YOSHUA 21:44 - Bibilia Kui Mdedie fo Kimochi

⁴⁴ Nawudo Mndumii-Ruwa kawasumba ofoṟo orio handu alya orukenyi chandu awewikie kyasa na wafee wawo. Kulakaepfo wakituwa waleidima iwasembelia, kyamba Mndumii-Ruwa nyi aledambikia wakituwa wawo mawokonyi hawo.

YOSHUA 21:44 ပူးပေါင်းရင်းမြစ်များ

2MBONYI TSA MAHERI 13:16

Kyasia wandu wa Israeli wakadicha wandu wa Yuda, kyaindi Ruwa kawawika mawokonyi hawo.

IWUKA 23:31

Na inyi njechikuwikia mṟasa fopfo wokia ipalyipalyi lya Shamu tane ipalyipalyi lya Wafilisti na kuwokia nuka tane medafo; cha kipfa njechiwika wenyi orukalo mawokonyi hapfo; na iyo nochiwafuna kuwuka oshangunyi lopfo.

IWUKA 33:14

Kyasia, Mndumii kambia, ‘Kyamu kyako kechichumia na iyo, na inyi njikunenge sia.’”

YESAYA 63:14

Cha ili mbe tsisokia pichinyi, Mumuyo fo Mndumii fukawasiṟa moo; nyi wudo ulesongoya wandu wapfo, kundu ukuwikie wuitoṟi rina lyapfo.

NGUMBUO YA MAWAWASO 2:36

Kuwokia Aroeri, mṟi fui mbai ya pichi lya Arnoni na mṟi fui kunu pichiny mṟasa Gileadi, kuwewode mṟi ma fumu fuwemwikare lukalemo ifuwadapfo. Mndumii-Ruwa nalewika shose mawokonyi hadu.

NGUMBUO YA MAWAWASO 21:10

“Mukahenda shidenyi ikapana kya waka wawaende shidenyi na wakituwa wanu, nao Mndumii-Ruwa kamuinenga wuwinzi mukaende wapfungo wa shidenyi,

WAEBRANIA 4:9

Kikuwukye-ho kehamba ke kwipfo-se maanya foonyonya fumtsuhaṟye mkambo fo Ruwa.

YOSHUA 1:13

“Kekumbuonyi idedo lilya Mndumii-Ruwa alemuwia kui dumbu lya mṟundi oke Mose kehamba, ‘Mndumii-Ruwa nyi echiwainenga handu hesia moo, nawainenge oruka lu,

YOSHUA 1:15

Cha kipfa nyi mochiwaikanyia itane ili mandi Mndumii-Ruwa echiwainenga oruka handu hesia moo chandu alemwinenga nyo, waweoṟa chandu Mndumii-Ruwa onu alewainenga luwe kyoṟa kyawo, kii kidi mochiwuya na orukenyi lu lonu muluchilie, oruka muleinengo nyi Mose mṟundi o Mndumii-Ruwa nalo nyi lukeri ora lo ngamenyi lo meda fo Yordani.’”

YOSHUA 1:5

Ambuya Yoshua, kuwode mndu ose echiidima iwinzana na iyo kiheri kyose ui na moopfo nyi njechikaa na iyo chando njiwei na mṟundi oko Mose, nyi njechikaa handu hamu na iyo manya njechikulekiapfo.

YOSHUA 11:12

Nyi wudo alerumatsa mṟi iya ingi yose ko modo, kawewaha mangi tsilya tsawo tsose chandu Mose mṟundi o Mndumii-Ruwa alembawawasa.

YOSHUA 11:23

Nyi wudo Yoshua alewada oruka lose sumuhana na shilya shose Mndumii-Ruwa awewawasie Mose. Yoshua kadambikia Waisraeli orukalo kundu luwe lowo wahende iluhawa sumuhana na njoshari tsawo. Nalyo kukawada ofoṟo orukenyi kulakikaesepfo shida.

YOSHUA 11:8

Mndumii-Ruwa kawadambikia mawokonyi ha Waisraeli wakawakapa na iwawingia mṟasa Sidoni ing'anyi na Misrefothi-maimu mṟasa ora lo ngamenyi kiidi kya ipichi lya Mispa. Nalyo Waisraeli wakawakapa na iwawaha wose.

YOSHUA 2:24

Nalyo wakambia, “Nyi kya lohi Mndumii-Ruwa amewika oruka lu lose mawokonyi hadu. Kyamba wandu wa oruka lo wapfiie mrima kipfa kyadu.”

YOSHUA 22:4

Kyasia wulalu Mndumii-Ruwa onu ammaa iinenga wana wa wamayanu ofoṟo chando aweteṟie oo amonyi, kekuwuyenyi wulalu na kulya orukenyi lonu, lulya Mose mṟundi o Mndumii-Ruwa alemwinenga, luwekuwia lonu kulya molyolya ya meda fo Yordani.

YOSHUA 22:9

Kyasia, wana wa Rubeni, Gadi, na kyenga kya wana wa Manase wakasamana na shishari shilya shingi sha wana wa Israeli kulya Shilo, orukenyi lo Kaanani, wakawuya na orukenyi lowo lo Gileadi waweiwanenge nyi Mndumii-Ruwa kui owoko lo Mose.

YOSHUA 23:1

Kyasia komeida ho mfiri sa ifoi Mndumii-Ruwa kasumba Waisraeli ofoṟo, kawewakiṟa na wakituwa wawo wuka njora tsose. Nao Yoshua nyi awei mndu mmeku o maka sa ifoi.