YOSHUA 2:1 - Bibilia Kui Mdedie fo Kimochi

¹ Kyasia Yoshua kaduma wandu wawi ko kiṟika wawuka Shitimu wahende isoṟa mbonyi tsa oruka lulya wechiwoka mṟinyi fo Yeriko. Nawo wekihenda wakakuidia mba imu ya mndu mka mmeluki elaho nyi Rahabu, wakakaapfo.

YOSHUA 2:1 ပူးပေါင်းရင်းမြစ်များ

MAWOOKIONYI 42:16

Dumenyi umu onu nahende naende manomayanu nanyo mochipfungo, tane madedo hanu haṟingishio, kokoya muwode lohi nyo; shila wudo, so Farao nyo nyi weṟisa.

MAWOOKIONYI 42:9

Yosefu kakumbuo ndodo tsilya alewalodia. Kawawia, “Nyo nyi weṟisa, mocha kundu muwone kiṟike kya orukalu.”

MIKA 6:5

Lanye wandu wako, kumbuonyi chandu Balaki mangi ya Moabu aleoka mtambo, na chandu Balaamu mana o Beori alemhaluo. Kumbuonyi shilya shilemuhoya njienyi kiidi kya Shitimu na Gilgali. Kumbuonyi mumanye mawuto hako hemukiṟa!”

MAITALA 13:1

Mndumii-Ruwa kawia Mose,

MAITALA 13:2

“Duma wandu wahende iambuya oruka lo Kanaani sa njechiinenga wandu wa Waisraeli. Nochiduma mndu umu umu kuwuka orio kishari, na mnducho kiwaṟi nawe nyi msongoru o kisharikyo kyake.”

MAITALA 25:1

Lilya mandi Waisraeli wawei kulya shitimu wasoṟo walewooka iṟuhuya waka wa Moabu.

MAITALA 33:49

Walewika handu hesia moo kufui na meda fo Yordani makidi hawi ha Beth-yeshimoti na pichi lya Abel-shitimu rendewelenyi tsa Moabu.

MATAYO 1:5

Salmone kafee Boasi ifo ko Rahabu, Boasi kafee Obedi ipfo ko Ruti, Obedi kafee Yese.

MATAYO 10:16

“Ambuyenyi inyi njiimduma cha machondi hai kiidi kya makite ha ngeṟenyi Kyasia-ng'u kekaenyiho mui na wuṟango cha njoka mlai na mtambo mui cha mbeta.

WAEFESO 5:5

Nakyo nyikyo mukiichi mukamanya ke kwipfo mṟuhui oose ang'u o wulala ang'u mwehi nao moindya maruwa ha wongo awode kyoṟa ipfo wumanginyi wo Kristo na wo Ruwapfo.

WAEBRANIA 11:31

Nyi wuidiki wukaenenga Rahabu mka ulya o njia alawesanzo irumatso kimu na walemeshi walya kipfa nyi aleambya wa lokitala walya kui ofoṟo.

YAKOBO 2:25

Na wudo na Rahabu mka ulya o njia chi aleshika itano asumhanyi kui mawuto ili aleambya wasu walya na iwasama na njia ingi?

YOSHUA 1:18

Nyi wudo kechiwa kokoya mndu ose echiwumbuya wuwawaso wopfo ang'u kaleha madedo hapfo ang'u kindo kyose ochimmbia, naate nawoho. Kyaindi iyo engeṟa iwada pfinya na ngohoda njiwanzi.”

YOSHUA 2:2

Kyasia mangi o mṟi fulya fo Yeriko kaicho mbonyi tso kawio, “Ambuya nyi kuwode wasoṟo wawi wawukie ko Waisraeli wacheiye na kunu mṟinyi kio ki kya inu kundu wasoṟe mbonyi tsa oruka lu.”

YOSHUA 21:31

Helkathi na mapata helisia na Behobu na mapata helisia. Mṟi waleinengo nyi iweshikie ina.

YOSHUA 3:1

Kyasia ngamenyi kilawo Yoshua handu hamu na Waisraeli wose wakawoka kyaṟo wawuka Shitimu wekishika alya medenyi fo Yordani wakawikaho kiṟaṟo walammboka iambada.

YOSHUA 5:10

Kiheri Waisraeli wawei kiṟaṟonyi ipfo Gilgali wakaṟumisha Pasaka kyukanyi kya mfiri fo ikumi na kana fo meri alya pichinyi lya mṟi fo Yeriko.

WACHILI 1:23

Wawedumie wandu kuwooka wahende ifutiichia mṟifo fo Betheli. Ilyi mawookionyi fuwemlahe nyi Luzu.

WACHILI 18:14

Wandu walya watanu walehenda iṟisa oruka lulya lo Laishi wakawia wana wa mayawo, “Ngesa na muichi ke kiidi kya mba tsi imuho iwode ruwa lisalaṟe? Kyasia, kusaṟenyi chandu mochiwika.”

WACHILI 18:17

Wandu walya watanu walehenda iṟisa oruka wakaida na mba, wakaduo ruwa lilya lyesalaṟa na kikoti na sanamu ya wuindi. Mandi ho mkohanyi ulya nawehoṟoki mongonyi kimu na wandu walya mahana haṟandaṟu (600) wawode shisha. Kyasia, kekiwona wandu walya weṟisa,

WACHILI 18:2

Ko ikyo wandu wa Dani wakasambuṟa kiidi kyawo wandu ngarama wakawaduma kuwuka ipfo Eshtaoli na Sora, wakawawawasa wahende iṟisaṟisa oruka. Kyasia wandu wo wakashika kiidi kya oruka lo mafumvu ha Efraimu kanyi ko Mika wakahenda ikaa mbenyi ya Mika.