YOSHUA 18:16 - Bibilia Kui Mdedie fo Kimochi

¹⁶ Fukawehendase kya seri fukaidia mbai ya fumvu likeri kufui na pichi lya mana o Hinomu, sa liwei ora lo huye lo pichi lya Warefai. Mṟasafu fukawesoka kufui na pichi lya Hiromu, ora lo seri lo fumvu lya Wayebusi, fukawesoka itane foshika En-rogeli,

YOSHUA 18:16 ပူးပေါင်းရင်းမြစ်များ

2SAMWELI 17:17

Kiheri kilya, Abiathari na Yonathani na Ahimaasi wawekeri kufui na Eurogeli, kundu mndu nalawawone wechiida ang'u iwuka mṟinyi wechiwedia mbonyi tsedaya Dawidi tsechiendo nyi mndu mka umu aweimteseheṟe moende mbonyi tsa nkiki kiwutika tsiwuka kulya mṟinyi fo Absalomu.

2SAMWELI 5:18

Wafilisti walya wakashika mfonyi fo Refaimu na ikuṟaṟanja kose.

1WAMANGI 1:9

Adoniya kashinja machondi, na mmbe na shinoṟu, kufui na iho lya Zohelethi lii hafui na soka Rogeli, kalaha wana wa mae wose, wana wa Mangi, na wandu wose wa Yuda, waṟundi wa Mangi.

2WAMANGI 23:10

Mangi Yosia kawefanyitsa ngafu handu heindia maruwa ha wongo hawehalahe Tofethi pichinyi lya wana wa Hinomu, kundu mndu oose alawone kechikoṟa mana oke o kisoṟo ang'u o kika kechimaya modonyi cha kiano kyake ko Moleki.

1MBONYI TSA MAHERI 14:9

Wafilisti wakashika mfoo fo Refaimu, wakawoka ipufukia wandu wa Israeli.

2MBONYI TSA MAHERI 28:3

kakoṟa ubani Pichinyi lya mana o Hinomu, kakoṟia pfo wana wake ko kidaso kemaya modonyi ko maruwa ha wongo, kechioshana na mbuka tsesukiṟa tsa wandu wa mkambo sa walefuno nyi Mndumii-Ruwa, osehu lo Waisraeli kiheri wawekeri ianga isangenyi.

2MBONYI TSA MAHERI 33:6

Nalewuta wana wake kidaso kemaya modonyi kulya mfonyi fo mana o Hinomu. Nalelasha, na iwesa wahanga, na ichumia na ndumba; na ihendesana na wandu wekeṟunda na waṟumu na wasawi. Nalewuta wunyamaṟi wufoi oshangunyi lo Mndumii-Ruwa, na isukiṟa Ruwa, na idosa Ruwa nyashi.

YESAYA 30:33

Kipfa Tofethi injiṟeheṟe wokia kacha, ee, injiteseheṟe ko mangi-cho; naihaluye ing'anyi, ihenda wanda mnu; handu hake hekoṟia nyi modo na ngu tsifoi; mṟufu fo Mndumii, cha modo fo kibiriti, fokeatso.

YEREMIA 19:11

Kochiwawia Mndumii nahamba adi, ‘Nyi wudi njechipaṟa wandu wa mṟi fu cha mndu mopaṟa kihiya kya teri, kilechiwase isungusia kichie cha kuwooka, nawo wechiṟika wandu kiidi kya Tofethi mṟasa kulechiwoneka se handu heṟika.

YEREMIA 19:2

Uhende itane pichi lya mana o Hinomu, lii hafui na kichumi kya mba tsa shohyo uonguopfo madedo njechikuwia.

YEREMIA 19:6

Kyasia ambuyenyi mkonu ikeri icha, Mndumii ahamba, kidi kya mkonu yo handu ha hechilahose Tofeti, ma pichi lya mana o Hinomu pfo, nyi kolaho pichi lyewahia.

YEREMIA 32:35

Wakawikia Baali ruwa o wongo rasio pichinyi lya mana o Hinomu, kundu wawutie ruwa Moleki wana wa kisoṟo na wa kika wawe shidaso, njilewawia ma ikusaṟa ke wawechiwuta kudo pfo, wakatewa wandu wa Yuda wawute wunyamaṟi.”

YOSHUA 15:63

Ambuya Wayuda waleidima ifuna Wayebusi wawekekaa Yerusalemu pfo, koikyo itane inu Wayuda na Wayebusi nyi wakeri handu hamu mṟinyi fo Yerusalemu.

YOSHUA 18:28

Zela, Ha-elefu, Yebusi, nyifo Yerusalemu, Gibea na Kiriath-yearimu, yose waleinengo nyi mṟi ikumi na ina (14) handu hamu na shihongo shayo. Iki nyi kyo kyoṟa kya wana wa Benyameni na mba tsawo.

WACHILI 1:21

Kyaindi wandu wa kishari kya Benyamini walefuna Wayebusi wawekyekaa mṟinyi fo Yerusalemupfo; nkyo kitewe Wayebusi wakeri handu hamu na wandu wa kishari kya Benyamini kulya Yerusalemu mṟasa inu.

WACHILI 1:8

Wandu wa kishari kya Yuda walesaṟikia mṟi fo Yerusalemu wakafuwada. Walewaha wandu wa mṟifo ko oshu na irumatsa mṟifo ko modo.

WACHILI 19:10

Kyaindi mndu cho naleleha ilaa pfo kio kilya. Kyasia, kakure kahenda kashika kufui na mṟi fo Yebusi nyi fo Yerusalemu. Nawerianyi na nzoi tsilya tsake tsiwi tsiwenjiteseheṟe, hamu na isuria ulya.