YOSHUA 21:43 - Bibilia Kui Mdedie fo Kimochi

⁴³ Kyasia Mndumii-Ruwa nyi aleinenga Waisraeli oruka lose chandu awewikie kyasa na waku wawo. Nawo wekiambia wakakaapfo na iluchilia.

YOSHUA 21:43 ပူးပေါင်းရင်းမြစ်များ

MAWOOKIONYI 12:7

Mndumii kawonekia Abramu, kechihamba, “Njechiinenga luwa lyapfo orukalu.” Nao kawikia Mndumii chu alemchea kitaṟa kewikia kidaso.

MAWOOKIONYI 13:15

kyamba orukalu uluwonyi njechikuinenga iyo na luwa lyapfo tane mlungana.

MAWOOKIONYI 28:4

Nakunenge ona lo Abrahamu, iyo na oshari lopfo hamu na iyo, noidime ioṟa oruka lo kyaṟo kyapfo, Ruwa aweinengie Abrahamu.

2MBONYI TSA MAHERI 20:8

Nawo wamekaa kunu, na ikusungusia hekalu ko kiṟumi kya rina lyapfo, waichi

NEHEMIA 9:24

Kyasia wakawinga oruka lulya lo Kaanani, kowinga wandu walya wawekeri kiidi kya oruka lu, Koweinenga wandu wapfo pfinya yewuta chandu wakunda, na wandu wo hamu na wamangi wawo.

NEHEMIA 9:8

Kowembona ke nyi awei mhendeli oshangunyi lopfo, kowembikia kyasa ke nyi ochiinenga oshari loke oruka lu lo Wakaanani, Wahiti, Waamori, Waperizi, Wayebusi na Wagirgashi. Naiyo koweawutsia kyasa ki kyapfo, kyamba nyi ukeri mhendeli.

SHIIMBO SHA DAWIDI 105:8

Nakumburie mkundana foke mlungana; idedo lilya aleliwawasia marika kiku.

SHIIMBO SHA DAWIDI 44:3

Kyamba chi kui oshu lowo lulewainenga oruka pfo, Ma chi pfinya ya owoko lowo lulewakiṟa pfo, Indi nyi owoko lopfo lo kulyo, ee-da, owoko lopfo, Na ngeela ya kyamu kyapfo, kipfa nyi uwewakundi.

SHIIMBO SHA DAWIDI 78:55

Kafuna mkambo mhenu oshangunyi lowo, kawaheshia kyoṟa na mrewa, kadamiṟa mbaṟi tsa Waisraeli mahemenyi hawo.

IWUKA 3:8

na inyi ngasoka njicheiwaashuo mawokonyi ha Wamisri. Njechiwawutapfo njiwadose kuwuka orukalo tane oruka lucha, na lusalari; oruka luichuo wuki na maruwa; oruka lo Mkanaani, na Mhiti, na Mwamori na Mperizi, na Mhivi, na Myebusi.

YEREMIA 32:23

Nawo waleshika wakaluwada na iluikolonyia. Indi walekuadanyia, manya iosha mawawaso hapfo-pfo. Walewuta chandu ulewawiapfo. Nyi kyo kyatewa wakoyane na mawicho ha.

MAITALA 33:53

Mochiwada orukalo, mukaepfo kipfa ngamuinenga nyo.

MAITALA 34:2

“Tutuma Waisraeli kochihamba; Ili mochiida na orukenyi lo Kanaani sa njimuinenga luwe lonu, mṟasa ya orukalo nyi ii.

NGUMBUO YA MAWAWASO 11:31

Kimuwaṟi iambada meda fo Yordani muide napfo ipfo orukenyi kundu Mndumii-Ruwa, Ruwa onu aimuinenga. Kyasia ili mochiida napfo na ikaapfo,

NGUMBUO YA MAWAWASO 12:29

“Mndumii-Ruwa, Ruwa onu, kamemarisa ifunyia kuleshe mkamboyo ingi oshangunyi lonu, iwo muihenda iwafuna, iwawuta ipfo orukenyi na ikaapfo,

NGUMBUO YA MAWAWASO 17:14

“Mukamemaa iida na ipfo orukenyi sa Mndumii-Ruwa, Ruwa onu, aimuinenga, iluchilia na ikaapfo nanyo mochihamba, ‘Lusambuṟe mangi huyaadu, cha mkambo ingi ilutengetie;’

NGUMBUO YA MAWAWASO 34:4

Kiidima Mndumii-Ruwa kawia Mose, “Ilu nylo oruka lulya njileliia Abrahamu; Isaki na Yakobo nyamu ke njechiinenga luwa lyawo. Ngakuloṟa nowone na meso hapfo kumonyi, kyaindi iyo ochishikapfo pfo.”

YOSHUA 1:6

Nyi kikuwaṟi uwe ngohoda na mndu mwidimi, kyamba nyi uhenda iwa msongoru o wandu wa wahende iwada orukalu njilewateṟia waku wawo ke njechiwainenga.

YOSHUA 21:42

Mṟi i yose nyi iwenjiṟingichie na mapata helisia shiuma.

WACHILI 11:24

Fuda na kilya ruwa opfo Kemoshi alekuinenga. Indi oruka lo lose Mndumii-Ruwa, Ruwa odu alefuna pfo wenyiwo, kaluinenga so ilo nyi oruka lodu.

1SAMWELI 12:8

Kiheri Yakobo na wa mba yake walehenda Misri, na Wamisri wakawapfinyia, wasahuyanu waleeṟeṟia Mndumii-Ruwa; nao kawadikia Mose na Aron sa walewuta wasahuyanu kulya orukenyi lo Misri na imuende na kunu orukenyi.