YOSHUA 2:9 - Bibilia Kui Mdedie fo Kimochi

⁹ kawawia, “Inyi nyi njiichi ke Mndumii-Ruwa nyi alemmaa imuinenga orukalu. So nyi luwodo nyi wuowu wung'anyi mnu kipfa kyanu, na wandu wose wa oruka lu nyi wa wapfu mrima kipfa kyanu.

YOSHUA 2:9 ပူးပေါင်းရင်းမြစ်များ

MAWOOKIONYI 35:5

Kiheri walewooka kyaṟo, wuowu wo Ruwa wukachea mṟi iya iwewaṟingichie, manya walaoshe wana wa Yakobo.

2SAMWELI 17:10

Mrima ya waskari walya wakari cha mwiso yechisalaa, na iowuo kipfa, orio Mndu kunu Israeli naichi chandu ndeo o Dawidi na waskari wake waichi ikapana shida necha.

2WAMANGI 5:15

Kawuuya mndu ulya o Ruwa o na walya wawehendasanyi nao kacha, kahoṟoka oshangunyi loke kahamba, “Wulalu ambuya, ngamanya ke kuwode Ruwa wuyanenyi kose shile kiidi kya Israeli pfo. Wulalu ngakuterewa uambie shiinengo sha isinga lyapfo.”

2WAMANGI 7:6

Kipfa Mndumii alewatewa wakaicho mtiṟi cha fo magari, na mtiṟi fo frasi cha mtiṟi fo mamiingi fo wandu wa mbahanyi wa shida; wakawiana, “Ambuya mangi o Israeli neletaa wamangi wa Wahiti na wamangi wa Misri wache wakapane naso.”

NEHEMIA 6:16

Kyasia wakituwa wadu kiidi kya mkambo wa ipfo mṟasenyi wekiwona ke iṟunda lyi nyi lilemarisika, wakaowuo na iwodo nyi sonu ing'anyi, kyamba nyi walewuta ho imanya ke iṟunda li nyi lilemarisika kui pfinya tsa Mndumii-Ruwa odu.

ESTA 8:17

Kiidi kya orio isanga lyose leshikio iwawaso lya mangi na paruo ii, Wayuda wakachihiyo mnu wakawada mfiri mnene fuichuo mfuho. Wandu wengi walawei Wayuda, wakakuhaluo Wayuda kipfa kya wuowu woowuo Wayuda.

YOBU 19:25

Kyaindi njiichi ke mongawo oko nyi ai na moo. Numa nechihoṟoka iya orukenyi.

SHIIMBO SHA DAWIDI 112:10

Alai na wusumhanyi nechiwona na isokio fowa, nechilya ngamru na isalaa. Lango tsa walai na wusumhanyi tsechideka.

SHIIMBO SHA DAWIDI 115:16

Ruwehu nyi ruwehu ya Mndumii, indi oruka naleinga wandu.

IWUKA 18:11

Wulalu ngamanya ke Mndumii-Ruwa nyai mnene kota maruwa hose; ee-da, kiidi kya mbonyiyo walewawutia kui wunesi.”

IWUKA 23:27

Njechiduma ṟiho lyako lyikusongoye, na inyi njechikangaṟitsa wandu wose ochiwakooya, na inyi njechitana wakituwawo wapfo wose wakukumbe mhongo yawo wadiche.

KOHELETI 8:12

Manya mndu mnyamaṟi kawuta mawicho ka ihana, kaengeṟa mkonu yake; indi ma kudo njiichi kui lohi ke kyechiwa nanga ko walya waidikie Ruwa, wai wecha koke;

YESAYA 19:1

Otambahaluo lo Misri. Ambuya Mndumii nado na ipuchi liangu, nashika Misri, na sanamu tsa Misri tsidedema oshangunyi loke, na mrima fo Misri fosalaa.

YESAYA 23:5

Ilyi mandi mbonyi tsechishika Misri wechisukiyo mnu kipfa kya mbonyi ya Tiro.

YEREMIA 27:5

“O inyi njilewika wuyana wu wandu na mando ha nja iwo wai kunu osehu lo oruka ko pfinya yako ing'anyi na ko owoko loko luluhoṟotse na inyi njekeinenga wandu chando ngakunda.

NAHUMU 2:10

Nai kitaṟe, na fowa, na inyamaṟika; nawuko madima, ndi tsikapana, na kidedema king'anyi, shamu shawo shiichuo wuowu.

