YOSHUA 3:16 - Bibilia Kui Mdedie fo Kimochi

¹⁶ Mṟinga fulya fuwekeri isoka fuwuka ora lo huye fukotirima fukokuwumbiya handu hamu mṟasa Adamu, kihongo kiwekeri kufui na Sarethani. Mṟinga fuwekeri soka fuhende Arabu, ipalyipalyi lya Monyo fukosia fose, wandu wakaambada sumuhana na Yeriko.

YOSHUA 3:16 ပူးပေါင်းရင်းမြစ်များ

MAWOOKIONYI 14:3

Iwa wose wakakusanza kulya pichinyi lya Sidimu kufui na ipalyipalyi lya moonyo.

1WAMANGI 4:12

Baana mana o Ahihudi, nalehoṟokia mṟi ya Taanaki, Megido na ora lose lo Beth-sheane ii kufui na mṟi fo Zarethi, ora lo nuka lo mṟi fo Jezreeli, na kuwuka Beth-sheani mṟasa mṟi ya Abel - mehola, na ielewetsa mṟi fo Yokmeamu.

1WAMANGI 7:46

Shindo sho shose Mangi naleshiṟundia rendewelenyi lya Yordani ora lo teri ya shinungu kiidi kya Sukothi na Serathani.

SHIIMBO SHA DAWIDI 114:3

Ipalyipalyi lyilewona lyikadicha, Yordani ikawihiṟo na numa.

SHIIMBO SHA DAWIDI 114:5

Ee, ipalyipalyi, nkiki uwode udiche? Yordan uwuye na numa?

SHIIMBO SHA DAWIDI 29:10

Mndumii nyi aledamya huya mfu fung'anyi Ee, Mndumii nyi adamye cha mangi mlungana.

SHIIMBO SHA DAWIDI 33:7

Kasanyia mṟinga yose ya ipalyipalyi handu hamu, Kawika ngolokio cha kikumbi.

SHIIMBO SHA DAWIDI 66:6

Nalehaluo ipalyipalyi lyikawa handu hahadutsu; medenyi waleida na madende; ipfo mpfo kundu lulechihiyo kyake.

SHIIMBO SHA DAWIDI 74:15

Iyo kuleende soka na shimeda; Iyo koumiṟa meda iwewode mṟinga kiheri kyose.

SHIIMBO SHA DAWIDI 77:19

Njia yapfo iwei ipalyipalyinyi, na mtandara fopfo fuwei huya mṟinga fung'anyi, ndifo tsapfo tsilemanyikyapfo.

SHIIMBO SHA DAWIDI 78:13

Naledumbutsana ipalyipalyi kawaambatsa; nalehoṟotsa mṟinga cha sohu.

IWUKA 14:21

Mose kahoṟuo owoko loke huya ipalyipalyi; Mndumii-Ruwa katana ipalyipalyi lyiwuye na numa kui otanu sa luapfinya luwuka ora lo ngamenyi, kio taṟaṟaa, katana handu hahadutsu kulya ipalyipalyinyi, mṟinga fukahawukana.

IWUKA 14:22

Wana wa Waisraeli wakaida kiidi kya ipalyipalyi handu hahadutsu na mṟinga fuwei omombo ora lowo lo kulyo na ora lowo lo kumoso.

IWUKA 14:29

Kyaindi wana wa Waisraeli wakachumia handu hahadutsu makidi hawi ha ipalyipalyi; na mṟingafo fuwei nyi njomombo ora lowo lo kulyo na ora lowo lo kumoso.

IWUKA 15:8

Kui otanu lo shiwale shambuo tsapfo mṟinga fulehoṟotso, Mṟinga fukahoṟoka cha sohu, Kundu kuṟungukie kukawadana oṟoonyi lo ipalyipalyi.

YESAYA 50:2

“Kyasia lilya njilecha nkili kulawewode mndu? Ngalaha, kuwode alehaluopfo? Ngesa! Owoko loko lui lufui njilemo ikiṟa? Ngesa njiwode pfinya tsechiṟa? Ambuya kui ideda lyako ngahadutsa ipalyipalyi, meda ya mṟinga ngaihaluo nuka ya msanga; makunga hayo haidaa kipfa kulawode mṟinga, wandu wapfa kipfa kya nyoda.

