YOSHUA 16:7 - Bibilia Kui Mdedie fo Kimochi

⁷ Fukawuka Yanoa tane Atarothi na Naara, fukoshika Yeriko, fukamarisikia medenyi fo Yordani.

YOSHUA 16:7 ပူးပေါင်းရင်းမြစ်များ

1MBONYI TSA MAHERI 7:28

Oruka walewada na ikaapfo luwesanzie Betheli, na mṟi yose iiṟingichie na ihenda ora lo ngamenyi mṟasa Naarani, na ihenda ora lo kyukanyi mṟasa Gezeri na mṟi yose iiṟingichie. Oruka lo luwesanzie mṟi ya Shekemu, na Aza na mṟi yake yose iiṟingichie.

MAITALA 33:48

Kuwuka mafumvunyi ha Abarimu walechumia wakawika handu hesia moo rendewelenyi tsa Moabu mataya ya meda fo Yordani kufui na Yeriko.

YOSHUA 16:6

na lukahenda mṟasa ipalyipalyi lya Mediteranea. Ko ora lo huye mṟasa nyi fuweidie Mikmethathi na ko ora lo ngamenyi nyi fuletengeta tane Taanath-shilo fukaidiase ora lo ngamenyi tane foshika Yanoa.

YOSHUA 3:16

Mṟinga fulya fuwekeri isoka fuwuka ora lo huye fukotirima fukokuwumbiya handu hamu mṟasa Adamu, kihongo kiwekeri kufui na Sarethani. Mṟinga fuwekeri soka fuhende Arabu, ipalyipalyi lya Monyo fukosia fose, wandu wakaambada sumuhana na Yeriko.

YOSHUA 6:1

Kyasia mongo iya ya Yeriko nyi iwenjishingie kyamba kundu iime Waisraeli walaidime iida napfo. Kuwode mndu aleidima iwuka kulya mṟinyi manya iida napfo pfo.

YOSHUA 6:26

Kyasia Yoshua kada oseso oshangunyi lo Waisraeli kechihamba, “Mndu cho echikaa nawike mṟi fu fo Yeriko, Nyi echikaa ai msese nyi Mndumii-Ruwa, Mndu cho echikaa nawike se njomombo tsa mṟi fu, Mana oke mbee napfe. Na ichu ose echiwika mongo fo mṟi fu, Ambuya mana oke mtutu nechipfa.”