YOSHUA 17:11 - Bibilia Kui Mdedie fo Kimochi

¹¹ Ko ora lungi kiidi kya oruka lo Isakari na oshari lo Asheri, oshari lo Manase nyi lulehawio mṟi ya Beth-shani na Ibleamu handu hamu na mṟi ya Donri, Endori, Taanaki na Megido handu hamu na wandu wa shihongo sho shayo; na kyenga kya kaṟaṟu kya oruka lo Naftali.

YOSHUA 17:11 ပူးပေါင်းရင်းမြစ်များ

2SAMWELI 21:12

Dawidi kahenda ionduo mafuo ha Sauli na mafuo ha mana oke o Yonathani iwuka ko wandu wa Yabesh-gileadi. Wanduwo waweiiwie kidembonyi kya Beth-shani, kundu Wafilisti wawemasie Sauli na Yonathani, mkonu fulya Wafilisti walewaha Sauli fumvunyi lya Gilboa.

1WAMANGI 9:15

Itsi nyi mbonyi tsirianyi na Mangi Solomoni chandu aleinenga wandu maṟunda malemeri ko iwatukia kundu wawike mba ya Mndumii-Ruwa, mba ya Mangi, omombo lo Milo na lo Yerusalemu, na iwika wuhya mṟi ya Hasoni, Megido na Gerezi.

2WAMANGI 9:27

Ahazia mangi o Yuda kekiwona shilya shawutika kadicha wohenda mbenyi ya mdemi, kechiitumo nyi Yehu. Yehu kawawasa wandu wake, “Mbahenyi na icho.” Nawo wakamlasa na mfi akeri igarinyi njia yedo Guri hafui na mṟi fo Ibleamu. Kadichia Megido kapfiapfo.

1MBONYI TSA MAHERI 6:70

Ohawi lo kawi lo wandu wa oshari lo Manase, waleinengo mṟi ya Aneri handu hamu na madema hake ha shelya, na Bileamu handu hamu na madema hake. Ii yose nyiyo mṟi ileinengio wandu wa oshari lo Wakohathi.

1MBONYI TSA MAHERI 7:29

Wandu wa wufee wo Manase oshari lo Yosefu mana o Israeli walechilia mṟi ya Beth-shani, na Taanalu na mṟi yake; Megido, na Dori na mṟi yose iiṟingichie.

2MBONYI TSA MAHERI 35:22

Kyaindi Yosia nawekusirie ikapana. Naleleha iadanyia madedo halya ha Ruwa koiidia Neko, kakualacha kundu nalaidime imanyika, numa kaanga shidenyi nuka ya Megido.

SHIIMBO SHA DAWIDI 83:10

Sa walekombetsio Endori. Wakawa kyala orukenyi.

YEREMIA 49:2

Kyasia, maheri haicha lohi, mkonu yacha, Mndumii-Ruwa ahamba, njechiamtsa ṟu lya shida, ipfo Raba mṟi fo Waamoni. Raba fochiwa fumvu lya onyamaṟo, shihongo shake shechirumatso ko modo, naalyo Israeli echiitoṟia walya walemiitoṟia. Nyi inyi Mndumii-Ruwa ngahamba.

ZEKARIA 12:11

Mkonu fo fochiwa fo kilio king'anyi ipfo Yerusalemu cha kilio kya Hadadrimonyi pichinyi lya Megido.

YOSHUA 11:2

na ko wamangi wawei mafumvuhu ora lo huye, na walya wawei Araba iwekeri ora lo seri lo Kinerethi, kulya mapichinyi na wawei Nafoth-dori kya ora lo kyukanyi.

YOSHUA 12:21

mangi o Taanaki, mangi o Megido,

YOSHUA 12:23

mangi o Dori oruka lo Nafothidori, mangi o Goiimu kulya Gilgali,

YOSHUA 16:9

Wakaweengeṟese mṟi ingi na shihongo shayo wuka orukenyi lo oshari lo Manase.

YOSHUA 17:10

Oruka lo seri nyi luwei lo oshari lo Efraimu na oruka lo ora lo huye nyi lo oshari lo Manase, mṟasa fowo nyi ipalyipalyi lya Mediteranea ko ora lo kyukanyi na ora lo Asheri nyi luwei huye ya ora lo kyukanyi lo Manase, ora lo huye lo ora lo ngamenyi nyi luwei lo oshari lo Isakari.

YOSHUA 17:16

Nawo wakawemhaluo, “Nyi kyalohi orukalu lo mafumvu lulushikiepfo; manya kudo Wakaanani wose wakeri ipfo mapichinyi nyi wawode makari ha menya, na walya wose wakeri Beth-shani na shihongo shake na walya wakekaa pichinyi lya Yezreeli.”

WACHILI 1:27

Wandu wa kishari kya Manase walefuna wenyi mṟi ya Bethsheani na shihongo shafo, Taanaki na shihongo shafo, Dori na shihongo shafo, Ibleamu na shihongo shafo, na Megido na shihongo shafo. Wakanaani walewekaapfo.

WACHILI 5:19

“Ipfo Taanaki, mbai ya soka tsa Megido, wamangi walecha, wakakapana, wamangi wa Kaanani walekapana indi walewada ma shindo sha fesa-pfo.

1SAMWELI 28:7

Nlyondi Sauli alewia Waṟundi wake, “Njishieny mndumka sa eidima ilasha kundu njihende koke njikemmbesa mbonyi.” Waṟundi wake wakambia, “Kuwode mlasha umu ipfo Endori.”

1SAMWELI 31:10

Shisha shilya shake waleshiwika sinagoginyi lya ruwa lyawo Maashtarothi; kiidima wakamasa mbihu foke omombonyi lo mṟi fo Beth-shani.

1SAMWELI 31:12

wandu ngohoda tsose walekure, wakachumia kio taṟaṟaa, wakairaho mbihu fo Sauli na mbihu ya wana wake wakaisotsa alya omombonyi lo Beth-shani; wakaiwihiṟa na Yabeshi wakaikoṟiaho.