EZEKIELI 47:8

Nao kanjiwia ambuya mṟinga nyi fuisoka fochiida wanda mṟasa Araba, na fukomeshika ipfo nyi fochihenda ihaluo mṟinga fo ipalyipalyi lilya lya monyo fuwe mṟinga sa mcha.

NAHUMU 1:4

Nekededya ipalyipalyi likahaduka, na ihadutsa meda yose; Bashanyi ikaloloma, na Karimeli; kiwaṟo kya Lebanonyi kikanaa.

HABAKUKI 3:8

Ngesa Mndumii nalesukiṟo nyi meda? Ngesa nyashi yapfo iwei huya meda, Ang'u ipalyipalyinyi, mṟasa kodo na frasi tsapfo, na magari hapfo ha shida kowona wuwinzi?

MAITALA 34:3

Ora lo nuka mṟasa fochiwa kuwuka nuka ya Sini kuidia ora lo Edomu. Nochiwokia ora lo ngamenyi kulya nuka mtsitsionyi fo Ipalyipalyi lya Monyo.

NGUMBUO YA MAWAWASO 1:1

Kitapuki kiwode madedo Mose alewia wandu wose wa Israeli kiheri wawei kulya nuka ora lo ngamenyi lo meda fo Yordani. Wawei kulya pichinyi lya Yordani kufui na Sufu kiidi kya mṟifo Parani ora lumu na mṟifo Tofeli, Labani, Hazerothi na Dizahabu ora lungi,

NGUMBUO YA MAWAWASO 3:17

Ora lo kyukanyi oruka lowo lushikie medenyi fo Yordani, wokia nduwa ya Galilaya ora lo mtsudu, kosoka tane ipalyipalyi lya Araba, Ipalyipalyi lya monyo, na msaṟi ya Pisga, ora lo ngamenyi.

YOSHUA 12:3

Kawechilia oruka lose lo Araba, wokia ipalyipalyi lya Kinerethi, ora lo ngamenyi mṟasa Beth-yeshimothi ipalyipalyi lya mongo itane oshika oruka lo lui fumvu lya Pisga.

YOSHUA 15:2

Ambuya mṟasa fowo ko ora lo seri nyi lulewokia membe ya seri ya ipalyipalyi lya Monyo,

YOSHUA 16:7

Fukawuka Yanoa tane Atarothi na Naara, fukoshika Yeriko, fukamarisikia medenyi fo Yordani.

YOSHUA 3:13

Ambuya ili mandi ndifo tsa wakohanyi wo wakudikie isandukulyo lya mkundana lya Mndumii-Ruwa, Ruwa o wuyana wose tsechichumia mṟingenyi fo Yordani, mṟinga fo meda fo nyifochitirima na mṟinga fo fuwesoka ora lo huye nyi fochikuumbia handu hamu.’”

YOSHUA 4:22

Nyi lyondi mochiwawia mudi, “Mkambo fu fo Israeli nyi fuleambada meda fo Yordani handu hahadutsu.

YOSHUA 5:1

Kyasia wamangi wose wa Waamori wawei molyolya ora lo kyukanyi lo meda fo Yordani, na wamangi wose wa Wakaanani wawekeri mbai ya ipalyipalyi lya Mediterania, wekiicho ke Mndumii-Ruwa nyi alehadutsa mṟinga fo meda fo Yordani kipfa kya Waisraeli mṟasa wakaambada, nyi walepfio nyi mdo, pfinya tsikawasia piu, kipfa kya iowuo wana walya wa Israeli.

WACHILI 7:22

Wandu wa Gideoni kiheri walekapa maranda hawo mahana haṟaṟu (300), Mndumii-Ruwa katewa Wamidiani wawoke iwahana wenyi na wenyi ipfo kiṟaṟonyi, waletsuhaa walekusheṟuo wakadicha mṟasa Serera wohenda Beth-shita, itane mṟasenyi fo Abel-Mehola kufui na Tabathi.