometa imu.”

YOSHUA 3:4 ပူးပေါင်းရင်းမြစ်များ

MAWOOKIONYI 31:2

Yakobo kawona kyamu kya Labani ke aimwambuyase necha cha ukou na ichopfo.

1MBONYI TSA MAHERI 11:2

Na kiheri kilya Sauli awekeri Mangi, nyi iyo uwekeri msongoru o machekeṟo hadu shidenyi iluwihiṟa na kanyi kipwo. Na Mndumii-Ruwa, Ruwa opfo kakuwia, ‘Nochiwa msongoru o wandu wako Waisraeli. Nochiwa mangi yawo.’”

SHIIMBO SHA DAWIDI 25:12

Nyiu aowoye Mndumii? Nyechimlosha kiidi kya njia asambuṟie amonyi.

SHIIMBO SHA DAWIDI 89:7

Ruwa naoweshie mnu mengenyi ya waele, naoweshye kota wose wamtengetie.

IWUKA 19:12

Na iyo nochiwawikia oṟiho wanduwo njoora tsose, kochiwawia, ‘Kuṟisenyi, muladoe fumvu lyi, manya mulalyiwade, manya oṟiho lolyo; orio mndu echipaya fumvulyi, na kikaki na nawoho.’

IWUKA 3:5

Nao Mndumii-Ruwa kahamba, “Manya kulatikirie iya; wuta shadu shapfo ipfo; madendenyi hapfo; kyamba iya handu uhoṟoki nyi handu haele.”

IWUKA 4:10

Mose kawia Mndumii-Ruwa, “Hoi Mndumii, wokia kacha inyi chi mndu mokidedapfo, manya wokia mandi ulewooka ideda na mṟundiopfo, kyamba inyi njimwangu idedapfo, na olimi loko luulemeri”

YESAYA 30:33

Kipfa Tofethi injiṟeheṟe wokia kacha, ee, injiteseheṟe ko mangi-cho; naihaluye ing'anyi, ihenda wanda mnu; handu hake hekoṟia nyi modo na ngu tsifoi; mṟufu fo Mndumii, cha modo fo kibiriti, fokeatso.

YESAYA 48:17

Mndumii, mkiṟa opfo, Mwele o Israeli, nahamba adi, “Inyi nyi Mndumii, Ruwa opfo, njekekulosha kundu uwone kiira; njikekusongoya kiidi kya njia ikuwaṟi iosha.

YOSHUA 3:3

wechiwia wandu, “Ili mandi mochiwona wakohanyi wa Walewi wakudikie isanduku lya mkundana lya Mndumii-Ruwa, ruwa onu, nyi mochikure mulioshe;

YOSHUA 3:5

Nalyo Yoshua kawia wandu, “Kekuheṟemtsenyi, kyamba ngama Mndumii-Ruwa nahenda iwuta ṟiho kiidi kyanu.”