MAITALA 20:14

Mose kaduma ndumi ko mangi ya Edomu kuwuka Kadeshi kambia: “Manomayo, Israeli, nahamba adi: Iyo noichi mawukiwa hose haleluhoya.

MAITALA 20:24

“Aroni nechipfa; echiida na kulya orukenyi njileinenga Waisraelipfo kipfa nyo muwawi mulepiṟa iwawaso lyako kulya Meriba.

MATAYO 20:15

Ngesa ishi shako nyi ohamba nyi kilanjisumuhanye iwuta nasho chando ngakunda? Ang'u nyi onjiambuya kinyeeri ili njii njido mwoloru?

NGUMBUO YA MAWAWASO 11:25

Kuipfo mndu icho oose echiidima ihoṟotsana na iyopfo. Orio handu mohenda ipfo orukenyi, Mndumii-Ruwa, Ruwa onu nechikangaṟitsa wandu wamuowuo, chandu aleteṟia.

NGUMBUO YA MAWAWASO 2:25

Inu njiwooka iinenga wandu wose wa wuyana wuowu na fowa kipfa kyanu; wechiicho mbonyi tsanu nawo wakangaṟike wadedeme.”

NGUMBUO YA MAWAWASO 28:10

Mkambo ya wandu yose wuyanenyi wakawona ke nyo muilaho kui rina lya Mndumii-Ruwa wechimuowuo.

NGUMBUO YA MAWAWASO 32:8

Kiheri Ruwa Mwitoṟi alehawia mkambo ya wandu masaa hawo, alehawia wandu, orio mkambo nalefuwikia mṟasa yafo

WAEBRANIA 11:31

Nyi wuidiki wukaenenga Rahabu mka ulya o njia alawesanzo irumatso kimu na walemeshi walya kipfa nyi aleambya wa lokitala walya kui ofoṟo.

YOSHUA 2:11

Lokiicho kudo, ambuya nyi lulepfa mrima nakamu kipfa kyanu, pfinya ikalusiiya piu. Kyamba Mndumii-Ruwa onu, nyi ai Ruwa o Ruwehu na orukenyi.

YOSHUA 2:24

Nalyo wakambia, “Nyi kya lohi Mndumii-Ruwa amewika oruka lu lose mawokonyi hadu. Kyamba wandu wa oruka lo wapfiie mrima kipfa kyadu.”

YOSHUA 2:8

Kyasia Rahabu kahendia wandu walya wesoṟa mbonyi kulya kai walamelaa,

YOSHUA 5:1

Kyasia wamangi wose wa Waamori wawei molyolya ora lo kyukanyi lo meda fo Yordani, na wamangi wose wa Wakaanani wawekeri mbai ya ipalyipalyi lya Mediterania, wekiicho ke Mndumii-Ruwa nyi alehadutsa mṟinga fo meda fo Yordani kipfa kya Waisraeli mṟasa wakaambada, nyi walepfio nyi mdo, pfinya tsikawasia piu, kipfa kya iowuo wana walya wa Israeli.

YOSHUA 6:2

Nalyo Mndumii-Ruwa kawia Yoshua, “Ambuya inyi njikeri ihenda iolotsa mṟi fu fo Yeriko njifuwike mawokonyi hapfo handu hamu na mangi yafo na mbahanyi tsake wai warahari.

YOSHUA 9:10

Lukaaweicho kya shilya alewutia wamangi wawi wa Waamori walya wawei molyolya fo meda fo Yordani, mangi Sihoni o Heshboni na Ogu o Bashani awekekaa kulya Arshtarothi,

YOSHUA 9:24

Nawo wakahaluo Yoshua wakambia, “So nyi lulewio kya lohi ke Mndumii-Ruwa onu, nyi alewawasa Mose mṟundi oke ke nyi echirumatsa wandu wose wa oruka lu nao nyi nechimuinenga nyo luwe oruka lonu. Koikyo lukaowuo kya moo yadu, nyi kyo kitewe lukawuta kudo.

YOSHUA 9:9

Nalyo wakahaluo, “So masinga hapfo nyi luwukie orukenyi lo kuleshe, naso nyi locha kipfa nyi luleicho kiṟumi kya rina lya Mndumi Ruwa, Ruwa onu, nyi luleicho shindo sha mng'ano foke, na isho shose alewuta orukenyi lo Misri.

WACHILI 7:14

Odoye kamhaluo, “Ikyo kyaṟingishia na pata ke oshu lo Mwisiraeli ulya Gideoni mana o Yoashi sa Mndumii-Ruwa amewika mawokonyi hake Wamediani handu hamu na ichekeṟo lyose.”