YOSHUA 17:14 - Bibilia Kui Mdedie fo Kimochi

¹⁴ Kyasia wana wa oshari lo Yosefu wakahendia Yoshua, wakambia, “Nkili mandi oluhawia oruka lumu tupu na Mndumii-Ruwa nyi aleluwikia mboṟa lukawa wandu wafoi?”

YOSHUA 17:14 ပူးပေါင်းရင်းမြစ်များ

MAWOOKIONYI 48:19

Ndee kaleha, kahamba, “Njiichi, mana oko, nao daa nechiwa mkambo nao daa nechiwa mnene; kyaindi manawo neching'ana kota o, na wufee woke wochiwa mkambo ifoi.”

MAWOOKIONYI 48:20

Kyasia Israeli kawawikia mboṟa mfiri fulya kechihamba, “Kiidi kyanu Waisraeli wechiwikia mboṟa, wechihamba, “Ruwa nakuwutie cha Efraimu na cha Manase.” Naho Israeli kawika Efraimu kusonguo ko Manase.

MAWOOKIONYI 48:22

Ngoseṟa ya isho, inyi ngakuinenga iyo kienga kimu mafumvuhu ngoseṟa kota wana wa mayo, sa njileiwuta mawokonyi ha Waamori, kui oshu loko na uda woko.”

EZEKIELI 48:5

Ora luṟasanyi na Manase kuwokia ora lo ngamenyi mṟasa lo kyukanyi nyi lochiwa lo oshari lo Efraimu.

MAITALA 13:7

Kisharinyi kya Isakari nyi Igali mana o Yosefu.

MAITALA 26:54

Kishari king'anyi kihawio kiienga king'anyi na kishari kitutu kiweinengo kienga kitutu. Orio kishari kechiinengo kyoṟa kyake kiṟinganyi na iitala lya wandu wake.

MAITALA 36:12

Walealiko ko mba tsa kishari kya Manase mana o Yosefu, na kioṟa kyawo kikadeo ko kishari kya wandeawo.”

YOSHUA 16:4

Wana wa Yosefu kishari kya Manase na oshari lo Efraimu nyi waleinengo orukalo luwe kyoṟa kyawo.

YOSHUA 17:15

Kyasia Yoshua kawahaluo, “Kokoya nyi mufoi mnu, na oruka lo mafumvu ha Efraimu lulawashike se, kyasia hendenyi ngeṟenyi tsa oruka lo Waperizi na ya Warefai, muduhune ngeṟatso kuwe handu hanu hekaa.”