YOSHUA 23:14 - Bibilia Kui Mdedie fo Kimochi

¹⁴ “Ambuyenyi, kiheri kyako kewuka wuyanenyi nyi kishikie, nanyo nyi muichi mrimenyi yanu na ngoonyi tsanu ke shindo shose shicha Mndumii-Ruwa awewawikie kyasa kuwode manya kimu kileda kilawutikapfo. Shose nyi shileawutsio chando awewikie kyasa.

YOSHUA 23:14 ပူးပေါင်းရင်းမြစ်များ

MAWOOKIONYI 47:29

Mkonu ya opfu lo Israeli ikatikiria; kalaha mana oke Yosefu, kambia, “Kokoya kochinjiidikia, wika owoko lopfo shi ya owaa loko, kekunjiwutie osaṟio na kya lohi; ngakuterewa mnu kulanjiṟike kunu Misri.

1WAMANGI 2:2

“Inyi njikeri kufui ipfa; kyasia uwe ngohoda, ukarie cha womi;

1WAMANGI 8:56

“Naṟumisho Mndumii-Ruwa chu awonyia wandu wake Israeli, isia moo chandu kyasa kyake kii. Nainutsia shasa shake shose shicha aleshiwika kiheri kya mṟundi oke Mose.

YOBU 30:23

Kipfa njiichi nochinjiende mṟasa opfunyi njishikie mbenyi ya wateṟie wose wenyi moo.

IWUKA 3:8

na inyi ngasoka njicheiwaashuo mawokonyi ha Wamisri. Njechiwawutapfo njiwadose kuwuka orukalo tane oruka lucha, na lusalari; oruka luichuo wuki na maruwa; oruka lo Mkanaani, na Mhiti, na Mwamori na Mperizi, na Mhivi, na Myebusi.

KOHELETI 12:5

Ee wechiowuo kikuiriye; Shindo sheowesha shechikoyo njienyi, na ikidi lyechiwaa shiwaṟo, Ndatari yechilemia; na kiwasi kilakewawa kechiduika; Kipfa mndu nahendia mba yake ya mlungana; Na wekapa shilyio watengeta njienyi;

KOHELETI 9:10

Kyose owoko lopfo lochiidima iṟunda, ṟunda na pfinya tsapfo tsose, kipfa kuwode iṟunda, ma chila, ma wuṟango, ma wulaanyi ipfo waṟumu kundu ukeri ihenda iyopfo.

EZEKIELI 20:28

Kyamba njilewaende na orukenyi lulya njiwewateṟie, nawo wekiwona mafuvu maleshe na mashidi haoṟie necha, wakawoka ihaendie shidaso shawo. Wakawenjipfulutsa nyashi ko shidaso shilya shepfaama walewuta hamu na iletsia mvinyo.

MAITALA 23:19

Ruwa chi mndu owandu nahambe wongopfo, manya chi mndu o wandu nailache mahio hakepfo! Ngesa, nechiteṟia kindo alekiwuta, ang'u nahambe kindo nade alakiinutsia?

LUKA 21:33

Ruwehu na oruka nyi shechikaa shimande, kyaindi madedo hako hechimandapfo.”

WAEBRANIA 9:27

Nakyo kirianyi na kya wandu ili kiwawaṟi wapfe limu. Likamewa washike yanduyo.

1SAMWELI 3:19

Samweli kaengeṟeka ing'ana nao Mndumii-Ruwa kamkaya, na shilya shose alehamba kuwode manya kimu kilaleawukiapfo.