YOSHUA 14:6 - Bibilia Kui Mdedie fo Kimochi

⁶ Kyasia mkonu fumu wandu wa kishari kya Yuda walehendia Yoshua kulya Gilgali, nao Kalebu mana o Yefune ichu awei Mkenizi, kawia Yoshua, “Ngesa na ukumburie chandu Mndumii-Ruwa alewia mṟundi oke Mose kyadu so luwawi kiheri kilya luwei Kadeshi-Barnea?

YOSHUA 14:6 ပူးပေါင်းရင်းမြစ်များ

1WAMANGI 13:1

Kyasia, kukacha mndu o Ruwa kiidi kya Yuda kui idedo lya Mndumii, kashika Betheli. Nao Yeroboamu nawehoṟoki rasionyi kundu napfamiṟe uvumba.

1WAMANGI 13:14

Kaosha mndu o Ruwa, kamkoya adamie wanda ya ikidi kambesa, “Ngesa iyo nyi mndu ulya o Ruwa alecha iwuka Yuda?” Kambia, “Nyi inyi.”

2WAMANGI 4:16

Kahamba, “Kukashika kiheri cha iki maka fuicha, nochichunguṟia mana.” Kahamba, “Ote, Mndumii oko, iyo nyi mndu o Ruwa ulanjiwie wongo inyi kisinga kyapfo.”

2WAMANGI 4:42

Ngoseṟa kukacha mndu umu awuka Baal-shalisha, kaendie mndu o Ruwa kelya kya kuwoka, mkate makumi hawi ya “Shayiri” na mahaa ha Ngano njiwishi ikunyia pacha, Elisha kawawasa, “Inenga wandu walye.”

2WAMANGI 4:9

Mndu mka ulya kawia mii oke, “Ambuya njiwonyi mndu chu ekewa mocha na iya kodu orio kiheri nyi mndu mwele o Ruwa.

2WAMANGI 8:11

Kamtuluya meso mṟasa kaṟeenze, na mndu ulya o Ruwa kafihiṟa mchenyeṟe.

2WAMANGI 8:7

Elisha kahenda Dameski, na mangi Ben-hadadi o Shamu naweluo, kawio ke, “Mndu ulya o Ruwa nashika iya.”

1MBONYI TSA MAHERI 23:14

Kyaindi wana wa Mose mndu o Ruwa, waledeo wesendo kiidi kya oshari lo Walawi.

SHIIMBO SHA DAWIDI 90:1

Iyo, Mndumii, nukeri handu hadu hekaa; kishari numa ya kishari.

YEREMIA 35:4

Ngawaende na mbenyi ya Mndumii-Ruwa, kiṟihenyi kya wana wa Hanani mana o Igdalia, mndu o Ruwa. Kiṟiha kyo kiwei kufui na ichangala lya wanene, huya ichangala lya Maaseia mana o Shalumu, mringi o ichangala.

MAITALA 13:26

Wakahendia Mose Aroni na mamiingi fo Waisraeli kulya Kadeshi nuka ya Parani, wakawaongoya shindo waleshiwona na iwaloṟa ndunda tsa orukalo.

MAITALA 13:30

Kyaindi Kalebi kahaluo wandu ndiṟi oshangunyi lo Mose, kahamba, “Luhende wulalu kudi luchilie orukalo. Cha kipfa luwode wuidimi wung'anyi wowinga.”

MAITALA 13:6

Kisharinyi kya Yuda nyi Kalebi mana o Yefune.

MAITALA 14:24

Kyaindi kipfa mṟundi oko Kalebi akeri chawopfo na nalenjiindia kui wusumhanyi, njechimshitsa ipfo orukenyi aleida napfo o na luwa lyake wechiluchilia.

MAITALA 14:30

echiida na ipfo orukenyi njilelya nyamu imuinenga luwe lonu, shile na Kalebi mana o Yefune, na Yosua mana o Nuni.

MAITALA 14:6

Yosua, mana o Nuni na Kalebi, mana o Yefune, sa wawei kiidi kya wandu walya walehenda itiichia orukalo, wakaranduo nguo tsawo

MAITALA 26:65

Mndumii-Ruwa nawehambie ke wose wechipfiia kulya nuka, na cha lohi kuwode ma umu owo aledeeyo na moopfo, shile Kalebi mana o Yefune, na Yoshua mana o Nuni.

MAITALA 32:12

Wose wechiida napfopfo sile Kalebi mana o Yefune Mkenizi, na Yosua mana o Nuni, cha kipfa wo walenjiindia chandu kisumhanyi.

NGUMBUO YA MAWAWASO 33:1

Ii nyio mboṟa Mose, mndu o Ruwa, alewikia Waisraeli alamepfa. Nalehamba:

NGUMBUO YA MAWAWASO 34:10

Kulemewonekese mwikimbi kiidi kya Waisraeli cha Mosepfo, sa Mndumii-Ruwa alededa nao kyamu kui kyamupfo.

NGUMBUO YA MAWAWASO 34:5

Kyasia, Mose mṟundi o Mndumii-Ruwa kapfia kulya orukenyi lo Moabu chando idedo lya Mndumii-Ruwa alelihamba.

1TIMOTEO 6:11

Indi iyo ili ui mndu o Ruwa, dicha ishi, ke wingya-wo wuhoṟotsu na wuindi na wuidiki na mkundie na mutirisie na wuoloṟu.

2TIMOTEO 3:17

Kundu mndu o Ruwa nawe mtsane aa mteseheṟye kya iwuta orio wuto icha lyose.

YOSHUA 10:43

Lyefurumia Yoshua kawuya na kiṟaṟonyi kulya Gilgali handu hamu na Waisraeli.

YOSHUA 14:14

Kyasia mṟi fo Hebroni fukawa kyoṟa kya wana wa Kalebu mana o Yefune Mkenizi itane inu kyamba Kalebu nyi alewa mhendeli ko Mndumii-Ruwa, Ruwa o Israeli.

YOSHUA 15:17

Kyasia, Othnieli mana o Kenazi ai mana o mae o Kalebu, kawinga mṟi fulya, nao Kalebu kamwalikia mana ulya oke.

YOSHUA 4:19

Wana wa Israeli wakaambada meda fo Yordani meri fo kuwoka fushikie mkonu fo ikumi, nawo wakawika kiṟaṟo mṟinyi fo Gilgali ora lo ngamenyi lo mṟi fo Yeriko.