YOSHUA 3:17 - Bibilia Kui Mdedie fo Kimochi

¹⁷ Mandiho Waisraeli wawekeri iambada, wakohanyi walya wawekudikie isanduku lilya lya mkundana nyi walehoṟoka handu hai hahadutsu makidi hawi ha meda fulya fo Yordani itane Waisraeli wose walemarisa iambada.

YOSHUA 3:17 ပူးပေါင်းရင်းမြစ်များ

2WAMANGI 2:8

Elia kawuta nguwo yake ya huye, kailema, kalachuo mṟinga, fukahawikana kunu na kunu, na iwo wawi wakaambada ha hadutsu.

SHIIMBO SHA DAWIDI 66:6

Nalehaluo ipalyipalyi lyikawa handu hahadutsu; medenyi waleida na madende; ipfo mpfo kundu lulechihiyo kyake.

IWUKA 14:21

Mose kahoṟuo owoko loke huya ipalyipalyi; Mndumii-Ruwa katana ipalyipalyi lyiwuye na numa kui otanu sa luapfinya luwuka ora lo ngamenyi, kio taṟaṟaa, katana handu hahadutsu kulya ipalyipalyinyi, mṟinga fukahawukana.

IWUKA 14:22

Wana wa Waisraeli wakaida kiidi kya ipalyipalyi handu hahadutsu na mṟinga fuwei omombo ora lowo lo kulyo na ora lowo lo kumoso.

IWUKA 14:29

Kyaindi wana wa Waisraeli wakachumia handu hahadutsu makidi hawi ha ipalyipalyi; na mṟingafo fuwei nyi njomombo ora lowo lo kulyo na ora lowo lo kumoso.

YESAYA 25:8

Nameṟie opfu mṟasa mlungana; na Mndumii-Ruwa nechiangatsa mchenyeṟe oshangunyi lowo; na sonu ya wandu wake nechiiwuta kiidi kya wuyana wose; kipfa Mndumii adeda isho.

MAITALA 33:51

“Wia Waisraeli ke ili wechiambada meda fo Yordani waide na orukenyi lo Kanaani,

WAEBRANIA 11:29

Nyi wuidiki wukaenenga waleambadya ipalyipalyi lya king'aring'ari cha ili nyi kundu kuhadutsu mpfondo Wamisiri, ilindi walehesha iwika chawo, walekuwutya-ho ihenda imeṟo.

YOSHUA 4:1

Kyasia mkambo fulya fose fo Waisraeli wamemarisa iambada Mndumii-Ruwa kawia Yoshua,

YOSHUA 4:10

Wakohanyi walya wawekudikie isanduku lilya lya mkundana nyi walehoṟoka makidi hawi ha meda fulya itane orio kindo Mndumii-Ruwa alewia Yoshua nawie wandu nalyo Yoshua kawewawia chando Mose alembia. Nalyo wandu wakapfuṟukana iambada.

YOSHUA 4:11

Kyasia wandu walya wekimarisa iambada wakohanyi walya wakaida kusonguo na isanduku lilya lya mkundana lya Mndumii-Ruwa.

YOSHUA 4:22

Nyi lyondi mochiwawia mudi, “Mkambo fu fo Israeli nyi fuleambada meda fo Yordani handu hahadutsu.

YOSHUA 4:3

nowawase kudi, irenyi maho ikumi na hawi iya kiidi kya meda fo Yordani, oo handu wakohanyi wahoṟoki, muhaduo mṟasa handu halya mukeri ihenda ilaa inu.”

YOSHUA 5:1

Kyasia wamangi wose wa Waamori wawei molyolya ora lo kyukanyi lo meda fo Yordani, na wamangi wose wa Wakaanani wawekeri mbai ya ipalyipalyi lya Mediterania, wekiicho ke Mndumii-Ruwa nyi alehadutsa mṟinga fo meda fo Yordani kipfa kya Waisraeli mṟasa wakaambada, nyi walepfio nyi mdo, pfinya tsikawasia piu, kipfa kya iowuo wana walya wa Israeli.