YOSHUA 24:25 - Bibilia Kui Mdedie fo Kimochi

²⁵ Kyasia Yoshua kawika mkundana na wana wa Israeli alya Shekemu, kawewainenga wuwawaso na chile sa wechitsiosha.

YOSHUA 24:25 ပူးပေါင်းရင်းမြစ်များ

MAWOOKIONYI 35:4

Nawo wakainengia, Yakobo maruwa mahenu hose hawei mawokonyi hawo, na rachi tsiwei madunyi hawo, nao Yakobo katsisuṟuma wanda ya mwaloni fuwei Shekemu.

2WAMANGI 11:17

Ikyo kyamiida Yehodaya kawika mkundana kiidi kya Mndumii-Ruwa na mangi na wandu ke wechiwa wandu wa Mndumii-Ruwa, hamu na mkundana kiidi kya mangi na wandu.

2MBONYI TSA MAHERI 15:12

Naho wakawika kyasa, ke wechiindia Mndumii-Ruwa, Ruwa o wasahuyawo, ko mrima yawo yose na ngoo tsawo tsose;

2MBONYI TSA MAHERI 15:15

Kyasia wandu wose wa Yuda wakawada sia ing'anyi mnu kipfa kya ili walelya nyamu ko mrima yawo yose. Walemshiha ko mrima yawo yose, wakambona. Nao Mndum ii Ruwa kawainenga ofoṟo njora tsawo tsose.

2MBONYI TSA MAHERI 23:16

Kyasia, mkohanyi Yehoyada kadeda na Mangi Yoashi na wandu, kawawesa wahendesane nao wawike kyasa ke wechiwa wahendeli ko Mndumii-Ruwa. Nawo wakaidikiana nao.

2MBONYI TSA MAHERI 29:10

Wulalu ngameanduo ko mrima foko fose, iwika mkundana na Mndumii-Ruwa, Ruwa o Waisraeli, kundu nalaengeṟe ilusuo mnu.

NEHEMIA 9:38

Kipfa kya shindo shi shose shilewutika, so Waisraeli nyi lowika mkundana ko maṟeho na wanene wadu, Walewi, na Wakohanyi wadu waṟingishie ho kui maṟeho.

IWUKA 15:25

Nao kaeṟeṟia Mndumii-Ruwa ; Mndumii-Ruwa, kamloṟa ikidi, kaliwika kulya mṟingenyi, mṟinga fukaloda. Kyasia, kawawikiapfo iwawaso na mdumbuye, kawaheshiapfo;

IWUKA 24:3

Mose kahenda iwia wandu madedoho hose ha Mndumii-Ruwa, na mdumbuye yake yose; wandu wose wakahaluo kui ṟu limu, wehamba, “Madedo hose Mndumii-Ruwa adeda lochihawuta.”

NGUMBUO YA MAWAWASO 29:1

Iha nyiho madedo ha mkundana Mndumii-Ruwa alewawasia Mose nafuwike na Waisraeli kulya orukenyi lo Moabu, manya chandu Mndumii-Ruwa awemewika mkundana nawo fumvuhu lya Horebu.

YOSHUA 24:1

Kyasia, Yoshua kasanyia handu hamu shishari shose sha Waisraeli kulya Shekemu. Kalaha wameku, wanene, wachili, na wanene walya wengi wa Israeli wose wakacha na oshangunyi lo Mndumii-Ruwa.

YOSHUA 24:26

Naalyo Yoshua kaṟehia madedo ha kitapunyi kya wuwawaso wo Mndumii-Ruwa, kaweira iho sa ling'anyi kalihoṟotsa alya iṟaṟenyi kiidi kya mba i ya Ruwa.