YOSHUA 13:31 - Bibilia Kui Mdedie fo Kimochi

³¹ kyenga kya Gileadi, Ashtarothi, Edrei, ii yose nyi iwenjichilie nyi mangi Ogu o Bashani; oruka lo nyi luleinengio wana wa Makiri awei mana o Manase sumuhana na mba tsawo.

YOSHUA 13:31 ပူးပေါင်းရင်းမြစ်များ

1MBONYI TSA MAHERI 6:71

Wandu wa kishari kya Gershomu waleinengo mṟi ii handu hamu na madema hake; kyenga kya kawi kya oshari lo Manase waleinengo: Galoni kulya Bashani handu hamu na madema hake na Ashtarothi handu hamu na madema hake.

SHIIMBO SHA DAWIDI 60:7

Giliadi nyi yako, na Manase nyi yako, na Efraemu nyi pfinya ya mdo foko. Yuda nyi ndichi yako ya wumangi.

EZEKIELI 48:4

Oshari lo Manase nyi lochiitumana na ora lo Naftali, nalo ni lochiwokia ora lo ngamenyi mṟasa ora lo kyukanyi.

YOSHUA 12:4

Mangi ungi nyi mangi Ogu, umu o Warefai wawetsuhee. Ichu nyi awechilie Bashani kakaa Ashtorothi ang'u Edrei.

YOSHUA 13:12

na oruka lose lo wumangi wo Ogu sa awetsuhee o Warefai, ichu nyi awechilie Ashtaroti na Edrei oruka lo kiidi kya Bashani. Ambuya Mose nyi alewinga iwa wose na iwafuna.

YOSHUA 13:32

Itsi nyi tso njoruka Mose alewahawia tsiwei ora lo ngamenyi lo Yeriko na meda fo Yordani kiheri kilya awei orukenyi lui rendewele lo Moabu.

YOSHUA 17:5

Kii kidi wa oshari lo Manase nyi waleengeṟio kawi oruka lo Gileadi na Bashani lukeri molyolya fo meda fo Yordani.

YOSHUA 17:6

Iki nyi kilewa kido kipfa wana wa kika wa Manase nyi walehawio kyoṟa kyawo kya oruka chandu wana wa kisoṟo wa oshari lowo walehawio, (oruka lo Gileadi nyi lulehawio wana wengi wa Manase.)

YOSHUA 9:10

Lukaaweicho kya shilya alewutia wamangi wawi wa Waamori walya wawei molyolya fo meda fo Yordani, mangi Sihoni o Heshboni na Ogu o Bashani awekekaa kulya Arshtarothi,

WACHILI 10:6

Waisraeli wakawuta mawicho oshangunyi lo Mndumii-Ruwa wakasingia Mabaali, Maashtarothi na maruwa ha Shamu, ha Sidoni, ha Moabu, ha Amoni na ha Wafilisti. Wakada Mndumii-Ruwa ma walamwindie se.

WACHILI 5:17

Kishari kya Gileadi kiledeo molyolya fo Yordani, kishari kya Dani nkitewe muledeo merikebuni uki? Kishari lya Asheri kilekaa olele wambaṟa ya ipalyipalyi, oo mbai ya ipalyipalyi kokyo.

1SAMWELI 12:10

Wandeanu walelilia Mndumii-Ruwa wechihamba, “Lulewuta wunyamaṟi cha kipfa lulekuda iyo Mndumii-Ruwa lukaṟundia Mabaali na Maashtaroth kyeluashuo kuwuka mawokonyi ha wakituwa wandu, naso lochikuṟundia.”

1SAMWELI 7:3

Samweli kawia Waisraeli, “Kokoya mowuya Mndumii-Ruwa na mrima fonu fose kimuwaṟi muwute ipfo kiidi kyanu maruwa mahenu na sanamu tsa Ashtarothi. Halukienyi Mndumii-Ruwa kui mrima fose na imṟundia o amonyi tupu, nao nechimukiṟa kuwuka mawokonyi ha Wafilisti.”