YOSHUA 15:8 - Bibilia Kui Mdedie fo Kimochi

⁸ Koikyo mṟasa fo nyi fuleida pichi lya Hiromu ora lo seri lo kifumvu kya Wayebusi, mahonyi ha Yerusalemu, fukohendia kitoṟomoso kya fumvu liwei ora lo kyukanyi lo pichi lya Hinomu fukashika mtsitsionyi fo mfo fo Refaimu.

YOSHUA 15:8 ပူးပေါင်းရင်းမြစ်များ

2SAMWELI 5:18

Wafilisti walya wakashika mfonyi fo Refaimu na ikuṟaṟanja kose.

2SAMWELI 5:22

Kyasia, Wafilisti walya wakawuyase lyakawi na ikuṟaṟanja kulya rendewelenyi fo msaṟi fo Refaimu.

2WAMANGI 23:10

Mangi Yosia kawefanyitsa ngafu handu heindia maruwa ha wongo hawehalahe Tofethi pichinyi lya wana wa Hinomu, kundu mndu oose alawone kechikoṟa mana oke o kisoṟo ang'u o kika kechimaya modonyi cha kiano kyake ko Moleki.

1MBONYI TSA MAHERI 11:4

Kyasia, Mangi Dawidi na Waisraeli walya wakahenda mṟasa mṟi fo Yerusalemu. Kiheri kyo mṟi fo fuwekelaho Yebusi, na Wayebusi wai wandu wakuwooka wa oruka lulya wawekeri kulya mṟinyi.

2MBONYI TSA MAHERI 28:3

kakoṟa ubani Pichinyi lya mana o Hinomu, kakoṟia pfo wana wake ko kidaso kemaya modonyi ko maruwa ha wongo, kechioshana na mbuka tsesukiṟa tsa wandu wa mkambo sa walefuno nyi Mndumii-Ruwa, osehu lo Waisraeli kiheri wawekeri ianga isangenyi.

NEHEMIA 11:30

Zanoa na Adulamu na shihongo shilya shiwei kufui. Lakishi, na madema haweṟingichie nyi Azeli na shihongo shalyo shiwefuṟingichie. Koikyo wana wa Yuda nyi walekaa oruka luwei kiidi kya Beer-sheba ora lo kiukanyi na pichi lya Hinomu liwei ora lo huye.

YESAYA 17:5

Ngoseṟa kechiwa cha ichu mosambuo ekewada mamsale ha ngano, na owoko loke lochiweha mahaa; nakyo kechiwa cha mndu adoduo mahaa pichinyi lya Warefai.

YEREMIA 19:14

Kiidima, Yeremia kawuka ipfo Tofeti, ipfondu Mndumii-Ruwa alemduma nahende iduopfo wuikimbi, nao kahoṟoka osehu lo mba ya Mndumii-Ruwa, kawia wandu wose kechihamba:

YEREMIA 19:2

Uhende itane pichi lya mana o Hinomu, lii hafui na kichumi kya mba tsa shohyo uonguopfo madedo njechikuwia.

YEREMIA 19:6

Kyasia ambuyenyi mkonu ikeri icha, Mndumii ahamba, kidi kya mkonu yo handu ha hechilahose Tofeti, ma pichi lya mana o Hinomu pfo, nyi kolaho pichi lyewahia.

YOSHUA 15:63

Ambuya Wayuda waleidima ifuna Wayebusi wawekekaa Yerusalemu pfo, koikyo itane inu Wayuda na Wayebusi nyi wakeri handu hamu mṟinyi fo Yerusalemu.

YOSHUA 18:16

Fukawehendase kya seri fukaidia mbai ya fumvu likeri kufui na pichi lya mana o Hinomu, sa liwei ora lo huye lo pichi lya Warefai. Mṟasafu fukawesoka kufui na pichi lya Hiromu, ora lo seri lo fumvu lya Wayebusi, fukawesoka itane foshika En-rogeli,

YOSHUA 18:28

Zela, Ha-elefu, Yebusi, nyifo Yerusalemu, Gibea na Kiriath-yearimu, yose waleinengo nyi mṟi ikumi na ina (14) handu hamu na shihongo shayo. Iki nyi kyo kyoṟa kya wana wa Benyameni na mba tsawo.

WACHILI 1:21

Kyaindi wandu wa kishari kya Benyamini walefuna Wayebusi wawekyekaa mṟinyi fo Yerusalemupfo; nkyo kitewe Wayebusi wakeri handu hamu na wandu wa kishari kya Benyamini kulya Yerusalemu mṟasa inu.

WACHILI 1:8

Wandu wa kishari kya Yuda walesaṟikia mṟi fo Yerusalemu wakafuwada. Walewaha wandu wa mṟifo ko oshu na irumatsa mṟifo ko modo.

WACHILI 19:10

Kyaindi mndu cho naleleha ilaa pfo kio kilya. Kyasia, kakure kahenda kashika kufui na mṟi fo Yebusi nyi fo Yerusalemu. Nawerianyi na nzoi tsilya tsake tsiwi tsiwenjiteseheṟe, hamu na isuria ulya.