YOSHUA 18:7 - Bibilia Kui Mdedie fo Kimochi

⁷ Kyaindi Walewi wechihawio kindo kyose kiidi kyanupfo, kyamba kyoṟa kyawo nyi wakohanyi weṟundia Mndumii-Ruwa. Gadi na Rubeni na kenga kya oshari lo Manase wo waleinengo ohawi lowo kulya ora lo kyukanyi lo meda fo Yordani. Mose mṟundi o Ruwa nyio alewainenga ohawi lu lowo.”

YOSHUA 18:7 ပူးပေါင်းရင်းမြစ်များ

MAITALA 18:20

Mndumii-Ruwa kawia Aroni, “Iyo ochiwona kioṟa kyo kyose orukenyi lowopfo, manya iwada ohawi lopfo kiidi kyawopfo; inyi njii ohawi lopfo na kioṟa kyapfo ko Waisraeli”

MAITALA 18:23

Kyaindi Walewi nyiwo wawenyi tupu wechiṟunda ipfo ihemenyi lyesanzia; wechiweso necha kya orio kindo kya ipfo ihemenyi. Ili nyi iwawaso lya mlungana shisharinyi shanu shose. Walewi wechiwona kioṟa kya masaa orukenyi lo Israelipfo.

MAITALA 18:7

Kyaindi iyo kumonyi na wana wapfo mochiwuta mṟumo yose ya wukohanyi kipfa kya rasionyi na isho shose shii handu haele. Ikyo nyikyo kimuwaṟi, kipfa njimuinengie kiinengo kya ukohanyi. Mnducho oose alawaṟi katikiria shihia sha ihemenyi, nechiwaaho.”

NGUMBUO YA MAWAWASO 10:9

Nkyo kimaduma kishari kya wandu wa Lewi wawode kioṟa kya teri iya orukenyi handu hamu na wana wa mayawopfo; kindo waleambia nyi wuindi wowa wakohanyi wa Mndumii-Ruwa chando Mndumii-Ruwa, Ruwa onu aleteṟia.

YOSHUA 12:6

Ambuya Mose mṟundi o Mndumii-Ruwa, handu hamu na Waisraeli nyi alewinga Wamangi wo nao Mndumii-Ruwa kainenga shishari sha Rubeni, Gadi na kyenga kya oshari lo Manase tsiwe kyoṟa kyawo.

YOSHUA 13:33

Kyaindi oshari lo Lewi Mose aleluhawia kyoṟa kya orukapfo kyamba nyi alewawia kyoṟa kyawo nyi Mndumii-Ruwa, o Israeli.