YOSHUA 24:8 - Bibilia Kui Mdedie fo Kimochi

⁸ Ngawewasongoya mṟasa orukenyi lo Waamori wawekeri ora lulya lungi lo meda fo Yordani. Iwa wakakapana nanyo, ngawemukanyia iwawinga ngawarumatsa oshangunyi lonu na oruka lowo ngamwinenga.

YOSHUA 24:8 ပူးပေါင်းရင်းမြစ်များ

NEHEMIA 9:22

Lingise, kowainenga iwinga wamangi wa mkambo ya wandu, wa njoruka tsilya tsiwekeri mṟasenyi nawo. Wakawinga oruka lo Heshiboni, luwelusongoye nyi mangi Sihoni, na oruka lo Bashani luwei lusongoye nyi mangi Ogu.

IWUKA 23:23

Cha kipfa malaika oko nechisonguo oshangunyi lopfo, na ikushitsa ko Mwamori, na Mhiti, na Mperizi na Mkanaani na Mhivi, na Myebusi; na inyi njechiwaarisia kuleshe.

AMOSI 2:10

Ngoseṟa njilewadosa wuka orukenyi lo Misiri, ngawateteṟa maaka makumi haana kulya nuka, kundu mwitoṟie oruka lo Mwaamori.

AMOSI 2:9

Ambuya, inyi njilewerumatsa Waamori oshangunyi lowo, ichu awei mleshe cha mweresi, nawewode pfinya iṟihishye cha mwalonyi; kamkuṟuo cha ili uikuṟuo ikidi na mri yalyo.

NGUMBUO YA MAWAWASO 2:32

Naho Sihoni kakure na wandu wake wose ikapana naso kufui na mṟi fo Yahasa.

YOSHUA 13:10

handu hamu na mṟi iya ya mangi o Sihoni o Waamoni, iwechilie Hesboni kashika mṟasenyi na Waamoni;