YOSHUA 12:7 - Bibilia Kui Mdedie fo Kimochi

⁷ Kyasia, Yoshua handu hamu na Waisraeli wakawinga wamangi wose wawekeri oruka luwei ora lo kyukanyi lo meda fo Yordani, wokia Baalgadi pichinyi lya Lebanoni mṟasa fumvunyi lilawewode kindo lya Halaki ora lo seri kufui na Seiri. Nalyo Yoshua kahawia shishari sha Waisraeli njoruka tso tsiwe shioṟa shawo.

YOSHUA 12:7 ပူးပေါင်းရင်းမြစ်များ

MAWOOKIONYI 14:6

na Wahori kulya fumvuhu lyawo Seiri, mṟasa Elparani ii kufui na nuka.

MAWOOKIONYI 32:3

Nahong'u Yakobo kadika wadume wamsongoe ihenda ko mano mae Esau, mṟasa orukenyi lo Seiri nuka ya Edomu.

MAWOOKIONYI 36:20

Iwa nyi wana wa Seiri, Mhori, wenyi wa oruka lulya; Lotani, na Shobali, na Sibeoni, na Ana,

MAWOOKIONYI 36:30

Dishoni, Eseri, na Dishani. Iwo nyiwo wadume wawukie ko Wahori, koorio umu owo nawei mnene o kishari kyake kiidi kya oruka lo Seiri.

MAWOOKIONYI 36:8

Esau kakaa fumvuhu lya Seiri; Esau nyio ndee o Edomu

SHIIMBO SHA DAWIDI 135:11

Sihoni, mangi ya Waamori, na Ogu, mangi ya Bashani, na mangi tsose tsa Kaanani.

NGUMBUO YA MAWAWASO 2:1

Numa, lukahaluka, lukachumia kulya nuka lukaida njia ya ipalyipalyinyi lya Shamu, chandu Mndumii-Ruwa alenjiwia; lukaṟahaṟaha kufui na fumvu lya Seiri kiheri kileshe.

NGUMBUO YA MAWAWASO 2:4

Mui kufui muide orukenyi lo mafumvu ha Seiri, oruka lo wana wa mayanu luwa lya Esau. Wo wechimuowuo, kyaindi kuṟisenyi,

YOSHUA 11:17

Ambuya nyi alewada naiwaha wamangi wose wa njorukatso kuwokia fumvu lilawewode kindo lya Halaki kufui na Seiri mṟasa Baalgadi ipichinyi lya Lebanoni, ora lo kyukanyi lo fumvu lya Hermoni.

YOSHUA 11:23

Nyi wudo Yoshua alewada oruka lose sumuhana na shilya shose Mndumii-Ruwa awewawasie Mose. Yoshua kadambikia Waisraeli orukalo kundu luwe lowo wahende iluhawa sumuhana na njoshari tsawo. Nalyo kukawada ofoṟo orukenyi kulakikaesepfo shida.

YOSHUA 3:17

Mandiho Waisraeli wawekeri iambada, wakohanyi walya wawekudikie isanduku lilya lya mkundana nyi walehoṟoka handu hai hahadutsu makidi hawi ha meda fulya fo Yordani itane Waisraeli wose walemarisa iambada.

YOSHUA 9:1

Kyasia wamangi wose wawei molyolya ya meda fo Yordani na oruka lose lo ipfo mafumvunyi na lo ipfo mapuchinyi na wambaṟa ya ipalyipalyi lya Mediterania liwei sumuhana na Lebanoni, Wahiti, Waamori, Wakaananyi, Waperizi, Wahivi na Wayebusi kiheri waleicho mbonyi tsa Waisraeli,