YOSHUA 18:12 - Bibilia Kui Mdedie fo Kimochi

¹² Mṟasa folyo ko ora lo huye nyi kuwokia meda fo Yordani fukaidia huye ya Yeriko na oruka lo mafumvu lochihenda ora lo kiukanyi itane nuka ya Beth-aveni.

YOSHUA 18:12 ပူးပေါင်းရင်းမြစ်များ

HOSEA 10:5

Wasamaria nyi waihenda idedema kipfa kya ihache lyo lya Betheli, wandu wake nyi wechisumukia kipfa kya ihachelyo, wakohanyi wekemwindia nyi wechimfihiṟia, kyamba kiṟumi kya ihache lyo kyawutoho, nyi kyasia.

HOSEA 4:15

Kya lohi nyo Waisraeli mui wamelukimeluki! Kyaindi mulatewe wandu wa Yuda wawade mti! Ma mulahende handu haele ipfo Gilgali, manya mulahende kulya Beth-aweni. Manya mulalye nyamu mochihamba, Chandu Mndumii-Ruwa ai na moo!

HOSEA 5:8

Kapenyi ombe ipfo Gibea na taṟumbeta ipfo Rama. Kapenyi king'oṟa ipfo Beth-aweni. Nyo wana wa Benyameni wakituwa wapfo nyi wakeri nduma yapfo.

YOSHUA 16:1

Wana wa Yosefu nyi walehawio kuwokia meda fo Yordani, ora lo ngamenyi lo soka tsa Yeriko wakaidia mafumvuhu itane Betheli.

YOSHUA 18:11

Kuṟu kuhya ya kuwoka nyi ileolokia oshari lo Benyameni sumuhana na mba tsawo. Iwa nyi walehawio oruka lo kiidi kya oshari lo Yuda na lulya lo Yosefu.

YOSHUA 2:1

Kyasia Yoshua kaduma wandu wawi ko kiṟika wawuka Shitimu wahende isoṟa mbonyi tsa oruka lulya wechiwoka mṟinyi fo Yeriko. Nawo wekihenda wakakuidia mba imu ya mndu mka mmeluki elaho nyi Rahabu, wakakaapfo.

YOSHUA 3:16

Mṟinga fulya fuwekeri isoka fuwuka ora lo huye fukotirima fukokuwumbiya handu hamu mṟasa Adamu, kihongo kiwekeri kufui na Sarethani. Mṟinga fuwekeri soka fuhende Arabu, ipalyipalyi lya Monyo fukosia fose, wandu wakaambada sumuhana na Yeriko.

YOSHUA 6:1

Kyasia mongo iya ya Yeriko nyi iwenjishingie kyamba kundu iime Waisraeli walaidime iida napfo. Kuwode mndu aleidima iwuka kulya mṟinyi manya iida napfo pfo.

YOSHUA 7:2

Nalyo Yona kaduma wandu wawuka Yeriko wahende mṟi fo Ai, mṟi fuwekeri kufui na Beth-aweni ora lo ngamenyi lo Betheli. Nao kawawia, “Kehendenyi mukesoṟa mbonyi tsa oruka lu.” Nahong'u wakahenda wakasoṟa mbonyi tsa mṟi fo Ai.

YOSHUA 8:15

Kyasia Yoshua na wandu wake walelembetseṟa ke nyi wawingo wakadichia kulya ora lo nuka.

1SAMWELI 13:5

Wafilisti wawewode magari ha shida shiku makumi haṟaṟu, wasikari wedoya frasi shiku makumi haṟaṟu, wasikari wedoya frasi shiku shiṟandaṟu naichekeṟo lya waskari wa madende wafoi cha msanga fo mawambao ha ipalyipalyi; wose waledo nahuye wakawika ikambi lyawo kulya Mikmashi, ora lo ngamenyi lo Beth-aveni.