YOSHUA 15:7 - Bibilia Kui Mdedie fo Kimochi

⁷ Fukawuka oo fukaidia Debri pichinyi lya Akori ora lo huye itane Gilgali, kufui na oruka lukuirie lo Adamimu lukeri kufui na kimeda ko ora lo seri, numa fukaembeṟukia sokenyi tsa En-shemeshi fukatsitsia Engrogeli.

YOSHUA 15:7 ပူးပေါင်းရင်းမြစ်များ

2SAMWELI 17:17

Kiheri kilya, Abiathari na Yonathani na Ahimaasi wawekeri kufui na Eurogeli, kundu mndu nalawawone wechiida ang'u iwuka mṟinyi wechiwedia mbonyi tsedaya Dawidi tsechiendo nyi mndu mka umu aweimteseheṟe moende mbonyi tsa nkiki kiwutika tsiwuka kulya mṟinyi fo Absalomu.

1WAMANGI 1:9

Adoniya kashinja machondi, na mmbe na shinoṟu, kufui na iho lya Zohelethi lii hafui na soka Rogeli, kalaha wana wa mae wose, wana wa Mangi, na wandu wose wa Yuda, waṟundi wa Mangi.

YESAYA 65:10

Na Sharoni yechiwa mfiṟiha fo ipo lya machondi, na pichi lya Akori pichi lya wukiwa handu helaṟa mapo ha mbe, kipfa kya wandu wako wainjishiha.

HOSEA 2:5

Mayawo nawuta wumeluki, nalekapika kechiwuta shindo sha sonu. Nalehamba; njechihendesana na wakunde wako, sa wekenjinenga kelya na mṟinga, sufu na kitanyi, mafuda na mvinyo.

YOSHUA 10:43

Lyefurumia Yoshua kawuya na kiṟaṟonyi kulya Gilgali handu hamu na Waisraeli.

YOSHUA 15:15

Amewuka Hebroni kahenda ikapa wandu wawekekaa Debri o kuwoka mṟi fu nyi fuwekelaho Kirath-seferi.

YOSHUA 15:6

Mṟasafo nyi fuidie Beth-hogla na ora lo huye lo Beth-araba itane foshika ihohu lya Bohani ai mana o Rubeni.

YOSHUA 18:17

nalyo mṟasa fu fukalemekia kya ora lo huye fochihenda itane foshika En-sheshi, fukaidia Gelilothi kundu kukuirie ko Adumimu fukasoka itane foshika ihonyi lya Bohani mana o Rubeni.

YOSHUA 4:19

Wana wa Israeli wakaambada meda fo Yordani meri fo kuwoka fushikie mkonu fo ikumi, nawo wakawika kiṟaṟo mṟinyi fo Gilgali ora lo ngamenyi lo mṟi fo Yeriko.

YOSHUA 7:24

Kyasia Yoshua handu hamu na Waisraeli wose wakaduo Akani, mana o Zera, handu hamu na fesa iya, nguo iya, sahabu, wana wake wa kika na wa kisoṟo, mbe tsake, nzoi na machondi hake, hema lyake na orio kindo awewode numa wakawaduo pichinyi lya Akori.

YOSHUA 7:26

Kyasia wakawumbia maho sa hafoi huye yake, na maho ho nyi hakeri ho mṟasa inu. Nalyo nyashi ya Mndumii-Ruwa ikahuo, na handu halya hakalaho, rina nyi Ipichi lya Akori mṟasa inu.